الجزء الثاني من البلوج ... زوروني

يا جماعة
انا عملت جزء تاني للبلوج و العنوان مشابه جدا
بدل 711 خلوها 712 و هتدخلوا عليه علطول
اتمنى تزوروني هناك لاني مش هكتب هنا من الان

www.rashida712.blogspot.com

و لما تروحوا هناك هتعرفوا السبب
شكرا لكل حد لسه فاكرني
كل تقديري و ودي

اتغيرت

صباح الفل و الورد و الياسمين على كل ناس حلوة مستحملين تقلباتى ولسه بيتابعوا البلوج ده
اللى واضح انه خد عين قوية اوى من حد حقود
بقى تقيل معايا و جهازى اصلا خربان
مبقتش عارفة اشتغل فيه
انا بجهز واحد تانى اكمل فيه المسيرة رغم انف الفاشلين
شكرا لزيارتكم
تخيلوا ان اخر بوست كتبته من شهرين قلت ان البلوج اتصلح
تانى يوم جيت افتحه لقيته متصلحش
ههههههههه
انتظروا بلوجى الثاني ليكون بمثابة جزء تانى ليا انا شخصيا
انا اتغيرت كالعادة

عــُــــدنا

الحمد لله رجعت
معرفش ليه بلوجي كان عطلان
انا نسيت
بس دخلت لقيت كل حاجة شغالة معايا
كنت شاكة ان جهازى مفيهوش جافا عشان كده مكانش بيفتح و كل التنسيقات بتبان
بس ظهر كله الان
عليه عفريت
الحمد لله على اي حال
هحاول انتظم معاكم

حسابات معقدة

سلام عليكم
شكرا لكل حد لسه فاكرني و بيدور عليا و بيتابع بلوجي
بس حابة اعتذر عن عدم ردي على التعليقات حتى الان و عدم تجديدي في البلوج
لعدة مشاكل بتواجه جهازى اعتقد انها هتطول فترة كبيرة
بالاضافة لانشغالي من شهرين في الجرنان اليومي اللي بقى واخد كل وقتي
سامحوني
اكيد هرجع اواصل في يوم
امتى ؟
معرفش
شكرا لكل حد زارني و اهتم
و تحياتي للشنكوتي و مبروك كتاب اختك
و لداليا حبيبتي
و لمهند المصري احسن حد زارني و لهيثم الغيتاوي زميلي القديم اللي يبدو زار البلوج و مفتكرنيش
و لاشرف حمدي و لكل حد علق عندى
و لسارة ضو و كل الناس اللي بتقرا
سأعود
امتى
الله اعلم
ادينى عايشة

عطل فنى

البلوج اطارته اختفت
للاسف مش عارفة اضيف حاجة عشان التنسيق فيه مشاكل
بعتذر لزوارى الى حين اصلاح المشاكل

هذا هو التطور

اعتذر عن غيابي الطويل عن زوار بلوجي و لكن الاحوال تتغير دائما

المهم

اليوم عندما استيقظت بالسابعة صباحا خطرت ببالي فكرة و قررت قرارا

شيئا ما اريد ان اعترف به علنا و ان اقوله و اسمعه و يسمعه اخرون

لقد قررت التغاضي عن بعض انطباعاتي السابقة و قرارتي بصدد بعض الناس

اولا : اكتشفت انه ليس معنى ان هناك البعض يحمل الشر بقلبه و لا يحبك ، ان يكون عدوك

و على ضوء اول اكتشاف قررت الاعلان ان كريم الاسكندراني ونجلا الليبية لم يعودوا و لن يظلوا اعدائي

فليذهبوا

لقد حررتهم من عدواتي لهم او اعتبارهم اعداء

...

دائما كنت اقول جملة تحسم كثيرا من الكلام مع الاخرين ... كنت اقول

" كل واحد بيشيل ذنبه "

فيما معناه انى لن اُحاسب بالنهاية على ان كريم او نجلا اشرار

و لن اُحاسب عن افعالهما و سواد قلبيهما

و لن اتحمل كذلك مسئولية ذلك و لن يضرني او يفيدني بشئ

و من هنا .. هما احرار

اعلنتهما احرارا من عداوتى او اعتباري لهما اعداءا

فليذهبوا حقا بدون اى حسابات او اعادة تفكير بصددهما

اجمل شئ اكتشفته في نفسي اليوم هو انى استطيع وضع نهايات لما لا يعجبني بذكرياتي

حقا ذلك سر الحياة الاول

......

بيوم من الايام فكرت مع نفسي في سر الحياة الانسانية و استمرارها فاكتشفت عشرة اسرار ملخص فيها الحياة كلها و لقد كتبت عن اول سر منهما من قبل و هو السعادة

و اليوم اصرح بان ثاني سر للحياة هو القدرة على وضع نهايات لما لا نرغب فيه

......

...

..

ثاني قرار اخذته صباح اليوم هو الاعلان عن مسامحتي لسيدة تعبتني و طلعت عيني و سابت لي خساير و ذكريات سوداء كتيرة

انا اليوم اعلن عن اني فعلا مسامحاها

بصدق

مسامحاها عن الاساءة لى و اتهامي ظلما

لن احكي تفاصيل

من يقرأ بلوجي يعرفني جيداً و يعرف تلك القصص المستفزة الماضية

و لكن احب ان ابرر سبب مسامحتي لها بحكاية قصيرة

لقد قابلت من عشرة ايام تقريبا صديق قديم و وفي و ليس له مثيلا ابدا

هو انسان مهذب لدرجة تجعلك تتشبث بمرافقتك له مدى العمر استمتاعا بتهذيبه

اسمه احمد جمال

لم ارى في حياتي شخصا متدينا و مهذبا و عاقلا و مرنا مثله

و اعتقد اني لن ارى

قابلته و جلست معه لاننا لم نتقابل منذ شهور بعيدة

سألني و حكيت له عن كل شئ يستحق الحكاية

فعاتبني على غضبي و عدم مسامحتي لمن اسائت لي و ظلمتني

فسألته : قولي سبب واحد مقنع يخليني اسامحها و انسى لها ؟

فقالى : لازم تنسي لها عشان تستمري و تعيشي و لازم تسامحيها

فطلبت منه مرة اخرى مبرر مقنع لسماحها فسألني عن توقيت و ظروف اساءتها لي و كيف كانت حالتها وقت اصدار حكمها الظالم علي

فقلت لها انها كانت غاضبة تأثرا باشياء عدة

فسألني من يسبب الغضب للانسان ؟

فاجبته بانه الشيطان

فاجابني بان الشيطان هو سبب عدم سماحى لها حتى الان فهل ارضى بذلك

سكتت لانى لم اقتنع

الشيطان بنظري ليس شفيعا كافيا لها و لن يستفزني انه سبب غضبها لكى اسامحها عنداً فيه

و لكن صديقي تكلم عن الغضب ققال لي انه يوجد حديث شريف يقول فيه الرسول عليه الصلاة و السلام بانه الشديد ليس بالصرع ، بل الشديد هو من يمسك نفسه عند الغضب

و هي ضعيفة لانها لم تستطع ان تحكم و تتحكم في غضبها و تحكم عقلها بشكل صحيح

و بالتالي قرارها بظلمي لم يكن راجع لها بل راجع لغضبها

و الكل يخطئ الحكم عند الغضب

سكتت ساعتها لاني اقتنعت

فاكمل كلامه بحماس عما يؤثر فيه الغضب في جسم الانسان و كيف تدريجيا يتسبب الغضب في التفكير الغير متزن وووو الى اخره

اقتنعت بشدة و وجدت انى مخطئة لعدم مسامحتى لها حتى الان

خصوصا و انا اعلم انها انسانة جيدة السلوك غالبا و ليس من عادتها خطأ كالذي فعلته معي

و يومها فكرت بطريقي للمنزل بمسامحتها

و سامحتها

و البارحة جلست مع صديق عزيز جدا و مقرب اسمه احمد الدسوقي و هو صحفي زميل

تكلم معى قليلا عن بلوجي و عن ان الصورة التي وضعتها لتلك السيدة و انا اشطب عليها بعلامة غلط و اضع فوقها صورة شبشب عليه علامة صح

قال ان تلك الصورة مهما تعبر عن غضبي وقت غضبي فهي اضحكته لانها كانت سبب استفزاز بعض المهووسيين بتلك السيدة كما حكى لى

...

وقتما قال لي ذلك الدسوقي كنت ارغب في توضيح فكرة الصورة له

فلم اقصد وقت صناعتها اهانة تلك السيدة و لكنى قصدت بالفعل ان اقول انها اضرتني برغم حبي لها و لم تعد مفيدة لي بقدر ذلك الشبشب الذي لا احبه و لكنه يفيدني و يحمي قدمي و يحملني كلي و يحافظ علي

فماذا هي فعلت لى ؟ و ماذا فعل الشبشب لي ؟

هى قابلت الاحسان و الحب بالاساءة و لم تقدم لي شيئا بينما الشبشب قابل عدم حبي و اهتمامى به بحمايتي و الحفاظ على راحتي

و من هنا صنعت فكرة الصورة

كنت اريد القول ان تلك السيدة التى على صورتها علامة كروس غير مفيدة

كالسيجارة التي نضع عليها كروس لعدم افادتها و لامتناع الناس عنها

انا ايضا كنت اريد ان اقول انى امتنعت عنها و انها اصبحت غير مرغوبة و غير مفيدة

و لكن عندما فكرت اليوم بموضوع انى سامحتها اردت ان اقول ايضا في بلوجي هنا انى غير معترفة بتلك الصورة

لانى و الحمد لله صنعت نهاية جيدة و مريحة لسيرة تلك السيدة و بالتالي لم يعد من المفيد نشر تلك الصورة عنها

و انا بالفعل اعلن عدم استمرار دعمي لتلك الصورة

فلتذهب صاحبتها حرة طليقة

فلقد سامحتها

؟؟؟؟

كثيرون في عقولهم الان علامات استفهام

يتسائلون لماذا هذا التغيير في الرأي و الانطباع ؟؟؟

ارد على دهشة البعض بان السر في هذا البوست هو تطوري بالفعل

يوميا تتطور طريقة تفكيري و تتغير و تتطور انطباعاتي عما حولي

و احب بالمرة ان اعلمكم ان التطور هو السر الثالث للحياة

اتمنى ان يتطور البعض و تزداد مساحة بصيرته ليستمتع اكثر بحياته

و مرة اخرى .... لقد سامحت تلك السيدة .... فلتذهب طليقة حرة بسماحتي لها ... و لكن بعيدا عني

و مازلت اصر

" كل واحد بيشيل ذنب نفسه "

:-)

نوال الزغبي من قرطاج : قلبي كاد ان يتوقف لو كنت توقفت عن الرقص !ا

ذلك تقرير من أفضل التقريرات و التغطيات التي قمت بها في حياتي الصحفية

تغطية احد الحفلات في مهرجان قرطاج بتونس

و لقد قررت نشره بالبلوج بعدما تم نشره اليوم في جريدة عالم اليوم الكويتية التي اعمل بها

عنوان رئيسي :
نوال الزغبي من قرطاج : قلبي كاد ان يتوقف لو كنت توقفت عن الرقص !ا

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

عنوان فرعي 1 :
"حفل ناجح بكل المقاييس عابه غنائها للعندليب و نسيانها للكلمات و ميزه تدليلها للجمهور "

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
عنوان فرعي 2 :
أعجب ما في ليلة نوال إنها كانت تهتف لنفسها بنفسها قائلة : نوال .. نوال !!ا

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

أطلت الفنانة اللبنانية المتميزة نوال الزغبي في ليلة من أفضل ليالي مهرجان قرطاج الموسيقى و أكثرهم نجاحاً و مردوداً جماهيرياً ، و أبدعت في تقديم تاريخها كله ملخصاً في فرحتها و أدائها الناضج عبر مجموعة من أفضل ما غنت نوال بتنوع خليجي و مصري و لبناني .
و بدت متألقة أكثر من عادتها في طلتها حيث ارتدت فستان باللون الروزي الزهري واسع و قامت بجمع شعرها القصير تحت تاج بنفس لون فستانها .
و كانت المفاجأة الحقيقية في ليلة نوال متمثلة في أعداد الحضور الغفيرة التي طمأنتها الى حد كبير بمجرد دخولها المسرح ، فأثبتت انها لا تقل جماهيرية و نجومية عن لطيفة و نجوى كرم اللاتان سبقتاها الأسبوع السابق في إشعال مسرح و جمهور قرطاج غناءً .

كانت نوال تدهش الجمهور من كثرة مفاجأتها و أدائها الراقي العفوي في نفس الوقت ، فلم تترك أغنية الا و غنتها و هي متسلحة بموهبتها و خبرتها الكبيرة بالأداء المسرحي اللايف فخرجت كل فقراتها في أبهى صورة تناسب قدر و قيمة مهرجان قرطاج الموسيقي و جمهوره .

غنت مجموعة مختارة من اغانيها مثل ياما قالوا و روحي يا روحي بيلبقلك و ماندم عليك و ناسيني ليه و على ده العونة و طول عمري و عادي و حبك بلوى و اغاني اخرى ، كانت أفضل الأغاني التي غنتها نوال في الحفل أغنية " طول عمري " حيث أبدعت في إخراج الأغنية بشكل مختلف ما بين تنفيذها و أدائها على المسرح من ناحية و توزيعها الموسيقي الجديد من ناحية فاختلقت أكثر من تفصيلة مبهجة أثناء غنائها مما جعلها تلقى تفاعلاً كبيرا لدى الجمهور نتج عنه تواصل مستمر بسبب سعادة الحاضرين برقص نوال المتواصل و حالة الإبهاج التي غلبت عليها أثناء غنائها تلك الأغنية و الحفل بشكل عام .


" لم تكسف جمهورها "
كانت نوال تصمت ما بين الأغنية و الأخرى و بعد انتهائها من أغنية طول عمري توجهت للفرقة الموسيقية لتطمئن على استعدادهم للبدء بالأغنية التالية و ما بين تحضيرها هي و الفرقة فى عدة دقائق قليلة لم يهدأ جمهورها ففوجئت بهم نوال يرددون بصوت عالي و بشكل جماعي أغنية " مين حبيبي أنا " التي كانت قد شاركت فيها الغناء الفنان وائل كافوري منذ سنوات ، و لكنها كانت ستغني وقتها على المسرح أغنية خليجية و كانت الفرقة قد بدأت بالعزف فغنت نوال أغنيتها و لكنها لم تستطع إكمالها و جمهورها يفكر في أغنية أخرى فقطعت الأغنية الخليجية في منتصفها لتشير للفرقة الموسيقية بعزف موسيقى " مين حبيبي انا " و انطلقت في غناءها مع الجمهور لترضي رغبتهم و تفرح معهم .


" تواصل "
تشجيع و رقص و تصفيق الجمهور كان أسلوبهم للتواصل مع نوال و التعبير عن ترحيبهم بها و لذلك لم يفت نوال ان ترد على تواصلهم بأكثر من لفتة لطيفة كالكلام معهم باللهجة التونسية قائلة بين حين و آخر " عايشك " و " وحشتوني برشا برشا " ، و شكرهم و إطرائها على استقبالهم لها واصفة أنهم أفضل جمهور على الإطلاق غنت له و مؤكدة على ان كل زملائها يتفقون معها في ذلك .



" نوال تهتف و تشجع نفسها !ا "
واحدة من أبرز مفاجآت نوال في الحفل كان هتافها بنفسها لنفسها ما بين الحين و الأخر مما أشاع جواً من المرح كبيراً بين جمهورها حيث كانت تبادر وقت هدوء الجمهور بين كل أغنية و الأخرى بهتافها بصوت عالي في المايك قائلة بحماس " نوال ... نوال .. نوال " فتجبر الجمهور على الهتاف معها بشكل ودي و حميمي شجعها على الهتاف لنفسها مرات أخرى و هى على ثقة بان جمهورها سيهتف معها لها ...



" أخطاء بسيطة ... رغم الخبرة "
بالرغم من ان خبرة نوال و تماسكها الدائم في حفلاتها يخولها لان تتحكم و تتمكن في غنائها اللايف إلا إنها ارتكبت القليل من الأخطاء خلال غناءها هذه الليلة على مسرح قرطاج و كانت كل أخطائها تقريبا تتعلق بحفظها للاغاني فكانت تواجه مشكلة في تذكر بعض كلمات الأغاني و كانت تتدارك ذلك بالصمت و الرقص حتى تُلهي جمهورها عن ملاحظة نسيانها ، بينما كانت في أحيان أخرى تسبق الموسيقى و تغني و أحيان أخرى تصمت وقتما يحين دور غنائها فتضطر الفرقة الموسيقية إلى تكرار الجزء الذي فات نوال و سرحت فيه .



" خطأ روتانا ام اخراج الحفل "
فوجئ مشاهدي قناة روتانا موسيقى أثناء البث المباشر للحفل بحالة من النشاز تجتاح الصوت الخاص بموسيقى الحفل و غناء نوال حيث كان يوجد عطل كبير بالصوت أخل ببث الحفلة كما ينبغي للمشاهدين ، و ربما تكون مشكلة الصوت واجهت روتانا في بثها الحي و ربما تكون متعلقة بسماعات المسرح مع ان قرطاج إخراجه الفني نادراً ما يقابل مثل تلك المشاكل "الكوارثية" في وجهة نظر منظمي المهرجان ، و لكن ما نستطيع التأكيد عليه ان مدرجات قرطاج لم تشعر بأي انزعاج من ذلك الصوت مما يوضح ان المشكلة محصورة في بث روتانا فقط ، و الجدير بالذكر ان صوت التنشيز ذلك بدأ في نهاية غناء نوال لأغنية " مين حبيبي انا " و استمر في كلا من " قلبي دق " و " شو أخبارك " بعدها ..!

" جمهورها يمجدها برسائل قصيرة "
من ناحية أخرى لم يتوقف جمهور نوال عن إرسال ال اس ام اس على شريط قناة روتانا موسيقى فأصابوها بسيل من الرسائل التي لا تنقطع و لا تخلو من إطراء على نوال و أدائها و على حفلها و حباً فيها يصل الى حد التمجيد .



" إحياء ذكرى العندليب و خاتمة سيئة "
بينما ختمت نوال حفلها بأدائها لأحدى أغنيات العندليب الراحل عبد الحليم حافظ و هي أغنية "حبيبتي من تكون " و فرحتها بالجمهور جعل منها عندليباً رغم صوتها المرهق الذي اثر عليه الزمن كغيرها من نفس جيلها ! ، و رغم أدائها الجيد للأغنية إلا ان بعض ممن لا يحبونها انتقدوها و ظلوا يهمسون بعد الحفل بأن خطأها الوحيد في قرطاج هو غناء أغنية تطريبية لا تليق بنوع حنجرتها و صوتها ، و عن ذلك التعليق توجهت " عالم اليوم " بسؤال لنوال التي بدا الانزعاج فوراً على وجهها بشكل مرعب لدرجة عدم قدرتها على الرد لثوان ، فصمتت قليلا ثم قالت : " لا تعليق ... و لكن تستطيعوا ان تسألوا الجمهور ..!" .


" رقص و تنطيط !ا "
بالنهاية نستطيع أن نقول إن الملفت حقاً في طلة نوال هو ذلك النشاط الكبير و المجهود الذي بذلته طوال فترة تواجدها على المسرح فلم تتوقف عن الرقص و التنطيط و الجري و هي تغني و تصفق و تلوح بيدها للجمهور ، و عندما نوعت في تقديم أغنياتها و قدمت أغنية رومانسية غير ضاربة شعرت بهدوء على المدرجات فأنهتها بسرعة لتعود الروح إلي قرطاج بعدما هتفت نوال للجمهور قائلة " فين الرقص ... بدنا نرقص " و غنت بعدها أغنية " عينيك كدابين " ثم عدة أغنيات أخرى بوقع موسيقي ضارب و راقص ألهب قرطاج حماساً فاقه حماس نوال في رقصها الذي لم يتوقف .
.
- " عالم اليوم " توجهت لنوال بعد انتهاء الحفلة لنعرف انطباعها عن الحفل فتكلمت عن رقصها قائلة : " أنا رقصت اليوم كما لم ارقص بكل حياتي من قبل ، فلم اشعر بذلك القدر من الحماس و الفرحة كما شعرت اليوم و انا بين جمهور قرطاج الحبيب ... فكلما كنت أتوقف عن الرقص كنت اسمع دقات قلبي الثائرة التي تجبرني على معاودة الرقص و اللهو مرة أخرى مع الجمهور لأتخلص من توتري الذي سببه فرحي الكبير بتواصل الجمهور معي ... و أعتقد ان ما فعلته الليلة لن افعله في اي مهرجان أخر ، فالجمهور هنا لا يُضاهي اي جمهور أخر "
و عندما سألناها مرة أخرى عن شعورها و هي ترقص بذلك التحرر رغم نجوميتها فاجأتنا بإجابة غير عادية سبقتها بضحكات طويلة من قلبها فقالت : " نجومية شو ؟ أنا قلبي كاد ان يتوقف لو كنت توقفت عن الرقص !" .
.

- و عن النوتة الحاضرة أمامها و التي كان فيها كلمات الأغاني قالت : " فرحتي بالفعل أنستني بعض الكلمات من الأغاني فكنت أعود للنوتة لأنظر بها سريعا حتى لا أخطئ ، و لكني دائما مجتهدة " ثم ضحكت " و احفظ جيدا و لكن لا مانع و لا عيب أيضا من وجود النوتة احتياطياً مع أنى لم انظر بها الا ثوان معدودة" .
.

- حفل نوال بشكل إجمالي يقاس كحفل ناجح لم تراه قرطاج من قبل الا مع نجمات و مطربات حقيقيات في نجومية و احترام و حجم نوال الزغبي و جيلها ، عادت نوال لبيروت لتسترخي و تستمتع بمذاق النجاح و متعته ، و عادت قرطاج لتحضر لمطرب أخر سيزف جمهورها بحفلة اخرى قد تكون ناجحة مثل ليلة نوال .

رابط التقرير منشور بالجريدة بتاريخ اليوم

http://www.alamalyawm.com/ArticleDetail.aspx?artid=4595

tag 2

انا اقتبست البوست ده من الصديق مهند و مدونته الباحث عن الحقيقة
قريته و عجبني فقررت ان اقتبس الاسئلة و اجيبها بنفسي ... ربما لنفسي

اللي عاوز ينقلها لمدونته اوك بس يقول ان مصدرها مهند
......
section 1
--------------------------
last beverage?
شاي ليبتون فتلة
last phone call ?
ايمن نور الدين زميلي
last instant message ?
جاسم
last cd played ?
انا بسمع كاسيت
last time u cried ?
امبارح ، بس مكانش بكا بجد ... كانت محاولة للتعاطف

last text message ?
من فاتنة صديقتي السورية
_____________________________________
Section 2 - Have You Evers
--------------------------------------------
dated someone twice?
لا
hv u evers been cheated on ?
لا طبعا ، ذلك ليس من شيم رشيدة
kissed someone & regretted it?
لا
lost some one special?
للاسف حصل
been depressd ?
كنت ... دلوقتي لأ
been drunk and threw up?
لا

______________________________________
Section 3 - List 3 Favorite Colors
-------------------------------------------
الاسود و الكحلي و البيج
________________________________________
Section 4 - This month have you
-------------------------------------------------------
Made a new friend?
اه
Fallen out of love?
لا
Laughed until you cried?
لا
Met someone who changed your life?
تقريبا
Found out who your true friends were?
نعم
Is there something you want to tell someone?
كتير
Would you kiss anyone on your top friends?
اه
How many people on your top friends do you know in real life?
مش عاوزة اعد و لكن اعتقد انهم لا يتعدوا خمسة
How many kids do you want to have?
اتنين
Do you have any pets ?
كان فيه كتاكيت ... الله يرحمهم ... وداعهم قطع قلبي ... كانوا اظرف مخلوقات قابلتها ... دفنت واحد منهم بأيدي و التاني انتحر في البانيو
Do you wanna change your name?
اااااااااااااااااااااه
What did you do for your last birthday?
احتفال أسري ... مكالمات تهنئة و مش فاكرة ايه تاني
What time did you wake up today?
خمسة و نص العصر
What were you doing at midnight last night?
كنت فى الشارع ، مفتكرش كنت بعمل ايه
Name something you CANNOT wait for?
السفر
Last time you saw your father?
امبارح تقريبا
What is one thing you wish you could change about your life?
اسافر بره مصر طبعا
What are you listening to right now?
قلبي خطر لحسنا
Have you ever talked about someone behind their back?
اه ، ولكن توقفت بشكل كبير
What’s the last piece of clothing you borrowed from anyone?
مفيش ، هو لسه فيه حد بيستلف هدوم في الزمن ده ؟
Who’s getting on your nerves right now?
ماما للأسف ، و حكيم
Most visited webpage?
بلوجي هههههههههه
و موقع جريدتي
Coke or Pepsi ?
فيروز و راني
Mac or PC?

بيتزا

سر السعادة

في يوم من تلك الايام الغبراء اللي مالهاش لون و لا طعم

كنت لوحدي وسط الناس

مهمومة و ساكتة و اسباب الهم كتير

شردت في اقل شئ قرفاً

و كعادة من يفكر و هو مهموم يكتشف اسرار الحياة العشرة

معرفش مين اللي خلاهم عشرة

هههههههههههههههه

بس اعرف ان واحد منهم هو السعادة

في عز الهم اللي كنت فيه حسبتها مع نفسي في هدوء و تركيز و عرفت سر السعادة

السعادة مكوناتها ثلاثة

و الثلاثة مشاعر انسانية

اذا شعرت بها و امنت بها من قلبك ستشعر بالسعادة

اولا : الرضا

واحد غاب عن بيته ساعة رجع لقى العمارة محروقة و مات امه و ابوه و حبيبته و عياله و هدومه و ورقه و فلوسه و كل حاجة

فجأة مبقاش معاه حاجة

مهما غضب و مهما اكتئب لن يستطيع ان يحيا سوى بالسعادة و كما قلت ان مكونها الاول هو الرضا

اذا شعرت بالرضا و الاقتناع بكل ما يحدث لك و قلت على كل شئ الحمد لله ستشعر براحة بال

اوضح اكتر يا جماعة

لما الواحد بتحصل له مصيبة بيحس بهم ، لو ببساطة فكرنا مع نفسنا و اقتنعنا ان سبب المصيبة قدر و نصيب و النصيب ده ربنا كاتبه و ربنا ده عادل و بيكتب لكل حد الخير ... عندها سنشعر بالرضا

اذا كل شئ وحش حصل لنا قولنا عليه نصيب سنشعر بالرضا و بالتالي راحة البال التي هي اول طريق السعادة

--------------------------------------------

ثانيا : الثقة في عدل الله

بعدما تشعر بالرضا على ما يحدث لك ستكون الرضا فعلية و حقيقية اذا كان مصدرها ثقتك بالله

اخينا اللي اتحرق بيته بكل حياته ده

لما حصل كده قال الحمد لله و اقتنع بان ده نصيب

و مدام اقتنع بنصيبه يبقى عارف ان ربنا يقدر يعوضه

مفيش حد بيفضل خسران علطول يا جماعة

ربنا عرف يساوي البشر و يعدل بينهم و يكرمهم كمان

لو حصل لك شئ وحش جدا في يوم و حسيت انك متدمر كن على ثقة ان ربنا عادل و زي ما خلى النصيب يوقعك هيضع لك نصيب يرفعك

و زي ما خسرت ربنا هيعوضك

و انا عن نفسي في عز أزماتي النفسية كنت اشعر بالثقة في الله و اقول اكيد ربنا مش هيسيبني كده علطول

ربنا له خطط معينة لصالح كل بني ادم و هو واضع نصيب في وقت معين و ظروف معينة عشان يعوضني

و من الاحساس بالثقة في عدل الله ستشعر ايضا براحة البال و هى اول طريق السعادة

-----------------------------------------

ثالثا : عدم اليأس و الاستسلام

و عن تجربة شخصية

بعدما كنت ارضى بالخسارة و اثق في عدل الله

الوقت الطويل يهزم صبري و ثقتي و يقل حماسي في الرضا

و يغمرني الاحساس باليأس

و اقول خلاص ربنا نسيني

ربنا غضبان عليا

ربنا هيطول عقابه ليا

ربنا مبيحبنيش عشان كده مش هيصلح حالي

كان اشد خطأ هو اني افقد ثقتي في عدل الله او أيأس لان نصيبي لسه فاضل عليه شوية

عشان كده انا عاوزة انبهكم يا قراء بلوجي ان اهم مكون للسعادة هو عدم الاستسلام و القنط من رحمة الله

لو الدنيا كلها ضدك ... ربنا معاك

و لو عاوز تريح بالك و تحس بسعادة مركزة

ارضي .... ثق في عدل الله ... لا تستسلم او تيأس من تأخر رحمة الله

الموضوع المرة دي ديني شوية معلش

بس فعلا مفاضلش غير ربنا

لا اله الا الله

قلبي بيرقص

شريط حسنا المغربية نزل يا جدعان

مش عارفة اقول ايه

الفرحة خرستني

هموووووووت اسمعه

ده انا عاوزة انزل اصرخ في الشارع و اقول حسنا رجعت تغني يا ناس

يا ررررررررررررررررب يطلع جامد

الشريط اسمه قلبي بخطر

انا بنزله اهو و هموت مش قادرة اصبر عشان اسمعه

لو طلع كالعادة مستواه عالي هدعوكم في بوست تاني لسماعه

تحياتي لكل اذن مبدعة تتذوق حسنا

tag 1

ده نص اسئلة تاج وصلتنى زمان اوى من سنة و نص كده من احد الجروبات

ظللت محتفظة به لاعجابي به

حابة اليوم انشره باجاباتي

تقدروا بعد ما تقروه تجاوبوا لو حابيين في الكومنتس عليه او حتى تعلقوا على اجاباتي

و اللي عاوز يقتبسه الي مدونته يا ريت يقول انه اخذه من مدونتي

مرحبا بالجميع

1- مــــن انـــــــت ...؟؟
انا حد حابب يعيش في استقرار و اتزان نفسي في بلد متكونش مصر مع ناس نضيفة من جواها و متحررة
2-باقة ورد لمن تهديها ...؟؟
لكل من لم يخدعني يوماً
3- باقة شوك لمن تهديها ...؟؟
لكريم فؤاد و نجلا الليبية
4- اسوأ خبر سمعته...؟؟
ظلم ست كنت بحبها ليا و رفضها لتواجدي في حياتها
5- شخص لاترفض له طلبا ..؟؟
مفيش ، لا احب الاستغلال
6- مـــــن يطـــــربك ...؟؟
ام كلثوم و ذكرى
7- ماهي التجربه التي تتمنى تكرارها ...؟؟
السفر الي مكة
8- من هو توأم روحك ...؟؟
مفيش
9- ماهو اكثر شئ تخشاه...؟؟
الموت على معصية
10- مالذي يشعرك بأكثر قدر من الحرج...؟؟
ان اكون غير مقبولة في مكان ما او ان اقلل من شأن نفسي و اكتشف متأخرا
11- نزار شاعر المرأه.... وانت شاعر من ...؟؟
شاعرة بالناس الحلوة
12- حمامة زاجل استقرت على نافذتك تحمل رسالة من مجهول فممن تتمنى ان تكون...؟؟
رسالة ممن ظلمتني تعتذر بها
13- جريمه تتمنى ارتكابها...؟؟
ترحيل سميرة سعيد بره مصر بدون ذنب لها
14- قطعة فحم صغيرة وجدار نظيف ماذا سترسم عليه ,,وماذا ستكتب تحت الصورة...؟؟
سأرسم مدرستى ايام الثانوية و سأكتب جنبها ... الله يرحمك يا نانا ... وحشني حضنك
15- كلمه اخيره .. بعد ان اصابك الملل..؟؟
الحمد لله

كيف تكون رخيصاً !ا

سؤال عجيب و الفكرة أعجب

الفكرة جات لي و انا راكبة اوتوبيس و كان بيلف بيا من شارع عشان يدخل على الاسعاف

الشارع اللي كان بيلف منه كان ضلمة

ببص من الشباك يميني لقيت ولد متشرد سنه 6 سنين باصص للحيطة و واقف بيقضي حاجته و لقيته و هو واقف بيشاور لطفل تاني على شماله سنه 3 سنين و نص تقريبا و لقيت التانى جاه وقف جنبه قلده

فورا قفزت لدماغي فكرة الشئ الرخيص

ليه الرجالة في مصر بيرخصوا نفسهم اوي كده ؟

ليه الست الفقيرة بترخص اولادها كده ؟

شئ مهين و مقرف بجد

ليه الناس بتعمل في نفسها كده ؟؟؟

مفيش حاجة اسمها مضطر

الاضطرار يجعلنا نخطئ و المصيبة ان الكل يبرر الخطا بكلمة اصل كنت مضطر

الاضطرار معناه التنازل و التنازل معناه التضحية و التضحية لازم يكون فيها شئ رخيص

الرخص معنى مرفوض من اي حد ناجح

معنى مرفوض من اى حد عاقل

الشئ الرخيص مالوش قيمة

زيه زي التراب

و المثال اللي فات مش التصرف الوحيد اللي الناس بترخص فيه نفسها

فيه كتير

لما تبقى موهوب و ممتاز في شغلك و تروح تشتغل في مكان اقل بكتير من امكانياتك لانك مش لاقي شئ يناسبك يبقى انت كده بترخص نفسك

لما تستلف فلوس من واحد نتن لانك مكسوف تستلف من ناس كويسين يبقى انت كده بترخص نفسك

و لما تضطر تتجوز واحدة مش حاسس ان هى دى اللى انت عاوزها ، و اخترتها عشان خايف يفوتك قطر الجواز يبقى انت كده بترخص نفسك

لما تروح تتكلم مع حد اكبر منك و انجح منك على اساس اعجابك بيه و تلاقيه مبيردش عليك يبقى انت كده بترخص نفسك

لما تدي حبك و وقتك لحد و متبقاش واثق من البداية انه يستحق و متلاقيش تقدير و تستمر برضه يبقى انت كده بترخص نفسك

انا هنا مش بقصد انى اعمل ثورة تمرد او اقول يا جماعة انا عدوة الرضا و محدش يرضى و لكن

انا بكره الشئ الرخيص

اكره اللي يرخص نفسه

للرخص حلول

مفيهاش حاجة لما تمسك نفسك و تصبر لغاية ما توصل لاقرب تواليت عمومي في الشارع او حتى تواليت في قهوة في الشارع بدل ما تفضح نفسك في الشارع

و مفيهاش حاجة لما الواحد يعتز بنفسه و يحتفظ باعجابه بالرموز بدون ما يقرب لهم و يضيع لهم وقتهم و يقولهم انا معجب بيكم

و مفيهاش حاجة لما الواحد يمنع حبه عن حد مبيقدرش

و مفيهاش حاجة لما الواحد يدور كويس على واحدة يرتبط بيها بدل ما يضطر و يبوظ مستقبله و مستقبلها

و مفيهاش حاجة لو قعدت في البيت شوية من غير شغل لغاية ما تلاقي اللي يناسبك

و مفيهاش حاجة برضه لما تروح لحد من صحابك و تقوله سلفني بدل ما تشيل جمايل من حد نتن

جرب متكونش رخيص و هتحس بفرق

كم مرة في الاسبوع بترخص نفسك و انت مضطر ؟

كم مرة بتتصرف و بتسلك طريقة في تعاملاتك مع الناس تبينك رخيص ؟

كم مرة تعتمد على حد غصبا عنه ؟

كم مرة تظهر عدم معرفتك او قدرتك على شئ بالرغم من انك لو اجتهدت هتعرف و تقدر

كم مرة رخصت نفسك ؟

نصيحتي بقى لاي حد رخيص

اشتري نفسك قبل ما الزمن يبيعك و صورتك تضيع وسط الرخص اللي انت مغرق فيه نفسك

كل واحد مننا فيه مميزات كتير اوى

لو فلان احسن منك في الشغل انت احسن منه اجتماعيا

و لو فلانة اجمل منك انتى اذكى منها ووووو

فيه امثلة كتير اوى هتثبت لك انك مش رخيص

مفيش حد مثالي

الحد اللى انت فاكر انك اقل منه بشئ هو كمان اقل منك بشئ

فكر و دور و هتلاقي انك مش رخيص

ربنا عرف يساوي البشر صح و بعدل

مترخصش نفسك و ربنا عمل منك شئ غالي

اعتز به كثيرا (1)ا

بعتذر عن غيابي الذي لم اعودكم عليه
بس انا كنت معلش في اجازة بره القاهرة .. و مازلت
و سارد على كل التعليقات لاحقا
....
حابة اليوم اكتب عن بعض كتاباتي اللي بعتز بيها
فيه حاجات كتبتها (كصحفية) ياما ندمت على اني كتبتها
و حاجات تانية كتبتها و فضلت فرحانة بيها حتى اليوم
الموضوع له حسابات مختلفة عندي
و لكن الظروف بتتغير مما يجعلني اغير وجهة نظري و اطورها تدريجيا و ده بيخليني اقول يا ريتنى ما كنت كتبت كزا عن كزا او عن فلان
هو ليس ندما
و لكن تمني او تخيل افضل لو لم يكن يحدث شئ
انا هضع في بلوجي مجموعات من موضوعاتى و اعمالي الصحفية اللي ندمت على بعضها و اللى اعتز ببعضها الاخر و لو كان رجع الزمن لكتبتها ثاني
اليوم هضع الجزء الاول مما اعتز به
كل جزء به خمس موضوعات
.
-1-
ده موضوع كان في جريدة
"اضحك للدنيا"
جريدة ساخرة بطبيعتها و لذلك كل محتوياتها ساخرة
الموضوع كان بعنوان
" مقارنة بين الست الحامل لاول مرة و الست الخبرة "
http://img292.imageshack.us/img292/5712/85573772dq8.jpg

العدد 45

بتاريخ 9 فبراير 2006

.

.

.

.

-2-

و ده موضوع تاني كان في جريدة

" الحادثة "

كان حوار مع مطرب بيشتم مدحت صالح و انا بعتز بيه جدا لانى مش بقبل مدحت صالح عشان كده مكانش عندي مانع انشر كلام شخص ضده و خصوصا ان التانى كان على حق و كان معى ما يثبت

صورة سمية مش تبع الموضوع ... كانت تبع حاجة تحته تخصني برضه فدمجوا كله على بعضه عند رسم الصفحة

كان بعنوان

ماهر عبيد لمدحت صالح : انت عبيط و لو بتستعبط بلاش تستعبط معايا

http://img293.imageshack.us/img293/7877/mahermed7tas9.jpg

العدد 93

بتاريخ 4 ابريل 2007

.

.

.

.

-3-

الموضوع التالت كان حوار مع منجم و عالم ابراج اسمه محمد فرعون

الراجل ده انا وجدته يستحق و لذلك ارسلت حواره لجريدة

" عالم اليوم الكويتية "

و لحسن الحظ

حظه و حظي

انى فوجئت بالحوار منشور كاملا على مساحة كبيرة تصل الى صفحة الا ربع تقريبا

الحوار قال فيه توقعاته لنجوم كثيرين

غاظني اوى الصورة الكبيرة المدورة اللي تحت

و على فكرة يا جماعة التوقع اللى حطه لهيفاء حصل

لانه كان قال ان هتحصل لها مصيبة كبيرة و اظن كلكم عارفين الحادثة الاخيرة ليها

و قال ان عمرو دياب هيحصل له مشاكل متساعدش على نجاحه و فعلا البومه اتسرب و غلافه طلع منقول من انريكي اجلاسيوس و اغنية الهيد كمان مسروقة

وقع و محدش سما عليه

و مش معنى صحة التوقعات انه ساحر و لكنه يضع توقعاته للاخاص المشاهير فقط تبعا لخريطتهم الفلكية

http://img293.imageshack.us/img293/1884/fr3oonintvqi2.jpg

العدد 87

بتاريخ 22 ابريل 2007

.

.

.

.

-4-

ده كان تقرير عن البوم المطربة الاماراتية رويدا المحروقي

كنت اول مرة اكتب تقرير عن البوم

كتبته بكل اقتناع لاني كنت معجبة بالالبوم جدا و شايفاه يستحق التدعيم لانه متكامل و لكن تنقصه الدعايا

الموضوع كان في مجلة

"ستارز كافيه "

بعنوان

" رويدا المحروقي ورتهم فعلا "

اضغط هنا

العدد رقم 14

بتاريخ 7 سبتمبر 2006

.

.

.

.

-5-

اما خامس ما اعتز به فهو موضوع في منتهى الطرافة

و حتى اليوم اقراه من اوله لاخره و اقع من الضحك

قصة بتفاصيل من كواليس مهرجان القاهرة السينمائي

كان فيه ناقد سينمائي مشهور بيكره رئيسة المهرجان و كان بيعمل فيها عمايل تموت من الضحك

كنا بنقضي كلنا الصحفيين اليوم من اوله في فندق جراند حياة حيث المهرجان فكانت تلك الاقامة اليومية تتيح لي الفرصة لاشاهد كوابيس كثيرة تهلك من الضحك

و لعل الصدفة و الحظ وحدهما كان سبب في انى شاركت بنفسي في تلك القصة الطريفة و شاهدتها من اولها و اخرها بل ايضا ساعدت الناقد على الاختباء من شرطة السياحة وكنت انقل له تحركات الشرطة و الموظفين بحثا عنه عن طريق الموبايل بينما كان يفصل بيني و بينه دور واحد بالفندق

ههههههههههههههه

بعد نشر الموضوع الراجل شافه و كان هيموت من الضحك

قاللي يعني انتى شاركتيني و ساعدتيني و كاتبة انى انا عملت كل شئ

بتصنعي قصة على قفايا

هههههه

الله يمسيه بالخير

اوصيكم حقا بقراءة الموضوع ده لانه الاعز لقلبي تماماااااااا

و على فكرة انا الصحفية الوحيدة في مصر كلها و في الدنيا كلها اللي عرفت القصة دي و كتبت عنها

انفراد يعني

الله اكبر ... معلش احنا بنتكلم

نشر في جريدة

" فن "

بعنوان

" طرائف كواليس مهرجان القاهرة السينمائي ، ناقد سينمائي يلعب القط و الفار مع مديرة المهرجان "

اضغط هنا

في العدد رقم 16

بتاريخ 22 ديسمبر 2006

اتمنى ان ينال اعجابكم اخر موضوع تحديدا و انتظروا البقية

أبوسك ...أبوسك

أبوسك .. أبوسك

دي عنوان اغنية غنتها نبيلة عبيد في فيلم

" مفيش غير كده "

منتظرة على أحر من الجمر الفيلم ده ينزل دي في دي

شفته اربع مرات سينما

بموووووووووووت في نبيلة عبيد

و لكن انا تذكرتها اليوم بسبب كلمة أبوسك دي

لانها فعلا مشهورة بيها

لما حد بيقولها كلمة حلوة تتبسط منها اوى بتقوله الكلمة دي

و اذكر اني سمعتها شخصيا منها مرتين

مرة كانت تعبانة صحيا و اتصلت عرفتها بنفسي فقالت لي انتي عاوزة معاد ؟

قلت لها لا

قالت لي طب خير

قلت لها انا مش متصلة عشان شغل ، انا سمعت انك تعبانة و متصلة أسال على صحتك

قالت لي : يا حبيبتي ، ابوسك شكرا يا حبيبتي

و طبعا الكل عارف طريقة نبيلة عبيد المايعة و الدلع اللى فى صوتها لما بتقول كلمة حبيبي و لا حبيبتي لحد

اما

المرة التانية

كانت حزينة جدا بسبب تعليق اتقال لها في حفلة و تركت الحفلة و انصرفت و نزلت في الاسانسير و هى نازلة لقيت زميل ليا بيشاور لي عليها و بيحكي لي سبب زعلها و ماشية ليه

للاسف انا ملحقتش الاسانسير و لكن لحسن الحظ كنا في الدور التانى من الفندق

نزلت جري على السلالم عشان الحقها ، و لحقتها فعلا و سألتها انتى ماشية ليه يا مدام نبيلة ، الدنيا هتضلم من بعدك

حطت ايدها على راسي و قالت لي معلش يا حبيبتي انا تعبانة

و ساعتها انا قلبت عادات غربية و نسيت انى فى مصر و جنب نجمة كبيرة

و هى ماشية مشيت جنبها و شبكت في دراعها و قلت لها : متزعليش نفسك .. انتى الكبيرة ... المفروض كلام زي ده ميزعلكيش ... الحفلة حفلتك و خروجك هيشمت ناس فيكي

ردت باربع حروف بس

قالت

امممم

هههههههههههه

عسل الست دي

فضلت انا اتكلم و انا شابكة فى دراعها بمنتهى الفضولية حتى وصلت سيارتها ساعتها نبيلة باستني على خدي و قالت لي شكرا و ابتسمت

انا فضلت واقفة لغاية ما ركبت

فتحت الشباك و حدفت بوسة و قالت لي

ابوسك

.....

الموقفين دول منساهمش ابدا لانهم من نبيلة و انا بحبها

و لكن انا كتبت البوست ده لاعجابي بكلمة ابوسك دي

انك تبقى عاوز تبوس حد بس من غير ما تبوسه

و عاوز تعبر له عن حبك بشكل ممزوج بالدلال و التفرد

فتقوله

أبوسك

طبعا دي مينفعش تسمعها من راجل لانها هتبقى بايخة و مش هيعرف يتدلع فيها

لكن لو كنت واحد او واحدة و سمعتها من واحدة هتعرف اد ايه انها كلمة جديدة و غريبة و مختلفة على مسامعك

.......

أذكر انه في احد الايام السوداء من ماضيي الاليم و فى احد المرات التي جالست فيها الحاجة سميرة

قلت لها شئ كان مغزاه اطراء و اطاره من بره جميل جدا و هى فهمت فابتسمت و حدفت بوسة فى الهوا و قالت لي

أبوسك

الله يرحم

....

بلا نيلة

....

على فكرة انا بستخدم الكلمة دى بقالي يومين

بس مش اي حد هيسمعها

;-)

احذروا الغيظ

احساس لا يحتمل هو انك تبقى متغاظ من حد او من حاجة

لو كنت متغاظ من حاجة فمفيش حل حتى لو عبرت عن غيظك لان الحاجات جماد لن يشعر بغيظك

اما

اذا كنت تشعر بالغيظ من شخص ففيه هنا حالتين

الاولى : هو انك تكون متغاظ من حد مش بتحبه و فى الحالة دى علاجه اجتنابه يعنى تجاهله و عامله بنفس طريقته عشان تغيظه زي ما غاظك

اما

الثانية : و هو انك تكون متغاظ من حد بتحبه

فهنا بقى المصيبة

لانك مش هينفع تعبر عن غيظك

عشان لو عبرت هتطلع كل اللي في قلبك و لو طلعت هتتحامق في حاجات و محتاجات مش هينساها اللي انت بتحبه و ده هيكون له مفعول سريع جدا على علاقتك بيه

و هيفضل هو فاكر لك اللى انت قلته و عملته لما عبرت عن غيظك منه

مش هتفهم اللى بقوله الا لما تمر بتجربة او حكاية كده

انك تكون متغاظ جدا من حد بتحبه

و تيجي تطلع غيظك ده كله فى كام جملة

ساعتها غيظك هيتفك لكن بعدها اللى بتحبه عمره ما هينسى اللى سمعه منك

و هتبقى انت خسرت مرتين

مرة فى الحاجة اللى خلتك تغتاظ و مرة لما خسرت اللي غاظك

...

الحقيقة انا حتى الان مش لاقية حل لطريقة لكظم الغيظ من الناس اللي بنحبهم

لكن اللي انا عاوزة اقوله هو انى بحذركم

من التعبير عن الغيظ للناس اللي بنحبهم لان ده هيخلينا نخسرهم

استحمل بقى و امرك لله لغاية ما نلاقي حل

في داهية ... الجزء الثاني

سلسلة في داهية

دى عن الحاجات اللى سابتنى و انا مسبتهاش

الحاجات او الناس اللى باعونى و انا مبعتهمش

انا مش من النوع اللى بيندم

و لا من النوع اللى بيكابر لما بيخسر

بس اللى يهواك اهواه و اللى ينساك انساه

....

معرفش يعنى ايه كرامة

....

بس اعرف معنى معادلة حلوة اوى ملخصها ان اللى يشتريني اشتريه و اللى يبيعنى مش عاوزاه

.

في داهية

.....

في الجزء الاول كنت قد كتبت عن صديقة قديمة خانت الصداقة فى موقف معين و ساندت شخص كنت اعاديه و وقفت ضدي و انا مكنتش اعرف

هى راحت في داهية

و من شهر تقريبا فيه برضه حاجة تانية راحت في داهية

حابة اكتب عنها عشان انا من خمس ايام بس كنت قد انتهيت من بعض الحسابات مع نفسي للتاكد من انى فعلا عاوزة اقول للحاجة دى

في داهية

و البلوج بتاعي بعتبره جريدتي الخاصة اللي بنشر فيها كل أخباري و ردودي و انطباعاتي

و اللي مقدرتش أقوله في حارة بقوله في شارع ... و عمومي كمان

.

الحاجة دى هى مجلة كنت شغالة فيها

هحكيلكم و انتم الحكم

......

اولا انا طول عمري شغلي في جرائد و صحف و عمري ما اشتغلت في مجلات

ثانيا انا نفسي من زمان اشتغل في مجلة عشان الشغل بيتعمل له تنفيذ شيك و حلو و يفتح النفس

ده غير ان فئة القراء فى المجلات مختلفة عن قراء الجرائد

و كان نفسي اكتب للفئة دى

....

حاجة كانت فى نفسي و خلاص

و بعدين

جات لى فرصة اشتغل في مجلة بس بلغة الصحافة -كحيانة-ا

و بما انى كان نفسي فاضطريت اتعمى عن اى مساوئ فى الفرصة دي و اقبل لمجرد كونها مجلة

المجلة دى انا مش هقولكم اسمها عشان لو قلت هتروحوا تقروها و ده انا مش عاوزاه لانها متستاهلش اني اروج لها و لانى لن ادعمها اكثر من الماضي

...

نيجي بقى لمساوئ المجلة

اولا غير مرخصة ههههههههههههههه شوفتوا المقلب

ثانيا الكترونية و لا تطبع

ثالثا مالهاش مقر بالقاهرة

رابعا مباخدش منها مليييييييييييييم احمر

تخيلوا ؟

فين الصحفي اللي يقبل يشتغل لمجلة بالمواصفات دي و يضع بيها شغله و مجهوده ؟؟؟

الا اذا كان في بداية مشواره و لا يجد فرصا للعمل و يستغلها كمكان للتدريب

...

طبعا فيه ناس دلوقتى هتحدفني بفردة شبشب و يقولوا لي طب اشتغلتي فيها ليه

هقولهم لان كان فيها جانبين كويسين

الاول ان اخراجها الفنى ممتاز اوى و مواضيعي بتتنشر في شكل شيك جدا جدا

ثانيا رئيس تحريرها راجل محترم و قد المسئولية و طموح و عنده حلم متمثل في مجلته و عشان كده ممانعتش اساعده

....

و ربنا يعلم كم الشغل اللى كنت بسلمه ببلاش و بصرف عليه من جيبي في الصور كمان

بالاضافة لتحملي احيانا لغرور و استغلال رئيس التحرير اللى كان مبيبطلش طلبات و كانى مثلا خزنة من خزان النعمان

أنا

...

كنت سلسة

...

مرنة

...

بتعامل

....

مش عاوزة اسيب المجلة مدام شغلي بينزل كويس

ثم حدث لغط

مشكلة فى موضوع ما و كان نازل غلاف

المشكلة اتحلت و نزل اصدار تانى من المجلة

مع انه ميفرقش و المجلة الكترونية اصلا

و لكن

اتفاجئت بتلميحات من رئيس التحرير معناها احنا مش هنقدر نتعامل معاكى تانى عشان انتى خنتى الثقة و غلطتى فى موضوع عرض سمعة المجلة للخطر

طيب هي فين السمعة اولا ؟

خطر ايه ؟

اي ثقة اخذتها من الاصل ؟

....

كل ده طنتشته

انسحبت فى هدوء و بسلاسة و قلت لرئيس التحرير حظ سعيد

كنت بفكر من فترة ارجع اصالحه و اشتغل تانى معه

مش عشان لسه متمسكة بالمجلة لا سمح الله

و لكن عشان مش عاوزة حد يشمت فيا و يظن انه تم طردي بما ان اصلا اعدائي زادوا الفترة اللى فاتت

و لكن يبدو ان صاحبنا جبلة

و من النوع اللى بيبيع و مبيقدرش خدمات حد

همه على نفسه و استفادته و بس

و لما انا وعيت للنقط دي محيت من مخي اي فكرة ممكن ترجع تعاوني المجانيييييي معاه

و لكن

اتفاجئت بيه كمان بيطلب منى اجيب له صور لنجمة غلافه فى العدد الاول من غيري

العدد اللى مش هينزل لى فيه شغل و بعدما انفصلت عن المجلة .... بيطلب منى صور ... غلاف كمان

باى عين طيب ؟

لا حول ولا قوة الا بالله

ان كنت انت استغنيت عن خدماتى و مش عاوز تتعامل معي .... ما تعتمد على نفسك يا سيدي بقى

بتطلب منى صور ليه ؟

اااااااااااه عشان سمعة المجلة

!!!!!

يمكن

على العموم ريحت اخينا و ساعدته

و لكن بعدها فورا اول ثلاث اشياء عملتها

مسحت رقمه من موبايلي بما ان مفيش بينا شغل

و

مسحت لينك موقع المجلة من الفيفورتس عندى على جهازي لاني ميهمنيش المجلة مدام مش بشتغل فيها .... مش هى الحاجة الوااااو يعني اللي الواحد يتابعها و يفكر فيها و يقراها بانتظام

انا عندي طوابير جرايد و مجلات فى البيت منتظراني اقراها

و

مسحت اسمه من قائمة المسنجر بتاعي

و بالطريقة دى انا رديت على عملية البيع الرخيصة اللى حصلت من شهر

ما اصل انا بفوق متاخر معلش

اما بقى بالنسبة لصاحبنا

فلو هو كان طلب منى الصور على سبيل الصداقة فاهلا وسهلا بيه بعيدا عن اى شغل مشترك

لاني لن اتعامل معه ابدا ابدا بنفس المجلة الذي هو طلب منى ان اتركها

و الموضوع مش كرامة

بس انا مش درج يتفتح و يتقفل حسب حاجة اللى مشتريه

....

انا من اتحكم بنفسي

.....

و لن ارخص نفسي و موهبتي و ابيع وقتي مقابل غرور اللي هياخده

....

ربنا يسهل له و لسه بقوله حظ سعيد

و لكن بعيد عنى

و ان كان عشمه وقت طلب الصور عشم صداقة فلنرى و الايام بيننا و هعرف اذا كان فعلا عشم زمالة و صداقة و لا برضه استغلال و عين فارغة

ربنا يسامحه هو و غروره و قلبه الاسود

و ليذهب هو و مجلته الفقيرة معدومة الموارد و الميزات لارض بعيدة ليست فيها رشيدة

.....

كتابتي للبوست ده هدفها هو ان الواحد ميرخصش نفسه و وقته و موهبته مهما كانت الاغراءات و ان كل واحد مننا لازم يكون قادر يتحكم في مستقبله و ينسى تحكم الاخرين اللي افسد ماضيه

اسفة لو كنت زعلت صاحبنا ... بس اللي عمله ميتنسيش مهما تطور تاريخي المهني بكرة

أجمد رقبة فى العالم

اوصفها ازاى ؟

مش عارفة

هى ممثلة اجنبية بحبها اوى من زمان

اسمها سوزان سارندون

susan sarandon
هى الان عندها 68 سنة
حبيتها لانها عملت افلام مع نجمتى الجذابة جدا جولدي هاون

goldi hawn

بس حبي لسوزان ازداد بعد ما شفتها في برنامج
reachel ray
اللي بيستضيف اكبر نجوم هوليوود لقضاء يوم فى المطبخ و حكت عن ابنها ازاى بيتدلل عليها و بيتحكم في حياتها بالرغم من انها هي طباعها صعبة جدا و محدش يقدر يتحكم فيها
من يوم ما اتفرجت ع الحلقة حبيت الست دى اكتر
يمكن عشان شفتها فى حوار يكشف خفة دمها و جمالها الحقيقي
و يمكن عشان كانت فى البرنامج طريقة تصفيفها لشعرها تشبه اوى سميرة و طريقة كلامها و نظراتها تشبه سميرة
حتى شفايفها الرفيعة شبه سميرة
بس بجد انا معجبة جدا بسوزان سارندون بعيدا عن سميرة

و لسه شايفة انها صاحبة اجمد رقبة فى العالم و احلى رقبة كمان

و على فكرة

الصدمة بقى

رقبتها شبه رقبة سميرة

ههههههههههه

و لكن المفاجأة الكبرى بقى يا جماعة ان انا عرفت الاقي جزء من حلقة سوزان مع ريتشل راى اللى حببتني فيها كده

و انا بهديها لاي حد متنيل على عينه لسه بيحب الست اللى اسمها سميرة

شوفوا سوزان و بأذن الله هتتشلوا من الذهول من كتر القواسم المتشابهة بينها و بين سميرة فى طريقتها فى كل حاجة

اسيبكم مع سحر

susan sarandon
في اللينك ده

http://www.rachaelrayshow.com/?q=videos/susan-sarandon

ريتشيل كانت بتسألها عن ان اوبرا وينفري استضافتها يوم و اتفاجئت بان سنها اكبر كتير من شكلها

فسوزان قالت لها انها عدت الستين من عمرها

فريتشيل ردت عليها بانها لسه شايفاها مثيرة فردت سوزان بكلام كتير عن ان السن مبيغيرش كتير في الشكل و انها فى سنها ده كانت عاوزة تعمل وشم و لكن اولادها اعترضوا وووو

ابقوا ترجموا انتوا بقى و عيشوا

الحلقة كانت يوم 27 نوفمبر 2006

ع العموم انا هدفي من البوست اكبر من انى اعبر عن اعجابي بسارندون و اقول انها متميزة برقبتها

انا عاوزة اقول انى من بعد ما محيت غمامة حبي لسميرة من على عيني شفت حاجات كتير و ناس كتير حلوة غيرها

و من بعد لطيفة و دينا الرقاصة فيه سوزان سارندون كمثال ثالث على ان سميرة مش فريدة زمانها ولا حاجة !ا

rashida gifts 2

لو مكنتش خدت هديتي الاولى فانصحك قبل ما تاخد التانية تاخد الاولى

خدها من هنا

اما بقى الهدية التانية فهي عبارة عن برنامج لاغلاق الكمبيوتر و لكن بتايمر

وزنه بسيط جدا 233 كيلو بايت بس

كل ما عليك هو فتح البرنامج و تحديد رغبتك فى انك عاوز تقفله بعد فترة قد ايه

يعنى لو عاوز تقفله بعد ساعتين مثلا

حط رقم 2 في خانة حرف الاتش و حط زيرو فى خانة حرف الام

للضعاف فى الاستنتاج حرف الام رمز لدقائق بالانجليزي و الاتش رمز لساعات بالانجليزي برضه يا مرسي

و اضغط على كلمة ران لتشغيله

run

و سيب جهازك يحمل و انزل بره البيت و الجهاز هيقفل لوحده فى الوقت اللى انت عاوزه ... ولا تبقى تعطل نفسك تانى عشان منتظر تحميل يخلص

نزلوا البرنامج من الرابط ده و صورته فوق


http://www.savefile.com/files/863812


و طبعا الحقوق محفوظة لمخترعه او مصممه

:)

اخر جلسة

ده نص الحوار الكامل اللي دار بيني و بين طبيبي النفسي في اخر جلسة تأهيل نفسي معاه ، بدأت اتزن و قررت مزورش الراجل الفاني ده تاني و لكنه اصر ان اخر مرة اروح له يتكلم عن سميرة بما انها هى اصلا سبب زيارتي ليه من البداية ..... في الحوار اللي جاي ممكن اي حد مش فاهم اخر تطوراتي بسميرة ... يفهم و يعرف حاجات كتير .... من الاخر

" دكتوري بيزور البلوج و عارفة انه هيتصدم لما يلاقيني نشرت نص الحوار ... معلش يا صديقي بس دي محاولة اخيرة لاقناعك انت و ناس كتيرة باني فعلا نسفت ملف الست دي نهائيا من حياتي .... من غير شر ولا خير ... ربنا يسهل لها بعيد عني "

الحوار طويل .... اللى عنده فضول يستحمل و يقرا

مش مطلوب من حد يضع تعليق

انا المرة دي بكتب لنفسي

........ تحياتي لمن سيتحمل

هو : مالك ؟

انا (بابتسامة ) : في جيبي
هو : احنا هنهزر
انا : ايوة طبعا ، اومال انا جاية اعمل ايه
هو : لا انا جاى اتكلم
انا : عن ايه ؟
هو : انتى عاوزة تتكلمى عن ايه ؟
انا : لا انا عاوزة اهزر
هو : بس انا عاوز اتكلم
انا ( فى حالة استعداد للمغادرة ) : طيب لما نتفق على فعل معين ابقى كلمنى اجى
هو : الله الله انتى هتبيعينى كده بسرعة ... طب استنى ... هنهزر .. ا

( ثم يضحك )

انا : يا عم انا مببيعش حد اصلا
هو : يعنى مبعتيش سميرة ؟
انا : سميرة مين ؟

( ظل ينظر لي بثقة و صمت .... لغاية ما افتكر سميرة مين )
( مقدرتش اقاوم ثقته ... ضحكت )

انا (باستهبال و ضحك ) : تقصد سميرة سعيد ؟
هو : هو انتى تعرفي سميرة غيرها ؟
انا : طبعا ... فيه سميرة احمد و سميرة توفيق
هو : سميرة توفيق مين ؟
انا : دى مطربة قديمة ... ماتت
هو : طب خلينا فى اللى عايشة .... ولا تحبي تموت هى كمان
انا : بطل تستفزنى عشان اغلط فيها .... قلت لك قبل كده انى مش بتمنى لها الموت
هو : اشمعنى ؟
انا : انت عارف
هو : فقدت الذاكرة ... فكريني

( عوجت له شفايفي )
( في سري اتمتم : ايه الملل ده )

انا : اولا الموت راحة و هى سايبة لى ذكريات سودا و بالتالي هبقى بضحك على نفسي لو تمنيت لها الراحة .... ثانيا ابنها مالوش غيرها و حرام تسيبه بدري كده ... ثالثا فيه طرق كتير للتخلص منها غير موتها ... رابعا انا ميهونش عليا

( فاجئني بانفجاره فى الضحك )

انا : ده ايه ده انشاءالله
هو : يخرب عقلك .... لسه بتحبيها
انا : لا ده انت توهت منى خالص ... احب مين يا عم ... ما خلاص .... قولنا ملف و اتنسف بس كل ما فيها ان اللى حب في يوم مينفعش يكره و مهما يحصل برضه بيبقى فيه فتات للحب القديم في قلبك ... و اكيد هيصعب عليا لو حد اذاها او لو ماتت .... ده اسوأ شئ
هو : يعني عاوزاها تعيش ؟
انا : اه طبعا
هو : طب تتمنى تستثمر مستقبلها فى ايه ؟
انا : و انا مالى ... ما تستثمره زى ما هى عاوزة .... انا لا يعنينى اى شئ يخصها الان
هو : طب تعالى على نفسك و حاولى تفكري تتمنى لها ايه فى المستقل

( تنهيدة طويلة مع نظرة معاتبة )

انا : طيب ... امممم .... اتمنى لها ان ربنا يصلح حالها .... اتمنى انها تكون بنى ادمة صادقة ... تاخد و تعطى .... تعرف تحس بالحب و تحب اللى بيحبوها ... تعرف معنى التقدير و تتخذه منهج لحياتها ... تكون اوضح و ابسط و اصدق من كده .... اتمنى لها كمان تعتزل و ربنا يزيل غيمة و اوهام الاضواء و الشهرة و النجاح من على عنيها لان كل ده بيأثر على حياتها بره شغلها
هو : اشمعنى تعتزل دي ؟
انا : كفاية كده عليها
هو : مع انك كنتى زمان بتمانعى الفكرة دى و شايفة ان ابداعها لا ينتهى و مستحيل تعتزل
انا : زمان كنت بحبها و حبي ليها مبني على انى بسمعها و بتابع فنها و لكن الان لا بتنيل اسمع و لا اتابع و اصبح لا يهمنى نشاطها و بفكر فيها من بره الكادر بدون تأثر بحب ... و شايفة انه كفاية كده عليها .... مش استخسار او مستكترة عليها تكمل غنا و لكن عشان متأذيش حد تانى بيحبها باستمرار شهرتها و انا قلت لك قبل كده ان لعنة حياتها هي شهرتها .... بتمنى لها الخير على راى انغام و بتمنى تزول عنها لعنتها
هو : و لكن لعنتها دى هى الاكسجين بتاعها
انا : ممكن نستبدله باكسجين من نوع تانى .... ممكن تستثمر ذكاءها الاجتماعى فى حاجات تانية غير الشهرة و الغنا و الفن ... ممكن تبقى انسانة صالحة بدون مهنة الغنا .... اكيد فيه انشطة تانية فى حياتها غير شغلتها

هو : طب ممكن ارخم و ارجع لسؤالى الاول

انا : اللى هو ...؟

هو : بعتي سميرة ؟

انا : انا مش ببيع حد بحبه بس فى نفس الوقت مينفعش اشتري حد باعني
هو : بتكرهيها ؟
انا : سوري يعنى و اسفة على تطاولى بس انت فعلا دكتور غبي ... يا عم انا قلت لك من شوية اللى بيحب مبيكرهش

( اظهر لي اسنانه بضحكة صفراء بشكل سريع ثم تجاوز الشتيمة و كمل )

هو : بس شكلك غضبانة منها
انا : كنت .... اما الان فانا غاضبة عليها و ليس منها
هو : متى سيزول غضبك ؟
انا : لن يزول ابدا
هو : يا قاسية يا ام قلب اسود
انا : فيه حاجات مبتتنسيش
هو : لا ، قلت لك قل كده ان الزمن كفيل بنسيان اى شئ ... فكري كويس
انا : ممكن
هو : ممكن ايه ؟
انا : ممكن يزول غضبي عليها
هو : امتى ؟
انا : اسكت ... مش انا امبارح قابلت وجيه الحارس الخاص بتاع نبيلة عبيد فى المينى باص
هو : نعم يختى
انا : وجيه يا عم ... انت متعرفوش
هو : وجيه ايه ؟ خليكى معايا في سميرة
انا : انا زهقت من سيرتها ... غير بقى ... كفاية ملل و ماضي فاشل
هو : اوعدك ان دى اخر مرة نتكلم عنها بس ساعدينى
انا : اساعدك على ايه ؟
هو : ساعدينى اقتنع بانك قفلتى ملفها فى حياتك
انا : والله قفلته فعلا ... ربنا يسامحها و يسهل لها
هو : يعنى انتى مسامحاها ؟
انا : اه بس مش على كل حاجة
هو : طب ايه لسه مسامحتيش عليه ؟
انا : مش مسامحاها على طمعها و انها بتتعامل تبعا لمصالحها اولاً و مش مسامحاها على عدم تقديرها لحبي ليها و مش مسامحاها على ظلمها ليا و اتهامها ليا بخيانتها و عدم صبرها و عدم سعة صدرها لمراجعة اللى سمعته عنى و ظلمتنى بسببه
هو : بس كده ؟
انا : لا ، مش مسامحاها كمان على عقدة السن اللى جابتها لى ... اهى كمان اصابتنى بلعنة ... الله يسامحها فعلا
هو : مش عاوزة تعيطى ؟
انا : العياط دى كلمة ساذجة اوى محبهاش
هو : ليه ؟
انا : البكا معناه ندم و انا مش من النوع اللى بيندم يا صديقي .... عادى يعنى .... عشت بطريقة معينة و حسبت حاجات فى الدنيا بالة حاسبة فاسدة و غلطت و خسرت و اكتشفت خسارتى و عشت احساس فقدان حاجات مهمة من حياتى و خلاص ... ادينا بدأنا من جديد و عايشين اهو من غير الخسارة و لسه هشوف اكتر من كده فى حياتى .... سميرة مرنتنى و دربتنى على الخساير الكبيرة و كويس انى عشت الخسارة دى فى مقتبل عمرى ... اعطتنى خبرة التجربة ... خبرة الاحساس ... بكرة هكون اقوى بكتير جدااااااااا قصاد اى خسارة امر بيها
هو : هتحبي ؟
انا : هحب ازاى يعنى ؟
هو : هتعرفي تحبي تانى
انا : مش عارفة ... ممكن اقدر و ممكن مقدرش
هو : متقدريش ليه ؟
انا : ساعات بحس ان حبي و تعلقي بيها اللى انتهى بالطريقة دى سبب لي عقم في قلبي
هو : تعبير كبير
انا : مش قلت لك ان دى طريقتى فى التعبير
هو : بتذهلينى
انا : يا عم عادى بقى .... حاول تتعود
هو : بقالي زمن مدخلش عيادتى حد بسنك و خبراتك المثيرة دى و طريقتك المذهلة ؟
انا : انت خريج قسم خطابة ولا ايه ؟

( ينفجر فى الضحك مجددا )

انا : بموت فى ضحكتك ... بتخلينى اضحك من جوه

( يضحك مجددا )

هو : و بعدين ؟
انا ( بابتسامة ) : ولا قابلين
هو : الحب ممكن .... انتى طيبة جدا ... مش معقول هتفضلي كده بدون حب
انا : الله اعلم ... بس مش هسعى لكده ... الحياة العملية امتع بكتير .... هوفر مشاعري لاستثمارها فى تقييم الناس فى شغلي
هو : اعتقد ان ده افضل بس اوعى عمرك يجري من غير حب
انا : ربنا يسهل
هو : لو هى كلمتك هتردى ؟
انا : مين ؟
هو : سميرة
انا : هى مش هتتكلم اصلا .... تعاليها و غرورها يمنعها للأبد من انها تكلمنى ... دى تبقى اتضربت بفيروس في نفوخها لو عملت كده
هو : يا ستى اعتبرينى مجنون و اعتبريها اتضربت بفيروس و فعلا اتصلت
انا : هتتصل فين طيب ؟
هو : على الموبايل
انا : هههههههههههه ايه ده انت متعرفش ؟
هو ( يضحك ) : لا معرفش
انا : انا غيرت الرقم
هو : مدتنيش الجديد
انا : انت همك ع الرقم ... ما انت معاك الايميل يا جدع ... خلينا فى موضوعنا ... انا محدش هيوصل لي لانى قفلت الخط القديم
هو : يعنى رمتيه ؟
انا : لا ، بس هعطى رقمه لحثالة المجتمع و صحابي بس هما اللى هيبقى معاهم الجديد
هو : يعنى هتفتحيه برضه ؟
انا : اه بس نادرا .... شغل بس
هو : طيب ما هى ممكن تتصل و يرن اهو و ممكن تجيب ايميلك من اى حد و تبعت لك و ممكن برضه تجيب رقمك الجديد من اى حد
انا : اه
هو : طيب
انا : لا شرير
هو : لا بجد
انا : بجد ايه ؟

هو : يعنى لو اتصلت هتردى ؟
انا : و هى هتتصل ليه اصلا ؟
هو : يمكن تكون عرفت غلطها
انا : اللى زى سميرة دى مستحيل تعترف باخطاءها او تراجع نفسها و تكلم حد هى باعته و اتهمته
هو : غرور برضه ؟
انا : مش موضوع غرور ، و لكن هى مش من النوع اللى ممكن يظلم حد و يرجع بعدها يكلمه
هو : طب اعتبريها اتضربت فى دماغها بفيروس من نوع تانى غير النوع الاولانى و كلمتك على اساس انها بتراضيكي و عرفت انها ظلمتك
انا : و ايه اللى هيخليها تعمل كده اصلا ؟
هو : يمكن يكون حد اتوسط لك عندها
انا ( بانفعال ): مين الكلب اللى يعمل كده ؟ انا مطلبتش من حد و مش هطلب و يبقى جزمة اللى يفكر يعمل كده
هو : طب اهدى يا بنتى ... تخيلي ان حد فعلا عمل كده و اثر عليها و كلمتك ... هتردى ؟
انا : لا
هو : ليه ؟
انا : ما خلاص بقى .... خلاص
هو : خلاص ؟
انا : ايوة والله ... فعلا انا قلبي و مخي اتقفل من ناحيتها
هو : مفيش رحمة خالص ؟
انا : يعنى هى كانت رحمت ؟
هو : ما هى هتسامح اهى و تتصل
انا : لا يا عم بعد ايه ؟ بعد الهنا بسنة ؟ باب افتح يا سمسم اتقفل خلاص
هو : مفيش امل يتفتح ؟
انا : مش قبل خمس سنين كده اكون كبرت و اتغيرت بعض المفاهيم عندى و يمكن ... مين عارف بس دلوقتى نو واي انى ارد عليها .... مش عاوزة اعرفها خلاص ... كفاية كده
هو : طب لو قابلتيها فى مكان ؟
انا : مكان زى ايه ؟
هو : حفلة مثلا
انا : انا مش هروح اى مكان اعرف ان هى رايحاه او هتبقى فيه
هو : متأكدة ؟
انا : ايوة طبعا .... مش هرخص نفسي و اهتم بيها تانى .... قولنا كانت تجربة و انتهت .... ربنا يبعدها عنى كمان و كمان
هو : طب لو روحتى اى حفلة او ايفينت و اكتشفتى و انتى جوه انها موجودة و حاضرة او معزومة
انا : ولا كأني شايفاها ، هبعد عن ترابيزتها و المنطقة اللى هى فيها و كمان هغادر المكان بدري بعد تحقيق سبب حضوري عشان برضه مكونش ضيعت شغلي بسببها
هو ( بسهوكة ) : معقول قلبك هيسيبك تمشي و تسيبيها من غير نظرة حتى او سلام او اى حركة ؟
انا : افتراضاتك و ضغطك عليا بدأ يخنقني .... بطل فزلكة .... كان يوم اسود
هو : هو ايه ده اللى كان يوم اسود
انا : ولا حاجة يا عم خلاص
هو : انتى عجيبة فعلا ..... بقالى 19 سنة شغال و قابلت شخصيات و انماط كتيرة من البشر و جاني عملاء كتير لكن عمر ما فيه حد منهم شتمنى او غلط فيا كده
انا : خلى قلبك ابيض .... احنا صحاب .... انت الكبير .... استحملنى
هو : و مين هيستحملنى انا ؟
انا : انت هتعيط و لا ايه يا دكتور ..... يا عم خلاص حقك عليا .... لما اشتغل فى الصحة النفسية هبقى اعالجك و استحملك
هو ( بابتسامة ) : يا نهار اسود
انا : ايه ؟
هو : هو انتى ناوية تشتغلى اخصائية نفسية ؟ لااااااااااااااااااا ركزى فى الصحافة يا ماما و انسي تخصص الصحة النفسية ده .... ده انتى كده هتوقفى حال نص دكاترة البلد
انا : مش للدرجة دى
هو : لا والله للدرجة دى و اكتر ..... انا بشكل شخصي بحييكي على قدرتك العالية على جمع تفاصيل كتيرة فى اى شئ و تميزك بانك بتفهمى الناس صح و بتعرفى تعبري عن نفسك صح .... كل ده يخوفنى من انك تشتغلى و تنافسينى

( ثم يضحك )

انا : شكرا ع الاطراء
هو : شكلك تعبتى منى
انا : تعبت من التفكير ..... التركيز بيستنزف طاقتي ...... مخي محتاج يرتاح سنة
هو : مخك بس ؟
انا : بتلقح كلام على ايه ؟
هو : ابدا
انا : طب قصدك ايه تانى محتاج راحة ؟
هو : ريحي مشاعرك
انا : بحاول اكون باردة اغلب الوقت ههههههه خروج سميرة من حياتى كان اكبر انصاف لمشاعري
هو : ناخد ريست
انا : هو احنا بنلعب كورة ؟
هو ( يضحك ) : تشربي ايه ؟
انا : قوم اعمل لي شاي
هو ( يضحك ) : يخرب بيت بجاحتك
انا : خليك كوول

( بكل تواضع قمت انا عملت شاي عشان مرخمش عليه اكتر من كده )
و بعد وصلة من قزقزة اللب و بعدما اجبرته نلعب اكس او و غلبته تسع مرات قصاد خمسة رجعنا لحوارنا الثقيل على نفسي

هو : لو ربنا رزقني و انشئت مصحة خاصة بيا هبعت اجيبك تشتغلي معايا
انا : ناوى تعملها فين ؟
هو : فى مصر .... فى الاسكندرية ممكن
انا : لا يا عم يفتح الله ..... انا اكتفيت من مصر يا حبيبي .... اشبع بترابها لوحدك
هو : بس جو المصحة هيخلصك من ترابها و هيشجعك تشتغلي كويس
انا : هو احنا بنبيع اوطة ؟ البيئة الملوثة ستظل ملوثة حتى و لو كان فيها فقاعة كبيرة داخلها نظيف ..... الاطار ملوث .... انسى يا بابا ... ما خلاص

( وجدته يغني فى محاولة لاغاظتى اغنية سميرة اللى بعنوان ما خلاص )

ثم
( قاطعته باغنية اجلت همومى للطيفة )

هو : ايه حكاية ان لطيفة بديل طبيعى دى
انا : شفت فيلم جايسون الجزء التانى ؟
هو : اه
انا : فى الفلم لما دمروا جايسون و بقى حطام مفاضلش منه غير نص راس و دراع و معرفش ايه حصل حالة استبدال بخامة الارض اللى اشلاءه كانت عليها و مخه اللى متدمرش عوض كل ما فقد من جسمه بمصه للمادة بتاعة الارض و كمل جسمه بمادة اخرى كبديل عشان يقوم يقف و يقتل تانى
هو : يااااااااااااه يخرب بيت مخك
انا : لا ، بس ده مثال ..... مينفعش ابدأ حياتي من جديد و فيه فراغ .... اعترف بان بعد سميرة حبي للغنا قل و مبقاش ليا نفس اسمع غير الموتى ههههههه بقيت بسمع ام كلثوم و ذكرى و لكن سميرة كانت طريقتها و ذوقها فى الاغاني بيعملوا لى حالة اشباع فى حاجات كتير ..... كانت هى الاكسجين بتاعى ..... اهى غارت ... بس لازم املأ الفراغ ده باقرب شئ ليها في الشبه و الاقرب هى لطيفة .... لا بأس بها برضه

هو : هتحبيها كتعويض
انا : قصدك هسمعها كتعويض .... مبقتش اعرف احب ... بس اهى بديل اسمعه و اهتم بيه شوية مع شوية مطربات ناجحين تانيين .... الدنيا طلع فيها غير سميرة حاجات كتير حلوة
هو : يعنى لطيفة مش تعويض ؟
انا : على فكرة انت بدأت تفقد تركيزك معايا .... يا عم انا مش من النوع اللى بيعوض بالطريقة دى ... قلت لك هى الاقرب فى اختيار اغانيها و لا بأس بها كبديل مؤقت
هو : مؤقت ؟
انا ( بتأكيد ) : اه
هو : اصل انا شفت البلوج بتاعك و انك اختلفتى مع صاحبتك بسبب لطيفة
انا : كان فهم غلط و موقف عبيط و عدى لكن لطيفة لا تعد شئ بالنسبة لى الا بديل طبيعي مؤقت .... ليس الا

هو : اها

انا : طب انت ايه رايك فيها ؟

هو : عاوزة تعرفي رأيي ليه ؟

انا : من اول اليوم و انت قاعد تسأل محسسنى انه استجواب ، مش من حقي اسأل انا كمان ولا ايه

( نظر لي بعد تضييق عينه )

هو : حاسس ان فيه هدف كبير تانى ورا السؤال

انا : اه ، محاولة احداث توازن و تطوير لاسلوب محادثاتك لعملائك .... برفه عنك و بجدد اطار حوارك ... كل الناس اللى بتجي لك بيبقوا مستنيين تسألهم عشان يتكلموا .... ميهونش عليا انى مسمعكش

هو : يا عينى على الاخلاق النبيلة و القلب الكبير و المخ اللى بيخوفني

انا ( ضحكت ) : متقلقش يا عم ، بس قولى رايك فيها

هو : لطيفة صاحبتي على فكرة و مكنتش عاوز اقولك كده عشان متخافيش منى او تفتكرى انى هستغل مشاكلك النفسية اللى ليها علاقة بسميرة بس اعتقد بعد كلامك اللى فات ده انا بدأت اثق في عدل مخك فى حساب اي حاجة .... مخك مرن و مش هتفهمي غلط

انا : سيبك من البروباجنده و المقدمات دي ... رأيك فيها بدون محاباة ...؟

هو : بشكل شخصي اطيب منها ما في ، كمستمع لا بأس بها و لكنها قدرتها على الابداع بطيئة مقارنة بسميرة و اعتذر عن مقارنتهم ببعض

انا : اوك ، غير الحكاية
هو : هتعملى ايه الشهر ده ؟
انا : هسافر اسبوعين اجازة و ربنا يلطف بينا من الحر ده
هو : هتهربي من حر القاهرة و لا من دعاية البوم سميرة الجديد ؟
انا ( بضحكة خبيثة ) : تصدق انى فعلا كنت ناوية اسيب القاهرة طوال شهر سبعة عشان ابعد عن جو الترويج بتاع البومها اللى هيغرق الدنيا
هو : كنتى ؟
انا : اه كنت
هو : ايه اللى اتغير طيب ؟
انا : سمعت انها أجلت الالبوم بتاعها
هو : ليه ؟
انا : ميهمنيش اعرف ليه ؟ ما تأجله ولا تلغيه .... يهمني ايه ؟
هو : تأجيله فادك ؟
انا : فادني و ضرني .... كان بالنسبة لى تحدى ان البومها ينزل الفترة دى تحديدا و اقدر اتحمل و اتحكم فى نفسي و متابعش اى شئ يخصه و اثبت مقاطعتى ليها و هى كده بتأخر فرصتى الاخيرة فى تأكيد نسياني ليها
هو : طب استفدتى ايه ؟
انا : قلت يمكن ربنا رايد لي خير و يمكن مكنتش هقدر اصمد قصاد ابداعها و سحرها المعتاد و قلبي يحن ، و جاه تأخير الالبوم لغاية ما احساسي ينضج كمان اكتر و قلبي يجمد و اقدر اتجاهلها بحق
هو : طب تفتكري أجلته ليه ؟
انا : و افكر ليه ؟
هو : انتى مش صحفية ؟
انا : ايوة بس عندى عشرات المشاهير اهتم بيهم .... سميرة ميهمنيش افكر فى اى شئ يخصها
هو : تعالى على نفسك و اعطينى تفسير لتأخيرها بما انك حافظة دماغها
انا ( بشكل اضطراري ) : اعتقد انها خايفة
هو : من ايه ؟
انا : خايفة تواجه دياب
هو : عمرو دياب ؟
انا ( بضيق ) : ممكن تبطل تكرر الكلام بعدى بالشكل ده ... لما تتكلم ضيف حاجة مفيدة .... انت كده اصبتنى بالملل
هو : مش بقولك عمرى ما قابلت عميل ليا كده .... بتعدلي عليا و توجهينى .... هتشمتى فيا رابطة الاخصائيين النفسيين
انا : و فيها ايه لما اوجهك ؟ .... كلامك فيه نبرة ديكتاتورية
هو ( بهدوء في محاولة لكسر الحدة ) : يا صديقتي ... انا اخر انسان يختلف مع العميل بتاعه .... المفروض لما تختلفى مع الدنيا كلها تلاقينى جنبك و متفق معاكى مهما كانت الاحوال و عشان كده انا مش هرد على اتهامك بالديكتاتورية لان انا اصلا فاهمك
انا : طب ما تفهمنى اللى انت فاهمه
هو : انتى شخصية قيادية و بشكل لا ارادي ساعات بتتعدى حدود الحرية فى الكلام مع غيرك و بتدخلى منطقة توجيه كلام غيرك معاكي
انا : الكمال لله .... بطل تلاكيك . .... القيادة سر نجاح اى تجمع
هو : بس احنا اتنين و انا غلباااااااااااااااااااااااااان
انا : ههههههههههههه اوك مش هفتري عليك ..... هههههه كفاية قيادة
هو : كنا بنقول ايه ؟
انا : انا معنديش ذاكرة اصلا .... حاول تفتكر انت
هو : ايوة كنا بنتكلم عن سبب خوفها من نزولها الموسم ده
انا ( بضحكة خبيثة ) : انا يوميا قاعدة بكتشف فيها عجايب يا دكتور .... الست دى طلعت جبانة جداً
هو : اشمعنى ؟
انا : خايفة تنزل الموسم ده و تواجه عمرو دياب ..... عمرو هياكل السوق أكل و هى مش اد التحدي ... يبدو انها فيه عندها خلل المرة دى فى الطبخة بتاعتها
هو : معقول خايفة من عمرو ؟ دي سميرة طول عمرها جامدة
انا : مش عمرو و بس ، السوق سيكون صاخب جدا الصيف ده .... عمرو هيضرب قنابل و مش هيعطيها مساحة تشاركه فى جنون الجمهور بيه .... اصالة نازلة خليجي و انغام و فؤاد و منير و نجوى كرم و هاني شاكر و صابر الرباعي و هشام عباس دايسين كويس جدا و محمد محي راجع و هيفاء نازلة تهيص و غيرهم كتير .... و سميرة طماعة ... متحبش حد يشاركها المولد بتاعها ... و متحبش حد يقطع عليها رزقها فى صنع الضجة .... بجانب خوفها الكبير ... عبقرية كعادتها بتحسبها صح .... اتمنى لها الخير

( الدكتور مازال منصت و لسه متنح )

انا : ايوة
هو : ايوة ايه
انا : خلصت خلاص كلامي .... انت كنت فين
هو : معاكى
انا : طب انا قلت ايه

( كرر كلامى فى هدوء )

انا : ماشي ..... عاوز ايه تانى ؟ مش كفاية نم على الست بقى ؟
هو : لا مش كفاية ، انتى قولتى اتمنى لها الخير
انا : و فيها ايه ؟
هو : انتى قولتى الكلمة دى لعمل خاتمة حلوة للجملة بتاعتك كتزويق يعنى و لا انتى فكرتى فيها قبل ما تقوليها و فعلا صادقة فيها
انا : لا فعلا اقصدها .... مش هضحك عليك ... انت اكتر واحد عارف
هو : طب ليه تتمنى لها الخير و هى اذتك و اثرت فيكى كده و سببت لك ازمة نفسية وو

( قاطعته )

انا : ايه يا عم كفاية بث سم .... ما احنا قولنا تجربة و انتهت و قولت برضه انى مش بكرهها .... مش عاوزة حاجة منها و مش بتمنى لها الشر لانى من جوايا مش شريرة و مبفكرش من منطلق عبيط زى الكرامة او الانتقام او السن بالسن او اى منطلق اهبل ممكن افكر على اساسه .... انا شخصية مسالمة جدا و طيبة .... هى اذتنى اهى راحت فى داهية بعيد عنى .... ربنا يهديها و يصلح لها حالها .... و يبعدها عنى كمان و كمان
هو : اوك
انا : فهمت يعنى ؟
هو : اه
انا : طيب
هو : لا ، شرير
انا : انت هتبدأ تشتغلني ؟
هو : لا ، متأكدة انك مش بتكرهيها ؟

انا : هى مين دى ؟

هو : هو فيه غيرها ؟

انا : يخرب بيت الملل ، انت من ساعة سألتنى و قلت لأ ... انت عاوز ايه بالضبط

هو : عاوز افهم الموضوع هيستقر على ايه

انا : هيستقر على اللى انا قلته من شوية و هو انى اتمنى لها الخير و اتمنى ربنا يبعدنى عنها ... لا بحبها و لا بكرهها

هو : مفيش حاجة ممكن تخليكى تكرهيها فى يوم

انا : معتقدش

هو : ليه ؟ واثقة اوى فى قلبك ؟

انا : لا بس عناداً في كل اللى شمتوا فيا مش هكرهها و عناداً فيها هى شخصيا هخيب املها و مش هكرهها

هو : طب بعيدا عن العناد ... تخيلي ... ايه اللى ممكن يكرهك فيها ؟

انا :مش عارفة .... و مش عاوزة اعرف

هو : بدأتى تنفعلي ... انا اسف ... قومي اعملى زيارة سريعة للتلاجة يمكن عاوزة تشربي حاجة

( و بزيارة سريعة عدت و رجعنا لوجع القلب )

( ظل ينظر لي و كأنه كان فعلا عارف انى هرد على سؤاله الغبي )

انا : ايه ؟

هو : ايه ايه

انا :مش بكرهها والله

هو : ما انا عارف بس عاوز اعرف ايه الشئ اللى فى الدنيا ممكن يخلي اي حد يكره سميرة

( ضحكت بشدة )

هو : بتضحكى على ايه ؟

انا : اصل افتكرت شئ فعلا منفر له علاقة بيها

هو : شئ ممكن يكرهك فيها ؟

انا : لا ، بس ممكن يتسبب في ضجر و غضب لاي حد و ممكن على حد قولك يكرهه فيها

هو : ايه بقى

انا : الكلاب بتوعها اللى هى مسمياهم فانز ... مرضى فعلا .. تصرفاتهم تخلي اي واحد صبره قليل يكره مطربتهم

هو : لسه بيضايقوكي ؟

انا : اه طبعا ، مش هيتهدوا غير لما ربنا ياخدهم او مطربتهم تصدمهم فى حاجة

هو : بتردى عليهم ؟

انا : فيه مثل بيقول حاجة كده زي القفيلة تسير و الذئاب تعوي

هو : اه عارفه ، قاصدك القافلة

( كان رده غير كافي فقمت بالترخيم باستمرار نظري اليه )

هو : ايه ؟

انا : ولا حاجة

هو ( بتنهيدة ) : استمري في الحياة

انا : بحاول

هو : لن يستمر العواء ... هييجي يوم زورهم هيوجعهم

انا : اتمنى

هو : هم بيعملوا فعلا حاجات تكره فيها ؟

انا : شوف شوية عندك فى البلوج و معاك باسوورد اميلي القديم ادخل شوف

هو : مشكلتهم الاولى ايه

انا : مش فاهمين حاجة صح ... تفكير اغلبهم محدود و بيتحكم فيه التعصب و التهويل من اى شئ يمس سميرتهم

هو : مبيتعلموش من سميرة ؟

انا ( بحماس و هز رأسي بالنفي ) : خااااااالص ، منتهى الغباء و القصور الفكري .... هي لما حد بيغلط فيها بتتجاوزه و تنسى و تصلح اللى خسرته و تكمل بينما هم منهجهم نبش القبور و الانتقام من اى ماضي مات ... فضا فعلا

هو : و ايه كمان

انا : و حياة ابوك كفاية كده ... دول بمثابة فتات بيقع من خبز سميرة سعيد و انا رفضت تناول الخبز ... بتعاقبني بتناول الفتات ؟

( يضحك مرة اخرى )

هو : خلاص بلاش فتات و بلاش خبز .. نركز في الشاورمة ، اخر مرة اكلتى فيها شاورمة امتى ؟

انا : من يومين شوفتها

هو (يضحك ) : شوفتيها بس ؟ طب مكالتيهاش ليه ؟

انا : مكانش ينفع تتاكل

هو ( يضحك ) : اشمعنى ؟

( أظهرت له مجموعة صور من شنطتي من بعيد و لكنه لم يفهم )

هو : مين ؟
انا : بنت فيفي عبده ... بت قمر بجد
هو : شبه فيفي ؟
انا ( و انا اعطيه الصور ): يعنى ... بس احلى منها و اجمد كمان .... مزة
هو : قابلتيها فين ؟

( و دخلنا فى حوار فارغ عن فيفي و بنتها و لبسها و مشيتها و مين عاكسها و ما الى ذلك )

انا : كلمة فى زوري .... ممكن ؟
هو : قولي
انا : انت رغاي اوى على فكرة

( ينفجر في الضحك فيجبرني على الضحك ايضا )

هو : اهو انتى

انا : شكرا

هو : ممكن كلمة في زوري انا كمان ؟

انا : ايوة

هو : انا طبعا بشوف موقعك و كل اللى بتكتبيه لكن انا شايف انك صريحة زيادة عن اللزوم و بتكتبي عن حاجات كتير خاصة في حياتك مش لطيف ان كل الناس تعرفها .... يعنى متهيألى كان الافضل تحتفظي بيها فى دفتر مذكرات

انا : فاكر اول مرة اتقابلنا ؟

هو : اه ، من اولها اتخانقتي معايا بسبب موضوع الاسرار بس انتى فهمتى غلط

انا : لا انا مفهمتش غلط ، انا لسه بكررها ..... انا معنديش اسرار و معنديش حاجة اخبيها لاني مبغلطش .... انا من النوع اللى مبيتكلمش .... من حقي اعمل بلوج اتكلم فيه عن نفسي و لو لنفسي .... عيب عليك تحرمنى كمان من حق الكلام

هو : مقدرش احرمك ، بس انا قصدت انه لازم يكون فيه جانب خاص ... موقعك واجهة ليكي و تعريف بيكي و انتى قولتي لي انك بتعرفي نفسك لكل شخص بشكل مختلف حسب شخصيته و حسب رغبتك فى التوافق معاه و اعتقد انك حاطة لينك البلوج على كارتك الجديد .....؟ ايه ؟

انا : هحاول قدام اقلل الجانب الخاص ، لكن الفترة دى لو متكلمتش فى البلوج بتاعى مش هبقى كويسة
هو : جاية تانى امتى ؟
انا : معتقدش هاجى تانى
هو ( بحزن ) : ليه ؟
انا : انت مالك زعلت كده .... مش حاسة انى عاوزة اجى تانى
هو : السبب
انا : صعب تفسير السبب بس اعتقد انى بقيت كويسة و اقدر احاسب نفسي و افكر بدون اشتراك حد معايا
هو : طب ابقى تعالى زيارات بعيدا عن التأهيل النفسي ... احنا صحاب
انا : يا مين يعيش .... روح اتدرب بس على الاكس او و بعدين كلمنى .... و اشترى المجلة بتاعتى

: )

تحديث

يا جماعة

اعتبروا الموضوع اللى فات كأنه متكتبش لان بعد ما كتبته بيوم اكتشفت انى مكانش المفروض اكتبه

يبدو ان انا بقيت حساسة زيادة عن اللزوم و بحسب الامور غلط

ع العموم اهو اتكتب ليسجل في ذاكرة التاريخ

و لكن صديقتي لم تظهر انها زعلانة او واخدة على خاطرها

عشان كده الموضوع مالوش لازمة

هروح اغيب يومين ادور على بوست اكتبه و ارجع

تحياتي

علشان خاطرها

والله العظيم و انا بادئة اهو بأسم ربنا للتدليل على صدقي في كل كلمة هقولها ... و الله العظيم انا بحب كل صحابي و بكره اخسرهم جدا ...ا

الخسارة لوحدها تجربة حياتية قاسية .. ان يكون معاك حاجة و فجأة تضيع منك ... اكيد في كل الحالات انت اهملت فى الحفاظ عليها و لكن ما يشفع لك و يقلل مسؤلية ضياع حاجتك منك هو ان فيه في حياتنا ظروف و ضغوط بتأثر كتير على تصرفات و سلوكيات اى واحد ... يعنى ضياع حاجتك مش راجعة لاهمالك و بس و لكن راجعة لظروف و ضغوط حياتك اللى مش دايما مساعداك تحافظ على حاجتك !! ا

ده اللى انا عاوزة اقوله لابتسام !ا

ابتسام دى واحدة صاحبتي ... بحب عصبيتها و تلاكيكها و بكره فرق السن اللى بيني و بينها ... مع انها عمرها ما عاملتني بتقليل او استهزاء او تهاون لا سمح الله ... و لكن سميرة بقى منها لله جايبة لى عقدة السن - و لذلك حكاية اخرى هحكيها مستقبلا لو جالى نفس - و لكن تتلخص العقدة في ان فروق السن بين الناس ساعات بتمنع تواصلهم و تفاهمهم ده اللى سميرة مقتنعة بيه و ده اللى عقدني منها مع انى الحمد لله بعرف اتواصل كويس جدا مع ناس كتير اكبر منى كتير و عمري ما حسيت ان السن حاجة بتعرقل اتصالاتى الاجتماعية و تعاملاتي

و من النقطة دى عاوزة اقول ان الصديقة ابتسام دى شخصية اجتماعية ناجحة من الطراز الاول و ده ساعد سريعا على تطور علاقتي بيها لغاية ما وصلت للدرجة الاولى من اصدقائي .. مش عاوزة امدح فيها عشان مبحبش التماحيك بس فعلا الست دى متتعوضش ... انا بكره محدودي التفكير و بفرح لما بقابل حد مش كده و ابتسام مش كده بل بالعكس دماغها كويسة جدا لدرجة تخليك تقول يا ريتنى كنت راجل عشان اتجوزها و افضل اتعامل مع دماغها دى عن قرب ... و بعدين حتى لو كنت راجل ده بعيد عن شنبك يا بابا لانها خلاص اتدبست و عندها ياسمين و كريم كمان ، و تواجدهم سبب كبير لحبي ليها

.....
على فكرة انا مبحبش الاطفال و عمرى ما تعاملت مع اولادها على انهم اطفال بس عموما انا بحب كل حاجة بسيطة و البساطة هى عنوان علاقتي باولادها لانهم هم كمان فى منتهى البساطة و الذكاء برضه ، كده على فكرة موضوع البوست تحول الى سرد لقصة حياة ابتسام ... طيب نرجع للفكرة الاساسية

.......

كنت بقول ان ابتسام صديقتى من الدرجة الاولى و انى بحب دماغها جدا و انها من الناس اللى ميتعوضوش و مينفعش تفرط فيهم لانهم مش تقليديين ... و بعترف ان دى تانى شخصية فى حياتى اقابلها و تنال اعجابي بالكامل ... ا

.....

طيب ... بعد كل المقدمة دى هل فيه هنا اى حد اهبل يقدر يتخيل و يتنيل على عينه يتوهم انى مفرطة فيها او مش حابة اعرفها تانى او مش فارقة معايا ؟
متهيألى واضح جدا انها فارقة معايا و اكبر و اقرب دليل على كده ان الساعة دلوقتى 2 و نص بالليل و انا اقسم بالله واقعة و بنام على نفسي من كتر المجهود اللى بذلته النهاردة و مع ذلك قاعدة بكتب عن ابتسام عشان خايفة انام و اصحى اكون نسيت اللى فى بالى

انا سامعة ناس بيسالوا ايه الهدف من البوست ؟
الهدف هو انى اقول لابتسام اللى معرفتش اقوله لها و افهمها اللى هى منشفة دماغها و مش عارفة تفهمه لغاية دلوقتي ...و اتمنى انى اكون مخطئة

نحكى من الاول ؟
ما نحكيش ليه ؟! للمرة التانية فى نفس البوست بقول منها لله سميرة ... لسه من اسبوع كنت بضحك مع واحد صاحبي و قلت له الست دى اذتنى فى قربها منى و فى بعدها عنى كمان .. قاللي ازاى ؟ ... قلت له فرقتنى عن كل صحابي اللى عرفتهم بسبب حبنا المشترك ليها
الست دى زى ما جمعتنا بعزقتنا .. سيدة البعزقة الاولى
هل يتذكر احد المقولة بتاعة
" فرق تسُد "

و فعلا بعد مشكلتى الاخيرة معها اللى اثرت فيا كثيرا لدرجة مقاطعتها و نسيانها و و نسف ملفها من حياتي ، الا انى قدرت احافظ على مجموعة بسيطة من اصدقائي اللى اتعرفت عليهم فى الفان كلوب الموبوء بتاعها من سنتين تلات سنين تقريبا و هم نهاد و يونس معارف و عادل الدوكالى و حمزة و جاسم و بثينة و ايمي و طبعا ابتسام
و دول عدد بسيط جدا مقارنة بالعشرات اللى قاطعتهم و قاطعونى بمجرد اعلان غضبي على الحاجة بتاعتهم اللهى تعتزل و تريحنا ..
ابتسام كانت واحدة من الناس اللى صاحبتهم بجد و تحولت علاقتنا من اعجاب مشترك بمطربة الى صداقة تشمل اشياء كثيرة غير سميرة اللهى تعتزل و تريحنا من سيرتها العطرة

المهم
لا انكر انى شكيت فى استمرارية علاقتى بكل من عرفتهم خلال سميرة بعد مقاطعتى لها و لكن لم اشك ان ابتسام من تلك النوعية اللى ممكن الواحد يقلق من اخلاصهم بمجرد ان يختفي شئ مشترك معهم و لكن باخر مكالمة تلفونية معها قبل سفرها بره مصر اتكلمنا كتير و كنت انا فى حالة نفسية سيئة و قعدنا نتناقش نقاش هزلي عن البديل لسميرة فى الغنا و هسمع مين مدام مش هسمعها فقلت لابتسام

طبعا لطيفة

هى البديل الطبيعى و الاقرب

لارضاء حالتى المزاجية

بعد الحاجة بتاعتكم و لكنها اظن انها مبتحبش لطيفة عشان كده كان اقناعها باختيارى متعب شوية و يومها صديقتى لم تستوعب بشكل كامل انى مجرد بهزر و انه كله حوار فاشل لا يستحق الاختلاف فيه و اخذت الموضوع على اساس الولاء لسميرة ... مش فاكرة تحديدا كان ايه الكلام فى حوارنا ... و مش عاوزة افتكر ... بس المجمل انها لم تتفق معى في انى هكون من هنا و رايح من معجبين لطيفة و لم تتفق معى فى استبدال سميرتها بلطيفتى و يبدو انها مش بتحب لطيفة اصلاً

و لكن بقدرة قادر تحول عدم اتفاقها معى لمعاتبة يشوبها بعض العنصرية ... انا زعلت ... زعلت اوى يومها و قولت لنفسي يعنى حتى انت يا بروتس .. و انا كنت بقول ابتسام دى فاهمانى ... يا دى النيلة ... اهى طلعت مش فاهمانى ... زعلت من عتابها الشبه قاسي ..!الموضوع تافه اللى كنا بنتناقش فيه و تحول لخناقة بهزار و بعدها سمعت منها كلام حسيته ان مفيهوش روح الهزار .. فيه مثل بيقول
" لما تلاقي صاحبك بيشد ... ارخي ... عشان الحبل ميتقطعشي "
......

نفسي اتسدت عن الكلام فقفلت المكالمة بشكل لطيف و محسستهاش انى زعلت و كنت متفقة معها على زيارة سريعة ليها تانى يوم قبل سفرها و لكنى لم افعل ، بسبب زعلي من كلامها اللى مرضتش اعاتبها عليه يومها فى التلفون ... عشان الموضوع مياخدش اكبر من حجمه و عشان انا مش ناقصة نكد .. و عشان انا مش عاوزة انشف دماغي و اقفل معاها و احنا مش تمام
فضلت انى اقفل السكة بلطف و لا ازورها لغاية ما ربنا يسهلها و اعاتبها بشكل خفيف يوم تانى تكون هى نسيت حدة المناقشة اللى صنعت اختلافنا

..
و قد كان
من ساعتين تقريبا ...ا
لسه متقابلين على المسنجر

.......

و بما انى فعلا تعبانة و مش قادرة اكتب كتير فهلخص بقدر الامكان بدءاً بكلام عادى حتى الوصول للمعاتبة اياها

و منكرش فعلا انى ندمت على معاتبتها

و لكنى عاتبتها عشان يبقى قلبي صافي من ناحيتها .... بينما هى اعتبرتنى غلطانة انى فضلت زعلانة الفترة دى

و لكن

..

انا وقت زعلى منها كنت مستاءة نفسيا و لو كنت عاتبتها مكنتش هسمع منها اى مبرر يقلل زعلى و لكن بما انى فايقة اليومين دول فوجدت انه وقت مناسب لتصفيات الزعل العبيط ده

و لكن صاحبتنا زعلت و شالت كمان

.....

الناس بقت عجيبة فعلا

...

حد يزعلك ... و انت مش مفرط فيه ... تصبر عليه .. تعاتبه ... فيعاتبك على عتابك

انا لسه من اسبوعين مضيعة واحد صاحبي جدا بسبب انه عاتبنى على عتابي بعد ما زعلنى

فجأة لقيته قلب الترابيزة عليا و طلعنى انا الغلطانة مع انى انا اللى كنت زعلانة

صاحبنا ده مش غالي عندى زى ابتسام عشان كده قاطعته بلطف .... غيرت رقمى و مدتهوش الجديد .... غيرت القهوة اللى كنا بنتقابل عليها و مبقتش بعتبها.... وصيت كل زملائى يعملوا انهم مشافونيش من شهر لما يسالهم عنى .... ربنا يسهل

بينما ابتسام سافرت

و انا مش قلبي اسود

مع ذلك عاتبتها

و للاسف زعلت منى

انا مش لاقية تفسير للموقف الغريب ده غير اننا خادنا عين

لما الواحد بيلاقي احداث عجيبة في حياته بلا مبرر طبيعي بيكون التفسير الوحيد المناسب هو الحسد

و اعتقد فعلا ان حد حسدنا

يا ساتر

ربنا ياخده اللى حسد ده ... طين الدنيا فعلاً

...

على العموم انا عارفة ان ابتسام بتدخل البلوج بتاعى و انا عاوزة اقولها انى خلاص مش زعلانة منها بس فعلا شئ قاسي جدا انك وقت متاعبك و لما تبقى مستنى كل كلمة حلوة و مدعمة من اصحابك تلاقيهم يزعلوك و يسمعوك كلام يخليك تشيل منهم

شوفتى يا ابتسام البوست ده ؟

http://rashida711.blogspot.com/2007/06/blog-post_03.html

دوسي على اللينك و اقريه

اانا عاوزة اقول ان الواحد لو مستغلش ازمات صاحبه عشان يبقى معاه ... هيبقى معاه تانى امتى ... و هيثبت انه فعلا صديق كويس و باقي على اصدقائه امتى ؟

...

على العموم انا برضه ساعات بختلق الاعذار للى بيزعلوني و بقول يمكن يوم ما سمعتنى كلام زعلني قد تكون هى أخطأت فى اختيار بعض الكلمات اللى كان وقعها قاسي عليا فى حوارها ، يمكن متقصدش
بس انتى اكبر من انك تعبري بشكل يزعل و اكبر من انك تزعلي من عتابي و اكبر من العنصرية

ولا ايه ؟

هههههههههه كل ما افتكر حجم الاستفزاز اللى حسستك بيه لما قلت لك انك عنصرية بقعد اضحك

بس انتى مش كده ... ربنا يسامح المطربة اللى جمعتنا و اختلفنا و بسببها و خليت دماغى توصل لفكرة العنصرية

اعتذر

......

" على هامش البوست "

من شهر تقريبا بدأت اخرج تدريجيا و ببط شديد من حالتي النفسية السيئة ... حصرت خسائري ... فوقت تدريجي ... كان فيه ايام بتعدى عليا كنت بنام فيها 20 ساعة .... اصحى و انام ... خايفة انزل الشارع و احتك مع الناس و اقابل ناس ... خايفة افتكر سميرة .... بهرب من التفكير فى الخسائر ... بكره الندم و عشان كده كنت بنام عشان مديلوش فرصة او مساحة عشان يتحشر في حياتي

من اربعة ايام بالضبط اعتدلت حالتى النفسية بشكل كبير .... خرجت

رجعت لشغلي احسن من الاول ... اتشغلت عن الافكار السوداوية

عرفت مين حبيبي و مين عدوي و عرفت اضبط من اول و جديد درجات قرب الناس منى و عرفت احدد كل مساحة صح الصح

بعد ما كنت حزينة بسبب خسارة سميرة و خايفة اعيش و مش قادرة استوعب فكرة البدء من جديد في حياة تلوث ماضيها كله بالتعلق بشخصية غير جديرة بحبي و اخلاصي

ربنا بيحبني

و الا مكنتش خرجت تانى و بدأت من جديد .... والا مكنتش هحس بتحسن الايام دى

و لكن

مكالمة ابتسام فى المسنجر رجعتنى تلات خطوات لورا و اثرت عليا بشكل سلبي

بكره الخسارة

اتمنى ان صاحبتى اللى كتبت عشان خاطرها كل اللى فات تستوعب كده كويس و ترحمنى من دماغها الناشفة .... انا مش ناقصة خساير تانى

اعتقد هتفهمنى

كفاية كده

بدأت اخاف تانى من اصلاح حياتي ..........ا

ربنا يهدى

!

للتعليق اضغط هنا

و حياة ولادك بلاش نكد

تربتات تي ... مصر حبيبتي

معرفش ليه جاه على بالي اغنية لمطربة تافهة اسمها جيني

اسمها

" امشي و سيبني "

نص الاغنية مبتقولش غير كلمة تربتاتى امشي و سيبني

كأنها عاوزة ترقص الناس بالعافية على غناها بس

و لكن المقطع ده تحديدا جاه في بالي بسبب اللى انا كنت فيه من ساعة واحدة

انا لسه داخلة البيت اهو من شوية و يا دوب غيرت هدومي و شربت كوزين مياه من الحر و طلبت عشا دليفري و قلت اكتب اللي في بالي قبل ما انساه بما ان ذاكرتي اصبحت في الحضيض

ففتحت الجهاز و بكتب لكم من موقعي هذا بعد ذروة الاحداث اللى شفتها من شوية

انا كنت الليلة فى افتتاح مهرجان الرقص الشرقي عقبال عندكم انتوا و احفادكم كده

المهرجان ده اكيد كتير بيسمعوا عنه و لكن محدش بيحضره غير الاجانب و صفوة القوم فى مصر ... و مش اى رقاصة مصرية كمان

و المصيبة بقى و المدهش ان الصحافة ممنوع تحضر حفلي الافتتاح و الختام و بيكون تغطيتها خارج المهرجان بالتنسيق مع الادارة الاعلامية فقط

و لكن بما اننا لا مؤاخذة مش اي اي ولا زي زي رحنا و حضرنا و افتتحنا وسط مصر كله و من غير دعوة كمان و من الباب الرئيسي ههههههه

المهم

المهرجان كان في المينا هاوس في الهرم

مشوار ابن ستين في سبعين بما انى ساكنة فى شمال شرق القاهرة

المهم انى رحت برفقة زميل ليا من جريدة النبأ ربنا ما يحرمنا من مانشيتاتهم

و دخلنا بعد ما شفنا افواج من كل حتة فى العالم

تقريبا فى حدود 1400 راقصة على الاقل من كل منطقة فى الكورة الارضية

اشكال و الوان و اجناس و اديان و احجام و لغات و ميول متفرقة

و بعد زفة رقص بلدي امام الفندق دخلنا القاعة الضخمة جدا ليبدأ الحفل بوصلات لا تنتهي لعشرات فرق الرقص

و كل فرقة فيها خمس رقاصات من بلد شكل و كل فستان حكاية غير اللى قبله و اللى بعده

اقصد بدلة مش فستان

كانت ليلة تتوه بصراحة

و طبعا انا بموووووووووت فى الهلس ... و لكن الهلس بالافادة (; عشان كده سبت زميلي متنح مع الرقاصات و قمت بجولة صغيرة استطلع بيها من منظم المهرجان و اشهر المدعوين و ووو

اتعرفت على طبال و على عارضة بدل رقص و على مدربين رقص

و شفت راقصة اجنبية مشهورة اوى .... تعرفوا مشهورة بايه ؟

مشهورة بانها بتسجد لدينا الرقاصة بتاعتنا

اللى محدش يعرفه يا جماعة ان دينا بتاعتنا دى تعتبر هيرو و حاجة جامدة جدا بره فى اوروبا و بلاد شرق اسيا

تعتبر قدوة

السي دي بتاعة دينا اللى انتوا بتشتروها من على الرصيف ب 5 جنيه و لا 7 ولا 15 بتتباع بره بما لا يقل عن 300 دولار

انا اعرف صحاب ليا من الصين بيجوا مصر بس عشان يشتروا سي دي هات حفلات دينا المبدعة دي و يروحوا

و هحكيلكم فى بوست تانى عن مجانين دينا فى الصين و موقف شفته بعيني في فندق سميراميس

و لكن المهم انى الليلة شفت بعيني واحدة بتموت فى دينا الرقاصة لدرجة انها بتسجد لها

تخيلوا ؟

ميهمنيش الحادها او عدم منطقيتها و لكن ما يدهشني حجم اعجابها و انبهارها و عشقها الكبير جدا للرقص الشرقي لدرجة ان تحيي راقصة مصرية محترفة بتلك الطريقة

والله ما انتوا عارفين قيمة دينا هههههههه

هحكيلكم بعدين عن الناس اللى بتعشقها بيعملوا ايه

انا اعرف مكان فى الصين بمثابة مدرسة تعليم رقص حاطين على بوابته من بره تمثالين لدينا الرقاصة في اوضاع راقصة و مطليين بمياه الدهب

!!!!!!!!!!!

ده انا بضرب نفسي بالجزمة لانى كنت بحب سميرة

جاتني نيلة فى اختياراتي الفاشلة

اهي دينا طلعت اعظم منها

يالا .... دنيا

انا اول مرة احس اني بحب مصر اوى كده و فرحانة انها بلدي

يمكن عشان شفت العالم دول كلهم جايين يهيصوا في بلدنا و يتعلموا حاجة مشهورة بيها بلدنا و يسهروا في بلدنا و يدفعوا لبلدنا و يحبوا دينا بنت بلدنا ههههه

انا عارفة ان في مصر حاجات اعظم من الرقص و لكن انا عمري ما نال اهتمامى او جذبني او ابهرني اى حاجة من الحاجات دي لان شايفة ان بره فيه احسن منها ميت مرة و لكن و بكل صراحة مفيش بلد احسن من مصر في الرقص الشرقي

مع احترامي لاي حد لا يتفق معايا و لكن احب افكركم بالجملة اللى انا كتباها فى رأس البلوج من فوق و هى توضيح لان البلوج ده بتاعي بعبر فيه بطريقتي و بمقاييسي انا و لا انتظر الحكم من حد او نقد حد

انا مش عارفة احكى ايه ولا ايه

بس المهرجان ده فعلا حكاية

انا لمدة اسبوع هعمل معسكر هناك عشان اتابع الفعاليات و اقلب رزقي بقى هههههههه

ده انا اللى شفته الليلة الصور متوصفهوش

رغم انى متعودة على جو الحفلات و اشتغلت زمان سياحة و شفت افواج جامدة

لكن برضه المهرجان ده حكاية

جو تاني و عالم تاني ... احلى بكتير من شغل الصحافة الفنية

الف ايد و ايد بتصقف في ثانية واحدة .... بتهز في لحظة واحدة ... بتفرح في ضحكة واحدة

ناس عايشة بجد ... و لكن طريقة حياة شارميد اوى

charmed

شارميد يعنى ساحرة او جذابة للغاية

عشان فيه ناس مخها هيروح بعيد

سبحان من جمع المئات دول من كل حتة فى العالم على هزة وسط

تربتات تي

ههههههههههه

تحيا دينا

يتبع انشاءالله ،

أجلت همومي

فيه اغنية بقالي اكتر من اسبوع بسمعها كتير

عاوزة اهديها لكم

للفاضلة لطيفة اللى فعلا تستاهل تمثال على الاغنية دى

و انا كنت فاكرة ان مفيش اعظم من س و لا من اغانيها

لا معلش بقى

فيه ناس جامدة تانية و عندها اغاني جامدة

و دى اغنية جامدة

تقدروا تنزلوها من هنا

http://www.savefile.com/files/838025

كلمات : كريم العراقي, ألحان : زياد الطويل, توزيع : جان ماري رياشي

كانت فى البوم واضح عام 1999

كلمات الاغنية اهى عشان تعرف انك مش هتندم لو نزلتها

الا يا شاكياً هم الليالي ... الليالي

تناسى الهم

ان العمر غالي

فحتى النار ترقص فى الهوا

و من فينا ... من فينا من الاحزان خالي

اجلت همومي و فتحت قلبي للغنوة الحلوة

غنا اهلي و بلدي

يالا ارقص بلدي

فكرني ببلدي

يالا ارقص شرقي و لا ارقص غربي

حرك وجداني نسيني احزاني

حس انك عايش

مهما ان كان عمرك

مهما ان كان حزنك

ارميه ورا ضهرك

ارميه ورا ضهرك

يالا ارقص دبكة

سامري و فرساني

تانجو فلامنكو لبناني اسباني

ارقص ما تهوى

ده العمر غالي

اه زيي انا زيك

مين فينا الخالي ؟

انا مش كده

ازيكم يا زواري
ازيك يا بلوجي العزيز
مش عارفة ابدأ منين
.
جاني تلفون
ما هو دى اسهل طريقة غير الايميل تعرف توصلي بيها
واحدة صاحبتي
كانت زمان قريبة منى اوى
بعدت و اختفت
اخر مرة اتكلمنا كان من 7 شهور
اول ما انا قلت : الو

قالت لى : فين رشيدة
قلت لها : انا
قالت لى : لا مش انتى
قلت لها : اومال انتى متصلة على اساس ايه
قالت لى : انا بدور على رشيدة اللى اعرفها ... انتى سرقتيها منى و منها
انا سكتت
و قلت لها : ازيك
هى ردت : مش كويسة
انا : ليه ؟
هى : زعلانة عليكي يا بنتي، يخرب بيت الدنيا اللى بتغير الناس كده
انا : طب هعمل ايه
هى بنفرزة : متقوليش الكلمة دى ... الكلمة دى ميقولهاش غير الفشلة ... تعملى كتير
انا : دماغك بقى
هى : دماغك انتى راحت فين
انا : موجودة
هى : فيها ايه ؟
انا : فيها حاجات مقرفة و بتوجع لى دماغي
هى : ليه ؟
انا : معرفش
هى : اتغيري
انا : يا ريت
هى : محتاجة ايه ؟ انا جنبك ... قولى لى اقدر اعمل لك ايه
انا : كفاية بس تبقى جانبي و بتسالى من وقت لتانى و متابعة
هى : هى دى المساعدة ؟
انا : ايوة ، كفاية كده
هى : طب ليه متدخلش اكتر ؟
انا : لان انا نفسي مش بتدخل
هى : ما هو ده اللى جايبك ورا
انا : يا صديقتي انا محتاجة وقت بس عشان اتزن و ارجع كويسة
هى : الوقت دى حجة قديمة
انا : لا مش قديمة ، مش هتقدم اصلا ، الزمن هو اللى بينسي اي حد اي حاجة ... الزمن هو اعظم علاج للنفس المريضة
هى : لما نشوف ، بس انتى مريضة بايه ؟
انا : بالحياة ، العيشة نفسها اصبحت مرض
هى : ربنا يكون في عونك
انا : اتغيرت كتير انا
هى : سنة الحياة
انا : المهم اللى جاى ... ربنا يستر
هى : اتقي ربنا علطول و خلي الخير في بالك و امشي عدل حياتك هتتعدل
انا : بحاول
هى : انتى كسولة
انا : جدا
هى : هحاول ابقى معاكي
انا ( بتماسك): اتمنى انتى كمان متضيعيش منى ... خسايري فاقت الحد الطبيعي ... البكاء اصبح شئ اهبل للتعبير عن الخسارة .. سميرة راحت .. قلبي بيتقطع
هى : اجمدي ... مش هي اللى علمتك تكوني قوية؟
انا : نفسي انسى كل حاجة اتعلمتها منها
هى : لا ، تبقى هبلة
انا ( بسخرية ) : اه
هى : هى علمتك حاجات كتير و هى مش قاصدة او التعبير الاصح هو انك انتى اللى علمتى نفسك بسبب حبك ليها ، بصي يا رشيدة ، مش احنا متفقين ان الحياة هات و خد ، سميرة خدت منك حبك و تدعيمك و وقتك و انتى خدتى منها حاجات كتير حلوة خلتك بنى ادمة كويسة ، متتنازليش عن حقك بما انك اصلا افدتيها ... حافظي على استفادتك بقى و متضيعهاش
انا : قرفانة
هى : من ايه
انا : من كل حاجة خدتها منها ، مبقتش عاوزة اى شئ من ريحتها
هى : تصدقي انك هبلة ، اشتمك دلوقتي ؟ انتى مش قلتى انك عيبك انك عاطفية ، جاه الوقت اللى تتخلصي فيه من عيبك ، بطلي تاخدى الامور بحساسية كده ، تنازلى عن عاطفة القرف منها و من حبها المشئوم ، تعاملي بشكل عملي و حافظي على الايجابيات اللى كسبتيها من المرحلة اللى كانت هى محشورة فيها بحياتك
انا (تنهيدة طويلة ): اه يا قلبي ، اتمنى
هى : عاوزة حاجة ؟
انا : يوم ما تبعدي متبعديش كتير عشان انا سريعة الضياع
هى : انتى اجمد من كده ، انتى اللى صنعتى الضياع نفسه
( ضحك )
انا : ماشي
هى : قولى الحمد لله ... اشتغلي ... اعملي خير ... اعملي كل شئ يخليكي مميزة و انسانة صالحة ... افتكري ربنا عشان مفاضلش غيره فى الدنيا بنت الكلب دى ... انجحى و النجاح بينسي ... انا بحبك ... اللهى تعتزل سميرة
( ضحك تاني بس من القلب المرة دى هههههه )
انا : ربنا يسهل لها .. الحمد لله ... هفتكر كلامك
سلام
.

و هكذا انتهت المكالمة
انا اسفة انى كدبت عليكم و قلت انها كانت مكالمة تلفون
معنديش اصدقاء قريبين منى كده
كان فيه بس الدنيا سرقتهم
لكن مفيش اقرب لى من نفسي و هى اللى كانت بتتكلم معايا فوق
عارفين انا كلمتها امتى او هى كلمتنى امتى ؟
هى كانت من يومين بتقلب في البلوج شافت حاجات عجيبة
شافت ان رشيدة صاحبتها الكويسة بقت لا تتحمل
بقت بتشتم
بقت بتغلط
بقى عندها اعداء
بقى عندها خسارات
...
ايه القرف ده ؟

.
انا مش كده

.
انا والله مش كده
انا الفترة اللى فاتت كنت خارج نطاق الخدمة فعلا
يوم ما كتبت عن اعدائي و شتمتهم
انا مش كده
الظروف ... العصبية ... الخساير ... الشيطان ... التهور
كل دى عوامل خلتنى اتغير و اتهور و ابقى مش انا
بس انا مش كده
و مش هبقى كده
مش هبقى وحشة كده
طظ فى الدنيا
طظ فى الخساير
طظ فى اللى بيكرهونى ... هم اللى خسرانين و هم اللى حسبوها غلط
طظ فى اى شئ يزعل
طظ فى الحب اللى يوجع القلب
طظ فى العواطف اللى بتدفعنى للتهور
طظ فى الماضي كله
بلا نيلة
انا هعيش
و هبقى انا
.
" انا.. زمان "

زمان كنت حاجة تانية
كنت عاطفية جدا
بحب من قلبي
باقصى درجة للاخلاص
طيبة الى المالاحدود
بيتضحك عليا عشرات المرات في اليوم
بس لاني بنت حلال و ربنا بيحبني مكنتش بخسر كتير
كان كل الناس حواليا
كنت عاملة زي المغناطيس اللى بيجذب الناس بجدعنته و طيبة قلبه و مواهبه المتعددة و معرفته الواسعة
كان قلبي و عقلي و وقتي فيه مكان لكل الدنيا ... لكل الناس
.
.
" انا ... من سنتين "
اتغيرت
مين مبيتغيرش ؟
كبرت اكتر و شفت اكتر
شبعت اكتر من الدنيا
زمان كان نفسي اعرف اكتر من اللى اعرفه و من سنتين زادت معرفتي حتى فاقت حدود عقلي و سني فتعبت
و زي ما طلعت السلم بسرعة نزلت بسرعة
يمكن لانى اصلا مزاجية و لا احتمل النجاح الدائم و السريع
و يمكن عشان عين الناس وحشة
و يمكن لان الزمن مبيسبش حد على حاله طالع السلم بدون مطبات
قلت جدعنتى
اتمزجت طيبتي بشوية ذكاء

.
" انا .... دلوقتي "
مش عارفة
انا حاجات كتير
او
انا ولا حاجة
كله ضاع
حاسة انى بتولد من جديد
كان هيحصل اجهاض بس ربنا رايد لي اعيش
اتولدت
بس لسه الاكسجين ضعيف
بحاول استوعب خساراتي
بحاول استثمر اللى فاضل
بكره ان يتحول الاستثمار الى استغلال
بحاول اتزن
بحاول ارجع زى الاول خالص رشيدة الطيبة ام قلب ابيض اللى واقفة مع كل الناس
رشيدة اللى مبتبطلش ضحك طول اليوم
رشيدة اللى بتحول كل شئ دمه تقيل بمنتهى السحر لشئ خفيف على القلب و لذيذ و يمكن احتماله و هضمه
انا نفسي مبقتش بهضم
الدنيا بقى طعمها وحش
عيبي انى مزاجية
مزاجي خرب بيتي
الدنيا قاسية
مفيش وقت نلعب معاها بمزاج
لو مجرنهاش من رقبتها و ربطناها و مشيناها على طريقتنا هتدوسنا و تاكلنا و ادى دقني لو خدنا منها حق ولا باطل
الحياة فى مصر مزبلة
موت من اول و جديد
.
" انا ... بكرة "
معلش
هستحمل كام سنة كمان
في اقرب فرصة هسيبها
عاوزة اعيش في بيئة تتحملني و اتحملها
بيئة تستغلني و استغلها اطيب و اجمل استغلال
بيئة تستفيد منى و ارتاح فيها
لازم اخرج من قوقعة الحياة هنا
ليه ؟
فيه ناس بتقول ليه ؟
انا سمعاكم
مش طمع او اضراب او عدم رضا بنعمة ربنا
ايوة ده الواقع
و لكن لازم اغيره بما يتلائم معي
انا متمردة
اعترف
ولازم اتكيف
هحاول استحملكم اكتر مما تتحملوني
و لكن ساعدوني على ان استفاد من تمردي و احارب كسلي
؟؟؟؟؟؟؟
محدش فاضي لحد
هى دى النتيجة
محدش قلبه على حد
هضطر اعتمد على نفسي حتى اجد من اعتمد عليه بنسبة 10 فى المية حتى
امري لله

.
" انا ... دلوقتي حالا "
هعيش ... و اطرطش طينة على الماضي
هنجح
هبقى احسن
هنسى
هتجاوز المطبات
هستثمر كل شئ فيا
هعيش
هبقى انا

مي ... بيس

فيه واحدة بتزور البلوج اسمها مي او بيس

البنت دى هتجننى

بتبعت تعليقات و شاكة انى مبنشرهاش

بس يبدو ان اللخبطة عندها هى لانها بتضع تعليقاتها على موضوع تحت و قديم

انا عاوزة اقولك يا مي

ان كل تعليقاتك وصلت واللينك اهو

ارحميني

https://www.blogger.com/comment.g?blogID=34242989&postID=116513369275159544

و النبي علقي على المواضيع اللى فوق عشان تعليقك ينور

الماروق ...... و انا

الليلة السابقة قابلت المخرج المتميز سعيد الماروق و جلست معه في مقابلة خفيفة بعيدة عن التساؤلات الصحفية لتكون دردشة عن لطيفة و السينما و الاحتكار و اشياء اخرى اهمها .... تخيلوا تكلم عن من
.......
عن حبيبتكم
.....
فاكرينها ؟
.....
الغالية
.......
الفاشلة الكبيرررررررررررة جدا
.

.
عانود معاليقي
.
انا مش هقولكم قال عنها ايه بس اثبت لى كلامه ان كل شئ قولته فى البوست اللى فات كان صح
و كلامه اصلا مينفعش احطه بالبلوج حتى لا تصاب عانود بجلطة فى المخ
و لكن يمكن التلخيص في انه بيحمد ربنا على انها سابته و سابها و هو الان بلا ادارة اعمال
هو ايضا اخبرني ان عانود كانت سببا في الايقاع بينه و بين لطيفة و سببا في عدم اكمال تعاونهما
مثلما اوقعت بيني ايضا و بين لطيفة
هنا يتضح لكم زواري الاعزاء كم الحقد و الشر الذي تملكه عانود لتفسد للطيفة علاقتها
هقول ايه بس ؟
ربنا يتولى لطيفة برحمته
و يستر على عباده من عانود البطة

.

كيف تكون فاشلاً !ا

كيف تكون فاشلاً !!!ا

____________

تجربة حية رافقت سبعة مشاهير و" جابت ضورفهم"ا

___________________________

.

.

للفشل مدارس و خطوات مدروسة يتبعها البعض بتفوق و حماس و يمارسها ولا يشعر بها الاخرون بينما يعيشون و رؤوسهم قابعة فى طين الشهرة و النجاح النسبي ، اخر النماذج الفاشلة التى قابلتها اذهلتنى بكل المقاييس .. هى امراة فى اوائل العقد الرابع من عمرها سخرت حياتها للفشل فقط و مارست حياتها مع فاشلين مثلها ، رافقتهم لاتفاق اتجاهها معهم او لتجعلهم مثلها

عانود معاليقى لبنانية كانت تتمنى العمل كمديرة اعمال ، تعشق الشهرة و المال و الاصدقاء و السهرات و تعشق ايضا البنات الجميلات ! ا

حققت امنيتها عندما عملت مع المطربة غريس ديب و كما يقولون بالعامية "جابت ضورفها" و اثبتت بجدارة انها تعشق الفشل و لكن غريس تسعى للشهرة و النجاح لذلك تركت عانود ، و لكن عانود لا تحب البطالة رغم انها مؤسسة منفردة لتشجيعها لذلك جاهدت مرارا و تكرارا حتى وافقت المطربة فلة الجزائرية كنوع من انواع المجاملة ان تصبح عانود مديرتها و رافقتها فى اكثر من خطوة فى مشوارها الفنى حتى تاكدت تماما من انها قامت بعملها على اكمل وجه و جعلت الناس تنسى فلة و عند تلك النقطة قررت عانود ان ترتقى مرتبة اكثر شرفا فى عالم ادارة الاعمال لتعمل مع المخرج سعيد الماروق و ثابرت كثيرا من اجل ان تجعله يحظى ببعض من بركة فشلها و لكن الماروق بعناده المشهور عنه انقذ نفسه و رفض ذلك و قرر الاحتفاظ بصداقتها فقط كنوع من انواع " جبر الخواطر" ا

و عند تلك المرحلة الحرجة اكتشفت عانود انها اهملت بعض اصدقاءها الذين قد يتقبلون بصدر رحب سعيها لافشالهم و لذلك رضيت المطربة ساندرا ان تكون عانود ممثلتها الاعلامية و بالطبع منذ ذلك اليوم ولا يعرف احد ان هناك مطربة اسمها ساندرا ، فانسحبت عانود فى هدوء من حياة ساندرا و لربما شعرت قليلا بفراغ و لذلك قررت عانود شغل فراغها القاتل بتدعيم سارة الهانى المطربة الجديدة التى يعتقد البعض انها ظهرت من اجل منافسة اصالة و لكن بكل اقتدار بمجرد دخول عانود فى قصة تدعيمها اذ سقطت سارة سقطة مدوية و اختفت اختفاء مقنع جعل عانود تاخد اجازة من نشاطها لفترة قصيرة لتعود بفشل كبير حققت فيه كل احلامها .

و كعادة سيدتنا المثابرة ان تبحث عن نجما اخر لتمارس معه هوايتها فالقت بظلها البدين على المطربة نورا رحال و قامت بالواجب معها فى صورة شديدة الهزلية و بعدما تاكدت نورا رحال من ان عودتها للغناء غير مجدية قررت ان تنصح عانود بالعمل مع مطربة ناجحة لن يؤثر فيها بركة عانود فأهدتها الى المطربة التونسية الكبيرة لطيفة و بالفعل بدأت عانود فى التقرب من لطيفة حتى اصبحت صديقتها و قدمت لها الكثير من المساعدات و التسهيلات خلال تواجدها ببيروت وقت الحرب كما وفرت لها منزلا بالضاحية الجنوبية و ساعدتها كثيرا وقت تحضير لطيفة لالبومها الجديد لتعود بعد غياب اكثر من ثلاث اعوام ، و مازالت عانود حتى تلك اللحظة ترافقها لتتأكد من اتمام مهمتها المقدسة بنجاح و التى يتضح نجاحها تلك الايام فى حجم مبيعات لطيفة الضعيف جدا الذى لم تصل له يوما اعمالها ..! مبروك لطيفة نهايتك الرسمية و الى الامام يا عانود .. مازال الطريق طويلا ...!ا


عاوز تشوفها ؟

اتفضل شوووووووف

rashida gifts 1

مبدأ حياتي الاول

" عامل ... تُعامل "

و بما باني اخذت لابد ان اعطي

و هنا ما اخذته هو زيارتكم لبلوجي لذا ساعطي لكل من يزورني و يهتم بي عطايا

اشياء مفيدة اتمنى ان تدر بالنفع عليكم انتم ايضا

العطية الاولى هى برنامج ترجمة ظريف لا يتعدى وزنه 365 كيلو بايت

يعنى حاجة صغيرة خالص

البرنامج بيترجم من الانجليزي لاربع لغات هى الفرنسية و الالمانية و الاسبانية و الايطالية

فقط اكتب الكلمة و سيترجمها فورا للاربعة لغات الاخرى

نزلوه من اللينك ده و متقولش عليك لعدوك

http://www.savefile.com/files/816491



; )


على فكرة صورة البرنامج فوق

في داهية .. الجزء الاول

زى ما كان اختياري لسميرة خاطئ كان اختياري لاصحابي من الفانز بتوعها خاطئ
صاحبت بعضهم
كلهم بعيوب تعقد
و لكنى تقبلت عيوب بعضهم و شربتها و راضية عنها بينما اخرون كنت اشك بهم وبمدى رضائي عن عيوبهم و اخرون كنت مازلت احاول الشعور بالرضا بعيوبهم
.
و بما ان سميرة راحت فكل اللى من ريحتها مايلزمنيش فعلا
...
انا مش من النوع اللي يبيع
بالعكس
انا صبورة جدا جدا
و بفضل محافظة على علاقاتي بالناس لاخر نفس
أكره خسارة الناس و العلاقات
بس فيه ناس معندهاش وعي باي كلام يترجم اهمية العلاقات الاجتماعية
ناس فاقدة الاحساس بالزمن
و فقدانهم الاحساس كان الفيصل دائما فى عدم استمرار علاقتهم بيا
...
منهم واحدة
اكبر منى شوية
مع ان فرق السن ميفرقش
هى .... مغربية

اعرفها منذ عامين و اكثر ... اقتربت مني كثيرا و نالت صداقتي دائما و ثقتي
عمرى ما قابلتها وجها لوجه
و لكنى كنت احاول ان اكون على مستوى الصداقة ... و لكنها لم تكن مثلي
...
مسكت عليها اكتر من موقف يثبت عدم اخلاصها و لكن ثقتي فيها و حبي لها كان شفيعا دائما
الشفيع ده دلوقتي مرمي ع الارض و فوقيه ميت جزمة
مبقاش فيه حاجة تخليني ابقى عليها تاني بعد الموقف الاخير
....
هحكيلكم بتلخيص و انتوا الحكم
.
.
هي مديرة نادى معين على الانترنت
و انا تم اهانتى و ظلمى فى النادى ده و كنت بعد انسحابي منه شعرت باتهامها لي بفعلة سيئة معينة
فطلبت منها ان ترسل للنادى و اعضاءه الكثيرين جملة دفاع على لساني
فرفضت
و بررت
بانه الافضل ان اشارك مرة اخرى بالنادى لادافع عن نفسي بنفسي
و رغم انه اكثر الاشياء كرها الى فى الدنيا هو عودتي لتلك الحظيرة المسماة بنادى الفنانة الفلانية
الا انى عدت بسبب تخاذلها الذي لم اكتشفه وقتها
....
عدت و تحاملت على نفسي
و ارسلت رسالة للاعضاء
...
فاذا بها تضعها تحت رقابة و تمنعها لمدة اسبوع حتى يتناسى الاعضاء كل شئ و تظل رسالتي بلا قيمة لانها تاخرت فى النشر او الوصول اليهم
و تأخرت انا فى الدفاع عن نفسي بسبب صديقة ( باردة ) ... ( انانية ) متوهمة بانها تفعل خيرا ... و تفعل الاصوب
و انا الان اقول لها
" لا خير ... يؤذي الناس "
" ولا صواب ... يحرم الناس حقوقهم و يسلبهم حرياتهم في التعبير "

فلتذهبي انت و صوابك و خيرك الموبوء

.

الى ارض اخرى تجدى فيها من يتحمل

.

سقطاتك ايتها الواعظة الفاشلة
......
على فكرة يا زوار بلوجي .... الحكاية العبيطة اللى فاتت مش سبب اخراجى لها من حياتي
بل الموضوع اكبر كثيرا
الموضوع يصل الى حدود الخيانة
خيانة الامانة
خيانة الثقة
خيانة الصداقة
...
يوم ما ارسلت رسالتي .... انسحبت من الحظيرة اقصد النادى
لذا لم اكن اعلم هل وصلت الرسالة للاعضاء ام لا
و لكنى تفاجئت بتليفون من احد اعضاء النادى و هو صديق
سألني لماذا ستقاضين فلان الفلاني ؟ و لماذا يصل الموضوع للقضاء و نحن اخوة و اصدقاء ؟
اخبرته بكل شئ و كنت فى نهاية المكالمة قد تذكرت انى لم اخبر احدا بموضوع مقاضاة فلان هذا الا برسالتي التي ارسلتها يومها فسالته بالحرف
" يااااه ؟ هى الرسالة وصلت بالسرعة دى ؟ و انت كمان قريتها ؟"
و انا اعلم انه غير مداوم على الانترنت اصلا
فكيف بعد ارسالي بساعات يتصل يناقشنى فى احد تفاصيل الرسالة
المهم
انتهت المشكلة الخاصة بالرسالة
و انتهت حكاية المقاضاة
و بعد تلك المكالمة بثلاثة اسابيع كاملة
بينما اهبط بقدمي اليسرى من ميكروباص حلوان امام كلية الشرطة
جالت بمخي فكرة غريبة
تساؤل عجيب
" كيف عرف صديقي فحوى الرسالة ، بينما من اسبوعين اتصل بي احد مديرين النادي ليطلب منى حذف بعض الجمل من الرسالة قبل تمريرها و نشرها ؟"
اذن الرسالة لم تنشر الا بعد اسبوع من ارسالها
فكيف عرف صديقي ما فيها يومها ؟؟؟؟
كيف ؟
الرسالة لم تصل
و لم يقراها الا الصديقة المغربية و مدير النادى الاخر الذي طلب منى تعديلها بعدها باسبوع ليسمح بنشرها
اذن من اخبر صديقي بفحوى الرسالة كان احد الشخصين
المغربية ام المدير الاخر؟
.......
المدير الاخر .... رجل ناضج ... سلوكه ينطق بالحق دائما .... من المستحيل ن يعادي او يظلم او يمنع حق احد عن احد
و من المستحيل ان يناقض خصوصيات شخص مع شخص اخر او ينقل اخبارا غير شرعية
....
اذن شككت بالمغربية صديقتي
....
و فور نزولي من الميكروباص جالت الافكار كالسيل بمخي تحليلاً لما حدث
و هاتفت فورا صديقي
لاسأله
و بمنتهى الحدة و الجدية

....
" يا فلان .... سأسألك سؤالا واحدا لا ارغب الا فى معرفة اجابته الحقيقية .... هل الصديقة المغربية هي من اخبرت الشخص الذي ساقاضيه بانى على نية لمقاضاته قبلما تنشر الرسالة و يعلم الجميع ؟؟؟؟"
كانت اجابته كما توقعتها تماما
قال : نعم ... هى ... اخبرته ... و هو اتصل بي لاتوسط لديك حتى لا تكبر المشاكل
اااااااااااااااااااااااااااااااااااااااااااااااااهاااااااااااااا
قول كده بقى يا احمد
يعني رانيا كلمت ابراهيم و قالت له : الحق ... رشيدة باعتة رسالة و احنا منعناها .... بس حبيت احذرك ... هي ناوية توديك فى داهية و تقاضيك عشان كزا كزا كزا و الرسالة فيها كزا كزا كزا .... حاول تتصرف و انا هعطل الرسالة على اد ما اقدر
.....
لن اعلق
.....
لكم انتم فقط التعليق ... و لي انا الله
......
تلك كانت صداقة !ا
.....
اتصلت دوليا و هى نادرا ما تفعل حتى تقول الجملة السابقة لشخص اعاديه انا ... و انا صديقتها
......
حسبي الله و نعم الوكيل
.....
اهديها عنوان مقالي

البراني عودتو لبلادو

البراني عودتو لبلادو

ده مثل مغربي

معناه ان مهما الواحد يروح بره بلده و بيته و يتغرب و يتغير هيرجع في يوم لاصله و مكانه الاولاني

مهما اتغير و اتطور هيرجع للمكان اللي بدأ منه

المثل ده افتكرته النهاردة و انا في مؤتمر صحفي في جراند حياة

اول ما دخلت انصدمت بوجه اعرفه جيدا ولا انساه ابدا

وجه استاذي العزيز و معلمي الفاضل و اول من ساعدني عمليا في تعلم الصحافة استاذي ممدوح الصغير

انا كنت زعلانة منه

او هو كان زعلان مني

يمكن بسبب انى عملت له مشكلة مع شركة روتانا بالموضوع اللي نزلته في جريدته

او يمكن لاسباب اخرى

و انا زعلانة منه لان عدد جريدته الاخير نزل من غير شغلي

ولانه معبرنيش ولا سال عني و لا حتي كلمني زي كل عدد يسالني عن رايي

قبل ما اروح المؤتمر كنت فاكراه باعني

و كنت بحاول استوعب فكرة فقداني لواحد علمني كتير كنت دايما بقول انى عمرى ما هتخلى عنه ولا عن شغله و لا عن جريدته حتى لو هشتغل معاه للابد ببلاش

فكرة انه باعني و مش عاوزني تاني او غضب عليا كانت فكرة لا احبذها

حاجة تحسسني بالحزن بجد

.

خليت قصته جزء من الماضي عشان مبقاش عندي وقت ولا جهد ينفع استغله في التفكير في اشياء محزنة

و لكن خطتي بجعله ماضي باءت بالفشل مجرد اني شفته النهاردة

مقدرتش اعمل حاجة غير انى اضحك و اسلم عليه و اقوله : بقى كده يا استاذي تبيعني الفترة دي و متعبرنيش ؟ ... كده تبيعني ؟

وجدته يضحك مؤنبا و معاتبا و معاقبا بتهذيب

و بعدها بدقائق اخترطنا في الشغل و كل شئ اتنسى

هههههههههههههههههههه دنيا عجيبة فعلا

اضحك من اعماقي

ربنا يخليك ليا يا استاذ ممدوح

و يقدرني على خدمتك بقدر الامكان قدر ما انت علمتني و دعمنتني و مازلت حتى الان

و مهما اختلفت الاراء حول صحافتك التي تنحرف صفارا احيانا الا اني اعشق مخك و طريقتك و تنظيمك العبثي و افخر بانك ثاني من علمني الصحافة

اخيرا ... سمر عبرتني

سمر دي صديقة قديمة ... وحاشة الدنيا فرقت بيننا

و الطناش و البخل و الكسل ساعدوا ع الفراق

اتعرفت عليها زمان فى احد الجرائد اللى كنا بنشتغل فيها و هى اضحك للدنيا

و لما قفلت اضحك روحنا اشتغلنا مع بعض فى جريدة عيون الليل ولما قفلت عيون كمان ههههههههه سمر راحت تشتغل فى وشوشة و انا اشتغلت فى الحادثة

و من يومها و فيه فراق

حاولت اجيبها معايا تشتغل فى المكتب بتاع الجريدة الكويتية اللى انا شغالة تبعها لكنها فشلت فى التحايل على صاحب المكتب النصاب اللى انا طالع عينى في تربيته يوميا

و من يومها متقابلناش

قابلتها من يومين على الياهو

و كان ما بيننا الحوار التالي

" على فكرة انا استئذنتها في نشره فى البلوج "

اهى فكرة جاتني و خلاص

معرفش ليه

يمكن لانى مش لاقية مساحة اعبر فيها ولا لاقية حد اكلمه اليومين دول

بقيت بهش دبان في حياتي

ببدأ من اول و جديد .... سمر من الناس اللى مينفعش ابيعهم مع الماضي لانها عمرها ما اذتنى و لا ضرتنى و عشان كده معنديش مانع احكي عنها فى مدونتش الشخصية

___________________________________________________

rashida711: اهلااااااااااااااا
rashida711: انتى فين يا حاجة
samar: موجودة انتى اللى فين
rashida711: عايشة
rashida711: بقيتى ندلة اوى و مبتساليش
samar: لا والله موبايلك كتير مقفول
rashida711: اه فعلا
rashida711: اكتئاب مزمن
rashida711: بقاله شهرين
samar: لية كدة
rashida711: اهو
rashida711: حال الدنيا
samar: مش اكتر منى والله
rashida711: ليه خير
rashida711: انا بشوف خالد فى عيون
samar: يابنتى انا ماليش علاقة بية
rashida711: يا بنتى الدنيا كلها كانت بتقول انه خطيبك
rashida711: كزا حد قاللى والله
samar: انا تعبت من الناس كلهم
rashida711: انتى كنتى بتمشي معاه و تعرفيه لزمايلنا على انه خطيبك
rashida711: سيبك من خالد
rashida711: ع العموم انتى ايه اخبارك ؟
samar: تمام
samar: انتى عاملة اية فى الددنيا
samar: انا عايشة ملل
rashida711: ههههههه
rashida711: اومال انا اعمل ايه
rashida711: قولى لى
rashida711: انتى شغالة فين الان ؟
samar: ,b pjn
rashida711: ايه
samar: مش فى اى حتة
rashida711: و وشوشة ؟
samar: لا سبتها
samar: بفكر اسيب الصحافة كلها
samar: قوليلى مالك انتى وسمير ة
samar: اية اللى حصل
rashida711: انتى عرفتى منين الاول ؟
samar: الموقع
rashida711: اااااااااه انتى بتتابعى بلوجي ؟
samar: طبعا
rashida711: طب كويس
rashida711: اومال مش بتعبرينى ولا بتسيبي اى تعليق ليه يا كسولة
samar: كسل
rashida711: الموضوع يا ستى ان حصل خلاف معاها و هى ظلمتنى و ناس شحنوها و فهموها غلط و تحاملوا عليا و اتفاجئت بيها بتتهمنى باتهام شنيع بتسريب اغانيها و قلبت على
الترابيزة و الموضوع كبر
rashida711: فقلت اقفل ملفها نهائيا
rashida711: يلعن ابو اللى يحبها
rashida711: هي بتبيع فى مزاد علني
rashida711: و انا اصلا غلطانة لانى كنت بحبها زيادة عن اللزوم
samar: والله مابقاش فية اخلاص
rashida711: و اللى بيزيد عن حده بيتقلب لضده و ده اللى حصل
rashida711: و الله انا عن نفسي مخلصة
samar: انتى
samar: بس مش الناس
rashida711: ما هو الواحد مبقاش يستنى حاجة من حد
samar: عادى بقة بس مين اللى قالك على حوار خالد
rashida711: يا بنتى ناس كتير والله
samar: زى مين
rashida711: في عيون و في وشوشة
rashida711: مفتكرش مين
rashida711: انا بنزل فى اليوم بيتقاللى ميت موضوع من الف حد
rashida711: متشغليش بالك
rashida711: محدش قال كلمة وحشة
rashida711: ده مجرد خبر
samar: يلا بلى نيلة
rashida711: انسي
rashida711: ممكن انشر الحوار بتاعنا ده فى بلوجي ؟
samar: هاتروحى سيتى ستارز
samar: ههههههههههه
rashida711: هههههههههه
samar: انشرى
rashida711: بجد
rashida711: اوك
rashida711: شكرا
rashida711: امتى ؟
rashida711: التلات ؟
samar: اة هاتروحى
rashida711: لا
rashida711: هروح فيلم نايل سيتي
rashida711: انا مش عاجبني عجميستا
rashida711: ميستحقش اضرب المشوار
samar: فيلم اية؟
rashida711: فى نايل سيتى فى نفس الوقت فيه افتتاح صباحو كدب
samar: بجد ؟مش عارفة هاشوف واتصل بيكى
samar: انا عايزة اعمل بلوج
rashida711: ما تعملي.. حد ماسك رجلك ؟
samar: مش عارفة اية اللى بيحصل بعد كدة مش بتتفتح
rashida711: ازاى يعنى
samar: مش ااعرف
samar: اوك انا بلعب جامز
samar: لو عايزانى رنيلى
samar: اوك
rashida711: طب ما تلعبي معايا
samar has signed back in. (09/06/2007 04:17 م)
rashida711: طيب انا هخلع انا و انتى بالهنا و الشفا
rashida711: سلاحف
samar: اوك سلام

اغيرها ولالا ؟

الصورة بتاعتى فى البلوج

اغيرها ولالا ؟

كل ما ابص لها افتكر مطربتنا الكبيرة

و انا مش عاوزة افتكرها

بس الصورة عجباني موت يخرب بيتها

لو الاقى حاجة شبهها بس متخصش مطربتكم الكبيرة يبقى مشكلتى اتحلت

بس بجد ايه رايكم اغيرها ولالا ؟

اللون البرتقالي كان .. يغريني

كنت زمان ليا ميول نحو التمرد السياسي

كانت ميول ضعيفة

كنت حاسة بغضب مكبوت على النظام و الحكومة و كل ما هو سائد

كان نفسي انضم لحزب الغد مع ايمن نور

بس كنت خايفة

و ليا حق اخاف

مبقاش فيه امان فى البلد دي

انا مش من النوع اللى بيفرط في نفسه

عشان كده فضلت انى افكر في نفسي و بس و اتجنب اي مساوئ فى البلد دي لغاية اقرب فرصة خلع من هنا

كل ما اعدى قصاد حزب الغد بحس بشفقة كبيرة عليهم بجد

ربنا يتولاهم كلهم

مبقاش فيهم نفس

و انا كمان اللون البرتقالي بتاع شعارهم لم يعد يغريني كما كان

هيدا حكي ؟

البوم نجوى نزل يا جدعان

يوم 6 يونيو

مش هقول غير اسمعوه

ده البوستر اهو هدية لكل اللى بيحبها

start again لف و ارجع من الاول تاني

صباح الفل على كل زواري و صحابي

القريبين مني عارفين اني بعيش أزمة الايام دي

و لعل اخر من علم كان صديقي علي عثمان اللى وجدته تارك لي رسالة اوفلاين بيطالبني انسى و ارجع لطبيعتي بسرعة و ترك لي عنوان موقع طلب مني ادخل عليه

شكرا يا علي

و فعلا الموقع عمل عليا تأثير حلو

شكرا بجد

عنوان الموقع اهو

http://positivepause.com/

صدقوني هيعمل فرق كبير مع اى حد يزوره و يركز فى هدوء

كل اللى بحاول اعمله الان انى اتجاوز اي خسائر مهما كانت كبيرة

انسى

و الف

و ارجع

و ابدا حياتي ... من اول و جديد

معلش مفيهاش حاجة

مش اول حد يفشل او يضيع عمره

و مش اول حد يختار غلط و يبني حياته غلط

و مش اول حد يتباع و يتشهر بيه

ولا اول حد يتشتم

عادي بقى

مبقتش حاجة بتفرق

انا لما كنت حاسة بظلم كنت بقول حسبي الله و نعم الوكيل

عمري ما تخيلت في يوم اني اقولها من قلبي زي ناس كانوا بيقولوا قصادي

بعدها كنت بتقبل اي مضاعفات لخسائري و كنت بقول لا حول ولا قوة الا بالله

و النهاردة هاني صاحبي قاللي و ابتسامته ما بين اذنيه

" الله جاب ... الله خد ... الله عليه العوض "

بتمنى فعلا ربنا يعوضني خير

و انا دلوقتي بقول

في ستين داهية كل اللي راح

و في ستين داهية كل اللي هيحصل

عمري ما هخسر خساير قد خسارتي الاولى

عمر ما هيأثر عليا حاجة من هنا و رايح

و في ستين داهية كل حاجة

فيه في حياتي حاجات اجمل

هبدأ ارتبها و اهتم بيها و انشغل بيها

الحمد لله

اوعوا تنسوا تزوروا الموقع اللى بعته علي

ميكروباص

عكس الحكومة و عكس بقية سواقين الدنيا انا أؤيد سائقي الميكروباص في مصر رغم تهورهم و تطاولهم في اشياء عدة

الا ان الطريق علمهم حكم حلوة ... حاول بعضهم يعلمها للركاب

و اخر واحد منهم واحد اسمه هشام بيشتغل على خط شارع البحر في الجيزة

ركبت من اسبوع الميكروباص بتاعه لقيت ستيكر جميل اوى ملزوق

طول الطريق فضلت افكر في الستيكر و اضحك عليه

سبحان الله

المفهومية دي تيجي من سواق حياته فاضية كده

الستيكر كان مكتوب عليه

" الصداقة مواقف و الندالة دروس "

شكرا لمخترع الحكمة

قصة و انتهت ...

كانت في حياتي

كانت حياتي

الحمد لله انها كانت

متستاهلش اكتب اسمها بايدي تاني

ما هي كانت

كانت حاجات كتير متستاهلش تكونها

بدأت افوق

ضيعت اكتر من سبع سنين فيها و بيها و معاها و عشانها

سبع سنين تبذير في فلوسي و ضياع لوقتي و سيطرة على مشاعري و تصرفاتي و اختياراتي و قرارتي و مقاييسي في الحياة

سبع سنين اجهاد عاطفي

سبع سنين استولت على قلبي و منعت مئات غيرها من مجرد مشاركتها

منها لله

لعن الله شهرتها

هعتبرها قصة و انتهت

ماضي

بس لقيت انى مش هلغي سبع سنين و بس من حياتي

ده انا بلغي حياتي بحالها

ربنا معايا في العشرين سنة الجاية

محدش بيتعلم ببلاش

الاسبوع ده بدأت رحلة علاج نفسي للتخلص من الاثار النفسية السيئة جدا التي تركتها لي بذكراها

لا اتمنى موتها

الموت راحة

ولا اتمناها لي ايضا
اتمنى ان اعيش و انضج اكثر و اكثر و اتعلم اكثر و اكثر و اعوض العشرون عاما الماضية من حياتي مع ناس

احسن منها

ما هى ... كانت

.

ملحوظة أخيرة : انا لا اكرهها و لكنى اشعر بالقرف من شدة حبي لها الذي اضرني .ا

عشان خاطر رانيا

البوست ده بكتبه عشان خاطر واحدة من صحابي و تهمني و لانها تهمني فرأيها له قيمة عندي و لا استطيع اهماله

البوست اللى فات لما كتبت فيه عن الكلاب اللي في حياتي وجدت تعليق من رانيا بتلومني و كان مختصر لومها عليي انى المفروض لو اختلفت مع حد مغلطش فيه

و لكن يا رانيا برغم عدم اتفاقي معاكى المرة دى لان الموقف مختلف و فوق اي مقياس الا انى عشان خاطرك بكتب البوست ده حالا

انا لم اختلف مع هؤلاء الكلاب

خطأي يتلخص في اني وثقت فيهم بشكل من الاشكال و جعلتهم اصدقائي و ضمن قائمة اهتماماتي و لكنهم خانوا ثقتي و باعوني بدون مبرر مقنع و طبيعي

اكتشفت انهم مختلين عقليا و تصرفهم تجاوز الحد الطبيعي للعلاقات الاجتماعية المحترمة

انا ذُهلت

فعلا مذهولة من كل حد منهم

يا ريتهم مثلا زي الكلاب اللي في القائمة الاولى ... القائمة الاولى اللى فيها عمرهم ما كانوا صحابي

لكن المصيبة يا رانيا ان القائمة التانية كانوا صحابي

و عشان كده رد الفل لازم يكون مختلف

و برغم انى طول عمري محترمة و لا استخدم الالفاظ لسب الناس او الرد عليهم

الا انى فعلا المرة دي مقدرتش موصفهمش بالكلاب

بعتذر على الملأ على كتابتي للبوست ده و انا متأثرة عاطفيا

و لكنى لن امسحه ... لاني لن اكتب غيره

شكرا يا رانيا ... بتمنى انك تكوني غيرتي فكرتك

black list ( part 2 )

اكتشفت ان فيه كلاب كتير في حياتي كنت بعاملهم على انهم بني ادمين

انا بعتذر عن استخدام كلمة كلب كقصد لاهانتهم و مع اعتذاري العظيم للكلب الوفي اللى هم معرفوش حتى يتشبهوا بيه

و مع انى مستخسرة فيهم الاهانة كمان

لان الاهانة دى للناس اللى بتحس

لكن بما انى كتبت البوست يبقى لازم اكمله للاخر مع اعتذارى مرة اخرى للكلاب و النقطة المشتركة الوحيدة بين الاشخاص الذين اكتب عنهم و الكلاب هي صفة النجاسة

فالكلب نجس لانه لا يعرف النظافة او لان الله انعم عليه بسكنة الشيطان له

و لكن من اكتب عنهم تتصف امخاخهم و قلوبهم بالنجاسة

فهم اناس لا يعرفون الا الغيرة و الحقد و النفسنة و النفاق و السذاجة المفعمة بالغباء الاجتماعي

ممثلين فاشلين

الحمد لله انى متفرجتش على المسرحية لنهايتها و الحمد لله على الخسارة حتى الان

.

.

الاسامي اللي هكتبها الان انا بضعها لصنع فضيحة فقط

لانها اقل ما يجب فعله الان بعدما تم التشهير باسمى ظلما او خطئا

.

دي اسماء بحب اعلن انها تمثل الجزء الثاني لاعدائي البشر

الجزء الثانى للقائمة السوداء التى كتبتها من شهور

هتلاقوها بنفس العنوان برضه بتاع البوست ده

.

اعدائي .... من باعوني ... من خسروني

ابراهيم اسلام " الجبان الضعيف الكيكة " من القاهرة

نسيم " الاهوج " من المغرب

عمر الوفي " الفارغ " من الجزائر

محمد امين " العيل " من المغرب

على العاشق " الغير متزن " من سوريا

طارق " المريض عقليا " من المغرب

.

.

و انا هنا و بمنتهى الجرأة و البجاحة اللى باعونى بيها بعلن عن انهم اعدائي الي يوم الدين و لن يجمعني بهم اي خير ابدا ابدا

اعلن عن رغبتى القوية و الصادقة في عدم الالتقاء بهم مرة اخرى فى ميادين الحياة ... و لا حتى في خيالي

و بشكر الموقف و الست اللى كانت سبب اكتشافي لنجاسة قلوبهم

بشكرهم على الخروج السريع باقل خسائر

يالا في داهية

اه و نسيت اقول انهم طلعوا امتداد للاشخاص اللي في الاجزاء الاول من القائمة السوداء

" مرة واحد بيقول لواحد : ايه الفرق بين الكلب الابيض و الكلب الاسود ، فرد عليه التانى و قاله : اهو كلهم كلاب ولاد كلاب "

احتاج مراسلين خارج مصر

انا ببحث عن مراسلين من خارج مصر من اى دولة
مراسلين فنيين فقط
لو فيه اى زميل حابب يتعاون معى يا ريت يترك لى تعليق هنا او يراسلنى
اعمل بجريدة تحتاج مراسلين
و كافة التسهيلات متوفرة
فى انتظاركم

اتصلح

البلوج اتصلح يا جدعان الحمد لله
شوفوا البوست اللى تحت ده و انتظروا الجديد

دروس فى الصحافة للمبتدئين 2

ساتابع معكم الحلقة الثانية من دروسى للمبتدئين فى الصحافة

_______

.

-1-
لما تحضر مؤتمر صحفى او ندوة عن فيلم جديد او افتتاحه او عرضه الخاص كن حريصا على فعل الاتى اولا : اثناء كلام اصحاب الندوة روح اقف جنب اى سماعة كبيرة و حط المسجل بتاعك عشان لو سرحت يبقى كل الاحداث معاك بالصوت لما ترجعثانيا : جهز على الاقل 3 اسئلة لكل نجم حاضر و تجهزهم و انت بتسمع الندوة و بعد ما تخلص فى الزحمة تسالهم و بكده تعمل تقرير هايل فيه حوارات قصيرة مع نجوم ممكن متعرفش تاخد منهم معاد فيما بعدثالثا : تكون معاك مصور عشان لو فيه فرصة انك تلزق لاى نجم و تتصور معاه صورة تقدر تنشرها مع تقريرك مما يزيد من حجم مصداقيته بالاضافة لان صورك مع المشاهير تعتبر تدعيما لارشيفك و اثباتا انك صحفى فنى شاطر تشتم رائحة الحدث و تتابع ابطاله و تشاركهمرابعا : لو معرفتش تجهز اسئلة عشان تسالها للنجم قبل مغادرته افتح تسجيلك و الزقه عند دقن النجمة و سيب كل زمايلك يسالوا و انت افضل سجل و لما تروح اختار ما يفيدك و عدل على صيغته حتى لا تكون مقتبسا لسؤال زميلك تماماخامسا : اخر شئ تفكر فيه فى الندوات و المؤتمرات هى انك تاخد نمرة نجم كبير ... ابحث عن المخرجين .. المؤلفين .. المنتجين .. ارقامهم لن تستطيع ان تجدها مع كل زمايلك بالاضافة الى انهم اشد احتراما و اهتماما بالصحافة عن النجوم

.

-2-
لما تحضر حفلة غنائية لمطرب معين ركز على حاجتين و انت بتتفرج عليه الاولى خطوته على المسرح و راقب رجله اذا كانت متوترة و لالأ و ثانى شئ عينه .. شوفها بتبص على فين و ليه ؟ و اخيرا بص على جمهوره بيعمل ايه و بيقول ايه و انسى تماما انك تعرف تقابله فى الكواليس ... فرصتك عند دخوله فقط و ان كنت مصر على مقابلته انتظره عند سيارته بالخارج و بالنسبة للانتظار عند السيارة توجد نصيحة اخرى و هى ان افضل مكان للالتصاق به انتظارا هو الكشافات الامامية على الجانبين ... لا تقف امام باب السيارة و الا سيتم الاطاحة بك من قبل حراسه و حظ سعيد

.

-3-
اذا حضرت مؤتمرا صحفيا به نجم كبير و قالوا لك ان معاده الساعة خمسة اعرف انه هيبدا الساعة سبعة لان النجوم الكبار بيتدلعوا و خلال الساعتين دول مشى حالك مع النجوم الحاضرين فى حوارات قصيرة و تقارير و رصد للكواليس

.

-4-
مش اى معلومة يقولها لك زميل عن معاد حفل او عرض او ندوة بتطلع صح عشان كده متنشرش المعلومة الا لما تيجى لك من اكتر من مصدر عشان متتورطش فى انك بتتوه زمايلك و بتقول معلومات غلط

.

-5-
حاول بقدر الامكان انك تكسب زمايلك من كل مكان فى الصحافة فى مصر و ابعت لهم رسايل على الموبايل تقولهم على الاحداث العامة زى العروض الخاصة و المؤتمرات و الحفلات لان هتلاقيهم فى يوم بيردوا لك الجمايل دي و يساعدوك فى مواعيد شغل جماعي كتير و تذكر دائما ان شغلتنا دى المبدأ الأصدق فيها هو" عامل تُعامل "ا

عطل

البلوج فيه عطل يا جدعان
اعذروني و انتظروني

مش مشكلتى انك غبى

مش مشكلتى انك غبي

------------------

.

.

عشت على موروثات كل من حولي يؤكدها فى مصر و هى ان اغبى الشعوب فى العالم هو الشعب الخليجي
و اقتنعت مبدأيا بكده بعد حكاوى ناس كتير تثبت غباء و فشل الخليجيين فى كل شئ الا امتلاك الثروات و النفوذ الوهمي
و لكن ما ان اشتركت فى الجروبات على النت و قابلت بعض الخليجيين الكويسين او اللى ممكن ييجى منهم وجدت ان فعلا لكل قاعدة شواذ
و انا بعترف فى مدونتى دى بكل صراحة انى قابلت شخصين عندى بالخليج كله
جاسم من الكويت و بثينة من قطر
شخصيات يفخر بيها الخليج ، يتمتعون بذكاء نادر وجوده فى بلادهم و مش هقعد امدح فيهم و لكنهم غيروا فكرتى عن الخليجيين
الشق التانى بقى من موضوعى ده هو موقف طريف جدا حصل من اسبوع بعد هجوم حصل عليا بطريق الخطأ من مجموعة من الاشخاص على الانترنت توقف عقلهم عن النمو عند نقطة معينة و كان من ضمنهم شخص اماراتى اسمه عمر بن محمد
ملخص القصة انه فى يوم من خمس اشهر دخلت المسنجر بتاع الياهو بتاعى فلقيت اوفلاين كتير رسايل من الصحاب
واحد منهم كان من صديق و يعمل مهندس كمبيوتر و اعرفه كويس و كان باعت لينك و جنبه لغة غريبة قد تكون ارمنية
ففتحت اللينك فعلا و للاسف مجرد ما فتحته اذ اصاب جهازى فيروس مكير سيطر على كل اعدادات الشبكة
بدءا من المسنجر حتى برامج التصفح
و للاسف الاثر كان سلبى جدا على المسنجر لانه اللينك ده كان بيبعت نفسه تلقائيا من عندى لكل الاشخاص فى قائمتى دون ادنى تدخل منى
و بالتالى بعضهم كان بيفتحه و يصاب بنفس المشكلة و لما اكتشفت انا كده سالت عن حل اولا للمشكلة فنصحونى ان الحل الوحيد انى اسطب الوندوز من اول و جديد و مستحيل اى برنامج حماية يخلصنى من الفيروس الارمنى الرخم ده
فبعتت فورا رسالة اوفلاين لكل قائمتى احذرهم من فتح اللينك او اى لينك ييجى منى و اعتذرت لهم و بعتت كمان رسالة لكل الجروبس اللى مشتركة بيها احذرهم عشان ميقعوش فى نفس المشكلة

.
و من يومها و انا بفتح المسنجر قليل لانى كسولة و معنديش وقت انزل الوندوز و لكن من اسبوع فقط قررت انضف جهازى بقى و ارحم نفسى و ارحم صحابى المحرومين من طلتى على المسنجر و فعلا بعد ما نضفت جهازى دخلت المسنجر فبعتت رسالة للكل بقولهم زغرطوا لى عشان نضفت المسنجر و مبقاش يفتح فيروسات ولا يبعت تانى و فى تهذيب كعادتى اعتذرت مرة اخرى عن ازعاجهم او ايذائهم غير المقصود خلال الشهور السابقة

و انتهت القصة على كده

.

و لكن الاغبياء لا يمر عليهم القصص العادية الا بصنعهم لفتوى و موسوعات من الهات و الخد و اللف و الدوران و التحليل الايدولوجى المخروم فى دماغهم هههههه و عشان كده الاخ صاحبنا الاماراتى حلف انه يشغل باله و بال صحابى بام الهبل اللى فى نافوخه

و فعلا ....

بعت رسالة للجروب اللى بيجمعنا و اتهمنى انى بحاول اؤذيه من زمان و انى شخصية كدابة ههههههههه و انى حاقدة و خايسة ههههههه اموت و اعرف يعنى ايه الاخيرة دى

و قال ايه هههههههههههههههههه بصوا بقى الحتة دى

قال انا جاسوسة

هههههههههههههههههههههههههه

ده هو اللى جاموسة عشان يفكر فى كده ههههههههههه

والله شكلى هكمل بقية الموضوع ضحك

يا لشدة سخرية القدر

و قال ان اللينكات اللى كانت بتوصل منى حس من زمان انها وراها شئ كبير و شئ خطير عشان كده بنصاحته الغير عادية قرر انه ميفتحهاش

و قال كمان انه اثبات على كلامه هو اعتذارى فى رسالة المسنجر بان اللينكات كان فيها برنامج يدمر الجهاز

عاوزة اصقف للشخص ده بجد اوى اوى اوى و اجيب فرقة كمان تعزف له حصب الله السابع عشر

عاوزة اصقف له على موقفه الضعيف و مخه الضعيف و اسلوبه الضعيف و قلبه الضعيف

عاوزة اصقف له على اوهامه و اكاذيب فكره المعتم و بحييه من كل قلبى لان غباءه افادنى فى تلات اشياء

اولا - الكل فهم على الملأ مين الغبى

ثانيا - رجع يأكد لى فكرتى عن الغباء الُمقحل المسيطر على عقول الاماراتيين .... فعلا امخاخ كاوتش محروق

ثالثا - و الافادة الكبرى فى ان لسه فيه حد بالغباء ده عايش وسطنا و تواجده فى حد ذاته هو الافادة لانه بتواجده جعل تصنيفات للناس و لكن لو مكانش متواجد مكانش الاذكياء او على الاقل الطبيعيين عرفوا يظهروا و يتميزوا

بجد احييك لانك اثبتت لى ان الشعب المصرى عبقرى مقارنة بالعظايا اللى باراضيك

ربنا يخليك ليهم يا حبيبى و تتربى فى كُتل غبائهم

ربنا ما يحرمك من تميزك

اه صحيح كمان

عاوزة ابعت لكم صورته و هو صغير ههههههههه يمكن تستدلوا بشئ من ملامحه

اهى

http://img255.imageshack.us/img255/9664/omarchadiub9.jpg

black list ( part 1 )

خلال الفترة اللى فاتت و خلال مجتمعى المصغر فى الفان كلوب الخاص بفنانة كبيرة اكتشفت فى موقف بسيط مين العدو و مين الحبيب و بما انه كله انكشفن و بان على رأى كارككتر مسرحى فحبيت اسجل للتاريخ اسم 9 شخصيات بيكرهونى معرفتش غيرهم

احمد حمدى

كريم فؤاد

على الكشفوطى

هند

نجلا الليبية

مصطفى مودن

نانيس حمدى

سامر نجيب

عمر محمد

تحياتى للقابعون فى الطين و الغباء جاثم فوق انفاسهم

أنوشكا ترقص فى ساقية الصاوى رقصتها الخاصة

أنوشكا ترقص فى ساقية الصاوى رقصتها الخاصة

ـــــــــــــــــــــــــــــــــــــــــــــــــــــــــــــــــــــــــــــ
.
انوشكا واحدة من أرقى المطربات المصريات فى أناقتها و حضورها و اختياراتها الغنائية و حفلاتها ايضا و هو ما اثبتته بشدة فى حفلها الاخير يوم 18 نوفمبر فى ساقية عبد المنعم الصاوي بالزمالك - القاهرة ، كانت كل تفصيلة على المسرح تنطق بالرُقي الذى يغلف انوشكا و اغنياتها لذلك عادت بعد غياب اكثر من خمسة اشهر على اخر حفل لها لتغني مجموعة من افضل اغانيها طوال مشوارها فبدأت الحفل بالاغانى الكلاسيكية و هى تجلس على كرسى طويل فى جانب المسرح المظلم و قام مخرج الحفل بتركيز نقطة ضوء عليها هى و عازفة البيانو التى صاحبت كلاسيكية انوشكا بنغمات هادئة من يد محترفة ، بعد انتهاء الجزء الكلاسيكي قامت انوشكا و نظرت للحضور و ابتسمت و قالت لهم : انا بحبكم اوى ، اهلا بيكم من تانى و اتمنى انكم تبقوا مبسوطين معايا الليلة . ثم اشارت بيدها لعازف الدرامز ليتحول المسرح من الجو الكلاسيكى الى مدينة ملاهي بطلها الاول كان انوشكا و الثانى عازف الدرامز و الثالث عازف القانون و الرابع عازف الطبلة البلدى الذى شارك انوشكا الرقص على خشبة المسرح و هى يرتدى زيه الشعبى (الجلباب) معلقا الطبلة على رقبته بحزام فبدا هو و انوشكا كثنائى رائع يرقص و يغنى و يضرب الطبل فى جو اشعل الحاضرين حماسا و سعادة بانوشكا و رقصها الراقى على انغام اغانيها الشرقية فتأكد الجميع من اداءها الراقص انها تصنع رقصات خاصة لاغانيها لترقص عليها وحدها دون ابتذال او تقليد لاخرون فى زى راقي مثل صوتها الرقيق .

.
غنت يا ليلى بالفرنسية و لم تغنها بالعربية و غنت نفسى اكون و علامة و ملاح اسكندرانى و بلاد طيبة و لمحونى و وينك و قابلت كتير و عشقاك و اغانى اخرى و لكنها بعدما اشعلت المسرح بحضورها القوى و رقتها و رُقيها هدأت فجأة و تكلمت فى شجن موجهة كلامها لوالدتها التى كانت تجلس بثانى صف تتابعها فى صمت فقالت لها انها ستغنى لها و للجمهور اغنية أرمنية لن يفهمها احد الا والدتها و لكنها عن فضل الام و اهدتها لامها و ختمت بها الحفل .

.
حضر الحفل كل اعضاء النادى الرسمى الخاص بها على الانترنت بادارة دينا يعقوب و تواجدهم جعل للحفلة حضور متنوع بسبب ان اغلبية الجمهور كان فى سن متقدم و لكن ما اسعد انوشكا ليلتها ليس حضور محبيها و التفافهم حولها فى الكواليس فقط بل حضور بعض المشاهير المعجبين بها هم و اسرهم مثل الممثل محمود حميدة الذى كان يعانى من كسر بذراعه و مع ذلك تحمل الامه ليستطيع الحضور كما حضر الفنان احمد سلامة و زوجته و الممثلة عايدة عبد العزيز و زوجها و اخرون . غادرت انوشكا بعد انتهاء الحفل بساعة تقريبا بعدما رحبت بكل من زاروها بغرفتها بالكواليس و قامت بتبديل ملابسها لتغادر لبيتها بسيارتها البى ام دبليو و لكن قبل مغادرتها سالتها عن سبب اختفاءها عن الساحة و اخبار البومها الجديد فصرحت بانها مازالت تحضر بتأنى لان اختياراتها صعبة و البحث عما يناسبها يرهقها و اكدت انها عندما تجد نفسها مستعدة للعودة بالبوم قوى ستقوم بانتاجه فورا و وعدتنا الا تطول غيابها فسألناها عما ستفعله بعد الحفل فاجابت عنها مديرة النادى الرسمى الخاص بها و قالت ان انوشكا لديها عادة غريبة لا تغيرها بعد اقامة الحفلات و هى الذهاب لحلبة الخيل و ركوبه فى ثانى يوم بعد الحفلة و بعدها تعود لتنام يومين ثم تعاود الرجوع لحياتها .

تفاصيل افتتاح مهرجان القاهرة السينمائى الدولى 30

تفاصيل مهرجان القاهرة السينمائى الدولى 30

ــــــــــــــــــــــــــــــــــــــــــــــــــــــــــــــــــــــ
كواليس المهرجان و جميلاته

ــــــــــــــــــــــــــــــــــــــ
و

ــــ
سقطات حفل الافتتاح و خلله رغم التجهيزات التى تبشر

ــــــــــــــــــــــــــــــــــــــــــــــــــــــــــــــــــــــــــــــــــ

بالنجاح

ــــــــــــ
.

.
كان يوم 28 نوفمبر يوم غير عادي فى مدينة القاهرة حيث سهرت الناس لمشاهدة الصواريخ الضوئية و الاحتفالات التى تشهدها الشوارع المحيطة بدار الاوبرا المصرية احتفالاً ببدء الدورة الثلاثون من مهرجان القاهرة السينمائي الدولي الذى كان يحضره و يشهد حفل افتتاحه جميع نجوم مصر و بعض نجوم العالم العربي و الاوروبي بالاضافة لعشرات القنوات الفضائية و مئات الصحفيين من الوطن العربى لتغطية فعالياته و احداث حفل التكريم الذى بدأ فى تمام الساعة السادسة و النصف مساءاً من نفس اليوم .
.
افتتح المهرجان وزير الثقافة المصرى الفنان فاروق حسني و لكن بعدما تم عرض فيلم تسجيلي بعنوان " 30 سنة مهرجان " للمخرجة ايناس الدغيدي ليستعرض فى 15 دقيقة تاريخ مهرجان القاهرة على مدى 30 عاما و حتى يكون للضيوف بمثابة بانوراما سريعة و شاملة عن اهم الاحداث و الفعاليات التى مرت بالمهرجان على مدار تسع و عشرون دورة سابقة .

بعد عرض الفيلم تم رفع الستار ليظهر مسرح ديكوره يشبه الى حد كبير مسرح مهرجان كان الفرنسى و ظهر الفنان المصرى العالمى عمر الشريف الرئيس الشرفى للمهرجان ليقدم الفنان عزت ابو عوف رئيس المهرجان و فاروق حسنى وزير الثقافة الذى أعلن افتتاح الدورة الثلاثين للمهرجان و لكن عندما دخل عمر الشريف الى المسرح رحب بضيوفه اولا باللغة العربية و الانجليزية و تكلم عن اختياره كرئيس شرفى للمهرجان قائلا فى مرح : " انا لما اختارونى كرئيس شرفى الناس بقت تسالنى يعنى ايه رئيس شرفى و بيعمل ايه " فضحك و اكمل كلامه " مبيعملش حاجة " .فضجت القاعة بضحكات الحاضرين فاكمل الشريف كلامه قائلا
"هم بيختاروا واحد فنان مبيحبش يتعب نفسه اوى و يقولوا له تعالى رئيس شرفى للمهرجان ، بس انا بفتخر طبعا بانى ابقى رئيس شرفى للمهرجان لانى بين بلدى و عيلتى و اخواتى "

بعد انتهاء كلمة الفنان عمر الشريف قام بتقديم الفنان عزت ابو عوف الذى عبر عن خوفه عندما اختاروه كرئيس للمهرجان موضحا انه حاول ان يبذل جهدا مختلفا عمن قبله فى رئاسة المهرجان و تابع كل التفاصيل عن قرب حتى يوم الافتتاح
كلمة رئيس المهرجان "عزت ابو عوف"
لم يعد هناك شك فى الدور السياسي والانسانى والاجتماعي الذى أصبحت السينما على أن تلعبه.
وليس هناك شك أيضاً فى قدرة السينما على وضع أى موضوع أو أى مشكلة فى بؤرة الضوء العالمى .. وأن تجعل من هذا الموضوع أو تلك المشكلة الأهم والأخطر فى نظر الميديا والرأي العام.
لذلك أصبحت المهرجانات العالمية ساحة صراع حقيقية لتبادل الأفكار وتواجهها وتبادل وجهات النظر حولها ... من خلال أكثر من زاوية رؤيا تأتينا من أكثر من منطقة على الخارطة.
وهنا تقع نقطة الارتكاز التى يقوم عليها مهرجاننا السينمائي فى فتح صفحة سينمائية كبيرة وجديدة .. أمام الجماهير يعرض فيها المشاكل التى يمر بها العالم ووجهات النظر حولها !
حلبه فنية تتصارع فيها الأفكار .. تتجاذب وتتواجد ... وتعرض نفسها أمام ملايين الأعين المتعطشة للمعرفة ، والرغبة فى أن تشكل جبهة فكرية إنسانية تواجه بها كل ما يتعرض له العالم من خلال السينما .. من مشكلات وأزمات وحلول .
وهنا يكمن الدور الحقيقي لمهرجان القاهرة السينمائي الدولي .
و بعد انتهاءه من كلمته
قدم هو الاخر وزير الثقافة الذى القى بكلمة قصيرة عن افتتاح المهرجان ثم اعاد المايك الى عزت ابو عوف مرة اخرى ليقد م المقدمان الحقيقيان للمهرجان كلا من محمد عادل امام و يسرا اللوزى اللذين يقدمان مراسم حفل الافتتاح باللغتين العربية و الانجليزية و بدأت مراسم الافتتاح بثلاث لجان تحكيمية .

.
- اللجنة الاولى هى لجنة التحكيم الدولية لافلام الديجيتال الطويلة برئاسة المخرج داوود عبد السيد الذى صعد للمسرح لتحية الحاضرين و معه اعضاء اللجنة التى تتألف من الممثلة ماريا بياتريس (فرنسا) و الممثلة هند صبرى (تونس) و الكاتب السينمائى خورخيه جريكا إتشباريه (اسبانيا) و الناقد نيل نورمان (انجلترا) .اما اللجنة الثانية فهى لجنة تحكيم مسابقة الافلام العربية برئاسة الفنان دريد لحام الذى صعد للمسرح هو الاخر و معه اعضاء اللجنة التى تتألف من الممثلة الهام شاهين (مصر) و الممثل محمود قابيل (مصر) و المخرجة فريدة بن اليزيد ( المغرب) و المخرج رشيد مشهراوى (فلسطين). و اخيرا صعدت الى المسرح لجنة التحكيم الدولية للمسابقة الرسمية برئاسة المخرج لويس بويترو (الارجنتين) و معه اعضاء اللجنة التى تتألف من الممثل خالد النبوى (مصر) و المخرجة كاملة ابو ذكرى (مصر) و الممثلة ميريان ميزيريه (فرنسا) و الممثلة الينا زاخاروفا (روسيا)و المخرج ميكلوس سزينتار (المجر) و المخرج أسد فولادكار (لبنان) و الناقدة ديبور ايانج ( امريكا ).
.
- بعد فقرة تقديم لجان التحكيم جاءت الفقرة الاساسية بحفل الافتتاح التى كان ينتظرها المئات من الحاضرين و هى فقرة التكريمات فقدم محمد امام و يسرا اللوزى الفنانين المصرين الذين كرمهم المهرجان هذا العام بدءا من مدير التصوير سعيد الشيمى الى الموسيقار عمر خيرت الذى دخل المسرح بمصاحبة احدى القطع الموسيقية التى ألفها فضجت القاعة بالتصفيق الحار فى حماس يستحقه صاحب تلك الموسيقى ثم دخلت المسرح الفنانة يسرا بمصاحبة اغنيتها خلى الناس تحب ، ثم الفنان محمود عبد العزيز الذى دخل مبتسما بمصاحبة موسيقى تتر مسلسل رأفت الهجان و هو يحضن الجمهور فى الهواء و يقذف بقبلاته للمصفقين و هو يرتدى نظارة سوداء فكان أكثر المكرمين حصداً للترحيب و التصفيق و التصفير المستمر لمدة تزيد عن أربع دقائق ثم تسلم كل المكرمين درع المهرجان من وزير الثقافة و رئيس المهرجان .
.
بعدها أتى الدور على الفنانين الاجانب الذين كرمهم المهرجان و هم المخرج الارجنتينى لويس بويترو و النجمة البريطانية جاكلين بيسيه و النجم الامريكى من اصل افريقى دانى جلوفر و النجم الفرنسى شارل ازنافور و النجمة اللامعة ميا مايسترو باعتبارها من اشهر نجمات امريكا اللاتينية و تم تكريمها فقط كضيفة شرف على المهرجان ، بعد تكريم النجوم الاجانب اعلنا مقدما الحفل عن استراحة قصيرة بعدها تم عرض فيلم تسجيلى بعنوان " نجيب محفوظ .. ترنيمة حب " من اخراج سميحة النعيمى و تم عرض الفيلم فى اطار تكريم الاديب المصرى الراحل نجيب محفوظ . و اخيرا تم عرض فيلم الافتتاح و هو فيلم برازيلى بعنوان " إبنى فرانسيسكو " من اخراج برينو سيلفيرا و بطولة انجيلو انطونيو و ديراباييس و مارسيو كيلينج و تدور احداثه "باختصار" حول رجل بسيط و فقير يعشق الموسيقى و يحلم ان يرى ابناءه نجوما فى عالم الموسيقى و من اجل ذلك الحلم يبذل كل ما فى وسعه و الجدير بالذكر ان ذلك الفيلم هو اهم و افضل فيلم برازيلى خلال 25 عاما سابقة .




كواليـــس المهرجـــان

ــــــــــــــــــــــــــــــــــــ
خلال الاستراحة بين حفل التكريم و الافتتاح و عرض الفيلمين كانت تتلخص كواليس اليوم بأكمله خلال اقل من ساعة تناثر فيها نجوم العالم العربى على السجادة الحمراء داخل و خارج المسرح الكبير بالاوبرا حيث كان الافتتاح و خلال تلك الفترة ظهرت العشرات من كاميرات القنوات الفضائية التى حاصرت الكثير من النجوم لدرجة ان بعضهن انتظروا فى شبه طابور ليصوروا مع المذيعة الفلانية بالقناة الفلانية و لكن الانفراد بالبث المباشر كان فقط للمذيعة المصرية اللامعة سهير شلبى التى بثت فعاليات المهرجان مباشرة للتلفزيون المصرى و حرصت اغلب نجمات المهرجان ان يظهرن بجانبها و امام الكاميرا المصاحبة لها فكانت اسعدهن حظا ليلى علوى التى صورت معها ما يزيد عن 20 دقيقة التف خلالها الصحفيين حولها فى تأفف بمثابة رسالة واضحة لسهير ان تستكفى بليلى و تصور مع غيرها و تتركها لعشرات يريدون كلمتها عن المهرجان و لكن سهير أبت ان تتركها قبل ان تحدثها عن المهرجان و غير المهرجان و بعدها قامت بعمل مقابلات كثيرة مع عدد كبير من النجوم الحاضرين ، كان كل النجوم بالصالة الخاصة بالمسرح الكبير واقفين فقط للاعلان الاعلامى عن تواجدهم و للحديث مع الصحافة و المذيعات حتى تنتهى الاستراحة و يدخلوا لمشاهدة فيلم الافتتاح بينما كان هناك نوعان اخران من الحاضرين أبوا (رفضوا) التواجد بذلك الشكل فكان النوع الاول هو نوع المغادرين حيث بادر البعض بعد حفل الافتتاح بالهروب السريع الذى فشل بسبب الزحام الشديد مثل المطربة ايمى و الممثلة هالة صدقى التى غادرت مع ايمى بسيارتها و الممثل تامر هجرس الذى حاول ان يمثل فيلما اخر بكواليس المهرجان حيث اخذ دور البطل و كان يجسد شخصية بودى جارد يحمى ظهر يسرا من الوحوش حسب نظرته لهم الا و هم الصحافة والاعلام و حاول تخليصها من الناس فامسك بخصرها و اخذ بدفعها فى الزحام و هو يلوح للناس كى تترك لها مسارا تمشى فيه حتى الباب الخاص بصالة قاعة المسرح الكبير .بينما غادر ايضا الممثل مصطفى فهمى بصحبة بعض اصدقائه و النجم محمود عبد العزيز الذى ما ان لمحه الناس خارج قاعة المسرح هجموا عليه و لكنه كان معه ولديه اللمثلين الناشئين اللذان فرحا بتعاطف الناس مع محمود فور ظهوره و لكنه كان مجهداً و لم يخلع نظارته السوداء الى ان غادر المكان ، و لكن النوع الثانى من الحاضرين كان نوع المتأخرين او كما قال احد افراد الامن متهكما " جاءوا بعد الهنا بسنة " لانهم ظهروا بعد انتهاء حفل التكريم و كانوا كثيرين امثال نبيلة عبيد و رزان مغربى التى أتت على عجلة و ذهبت على عجلة و كأنها حضرت فى مهمة رسمية تقتضى ظهور مدير اعمالها الغير ودود معها حيث قام بتطفيش كل من حاول التحاور معها لينفروا من حولها بالنهاية بينما كان حضور اللبنانية مروى بمثابة مفاجأة للكثيرين حيث لم يرحب بها المصريات كثيرا .


جميلات المهرجان

ــــــــــــــــــــــــــــــــــ
اى مهرجان بالعالم يكون فرصة لاى جميلة كى تظهر بشكل سلبى او ايجابى لكى يلتقط تفاصيل جمالها عيون العالم اجمع و الذكية هى التى تستغل تواجدها فى المهرجان لتدعم شهرتها بطلة أنيقة و ازياء جذابة و حضور قوى يسحب البساط من تحت اقدام نجمات اخريات و هو ما كان الحفل عليه بالنسبة لاكبر اربع نجمات بمصر و هن نبيلة عبيد و نادية الجندى و يسرا و ليلى علوى ، اولهن كانت نبيلة عبيد التى بالرغم من ظهورها المتأخر و لكن كانت اول خطوة لها تطأها على طرف السجادة الحمراء بمثابة صفارة لبدء عرض ازياء كانت بطلته الاولى نبيلة بالفورير الابيض الذى اجترته وراء كعبها الطويل و خطوتها الرشيقة التى لم يعطلها عنها سنها الكبير بل بدت كامراة ناضجة بالثلاثين من عمرها و اثبتت ذلك بضحكاتها و تحيتها المرحة للجمهور على جانبى المدخل الطويل الى المسرح بينما دخلت نادية الجندى فى هدوء و ابتسامة مفتعلة و خرجت ايضا كما دخلت و لم يهتم الكثيرين بتفاصيل زيها او حضورها بعدما تفاجئوا ان شعرها يخفى ثلاث ارباع ملامح وجهها مما لم يساعد الكثيرين على التعرف عليها فور دخولها . اما بالنسبة للنجمة يسرا و هى اكبر نجمة تم تكريمها بالحفل فكانت الاكثر تألقا و اجتذابا للناس بسبب فستانها الرائع الذى برع فى تصميمه المصمم المصرى هانى البحيرى و لكن انطفأ نجم يسرا فور ظهور ليلى علوى التى لهث وراءها الكثيرين تاركين يسرا لتحاول استيعاب سبب هروب الصحافة فتواجد ليلى علوى فاجأ الجميع لانها ظهرت اخف وزناً من قبل ب 40 كيلو مما كان سببا فى تحديق المصورين بها و طلبهم لها فى خجل ان تبتسم حتى لا تظهر تهدلات جلد وجهها بالصورة بعدما فقدت ذلك الوزن الكبير و ظلت ليلى علوى هى اجمل نجمة بالحفل بعد مغادرة نبيلة و نادية و تراجع يسرا هى و البودى جارد الذى سبق ذكره .
و لكن جمال ليلى لم يمنع الاخريات من التظاهر و التواجد فظهرت الممثلة ايمان سركسيان و الممثلة روجينا التى احبها كل الحاضرين للطفها و هدوءها فى حديثها هى و زوجها الممثل خالد زكى و غادة عبد الرازق هى و زوجها وليد التابعى و مادلين طبر و رانده البحيرى و اختها رانيا البحيرى رغم ان كلا منهما جاءت على حدا مع اصدقاءها بالاضافة لالهام شاهين و اخوها امير شاهين و دلال عبد العزيز التى جاءت واحدها دون سمير غانم او ابنتها دنيا و المخرجة ايناس الدغيدى و لقاء الخميسى و ميرفت امين الذى بدا تجاهل الصحافة لها واضحا بسبب اسلوبها الثقيل فى التعامل و ردودها الجافة التى تفتقد للتواضع و لا تتناسب مع جو مهرجا ن يحضره العشرات فى نفس حجمها و مشوارها و من جيلها بل و اشهر منها ، كما حضر ايضا كلا من لوسى و جالا فهمى و نهلة عبد العزيز ، و لكن حضور كل تلك الجميلات لم يمنع الممثلين الرجال من التفاف الصحافة حولهم و اهتمام الحاضرين بهم حيث اجتذبت اناقة خالد ابو النجا و لباقته الكثير من سيدات الحفل اللاتى قضين وقتهن حوله فى مزاح بعيدا عن الصحافة و الاعلام كما حضر خالد زكى و محمود قابيل و المذيع جمال الشاعر و الكثير و الكثير من النجوم .

.
- اخيرا .. لا نستطيع ان نتجاهل النجمة الاكثر اناقة من المكرمين الاجانب الا و هى البريطانية جاكلين بيسيه التى بدت روحها خفيفة و مرحة طوال فترة الحفل فألقت بالنكات على المسرح عند تكريمها و ظهرت فى ثوب متواضع بينما ثوبها الحقيقى اثبت نجوميتها فى اطار ايضا متواضع و خفيف و نترككم مع الصور لتصف لكم اكثر من كلامنا ما هو المعنى الحقيقى لجميلات المهرجان .
.
.
ما بعد حفل الافتتاح

ـــــــــــــــــــــــــــــــــ
بعد انتهاء حفل الافتتاح الساعة العاشرة الا ربع توجه كل نجوم الحفل الى حفل اخر بقصر محمد على على شرف الوزير فاروق حسنى ، بدأ الحفل الثانى الساعة العاشرة و غنا فيه المطرب الفرنسى العالمى شارل ازنافور و بعدها تم تقديم العشاء لكل ضيوف المهرجان .
.
.
.
حول المهرجان

ــــــــــــــــــــــــــ
يشمل المهرجان كعادته مجموعة من المسابقات حول انواع عدة من الافلام بتصنيفات مختلفة و تقدم لكم ستارز كافيه تقريرا وافيا عن كل المسابقات الخاصة بمهرجان القاهرة السينمائى الدورة رقم ثلاثون
.
اولا مسابقة الافلام العربية لافضل فيلم عربى لعام 2006 و الجائزة عبارة عن مائة الف جنيه مصرى مقدمة من وزارة الثقافة و تمنح للمنتج و مشترك بالمسابقة احدى عشر فيلما
1- فيلم بركات اخراج جميلة صحراوى (الجزائر)
2- فيلم قص و لزق اخراج هالة خليل (مصر)
3- فيلم استغماية اخراج عماد البهات (مصر)
4- فيلم مافيش غير كده بطولة النجمة نبيلة عبيد و اخراج الد الحجر (مصر)
5- فيلم اخر الدنيا اخراج امير رمسيس (مصر)
6- فيلم اشواك القلب اخراج هشام عيوش ( المغرب )
7- فيلم البوم اخراج خالد الزدجالى ( عمان )
8- فيلم كيف الحال اخراج إيسيدور مسلم (السعودية)
9- فيلم التلفزة جاية اخراج منصف ذويب (تونس)
10- فيلم بين الوديان اخراج خالد البرصاوى ( تونس)
11- فيلم حنين اخراج محمد الطريفى ( الامارات العربية المتحدة )
.
.
ثانيا المسابقة الدولية و يشارك فيها ثمانى عشر فيلما من انحاء العالم بعضها افلام تشترك ايضا بالمسابقة العربية
.
1- السرعة تنتج السهو من اخراج مارسيلو ستشايثيس - الأرجنتين
2- زوزو إنجل من اخراج سيرجيو ريزيندى - البرازيل
3- واجب وطنى من اخراج جيف رينفيرو - كندا / أمريكا
4- مارتا مارتا من اخراج نوفاكوفا - التشيك
5- قص ولزق من اخراج هالة خليل - مصر
6- استغماية من اخراج عماد البهات - مصر
7- مافيش غير كده من اخراج خالد الحجر - مصر
8- "مولن" العظيم من اخراج جان – دانيل فيرهاج - فرنسا
9- اليوم الثامن فى الأسبوع من اخراج جوديت اليك- المجر
10- أومكارا من اخراج فيشال بهاردواج - الهند
11- فى مكان ما بعيد جداً من اخراج خوسرو ماسومى - إيران
12- اسمي "سالومى" من اخراج كلاوديو سيستيرى- ايطاليا
13- الحياة الحصينة من اخراج رامون سرفانتس - المكسيك
14- النظرة الأخيرة من اخراج باتريثيا أريجا- المكسيك
15- الطريق من اخراج زانج جياروي- الصين
16- رافال .. رافال من اخراج أنتونى فير داجير - أسبانيا
17- سنكارا من اخراج براسانا جايكودى- سريلانكا
18- قمر على الجليد من اخراج بيلار أوجيتا- سويسرا
.
.
.
.
ثالثا و هى اهم مسابقة هذا العام لانها تقام لاول مرة ضمن فعاليات المهرجان السينمائى و هى المسابقة الدولية لافلام الديجيتال الروائية الطويلة فى عامى 2005/2006
و يمنح فيها جائزتين الذهبية قدرها عشرة الاف دولار امريكى و الفضية قدرها ستة الاف دولار امريكى و تمنح الجائزة مناصفة بين المنتج و المخرج و يشارك بتلك المسابقة عشرة افلام من انحاء العالم
.
1- من قتل اللاما الأبيض من اخراج رودريجو بيلوت - بوليفيا
2- رابيا أوسكار من اخراج كارديناس نافارو - تشيلي
3- ايثاكي من اخراج إبراهيم البطوط - مصر
4- سونيا من اخراج كيرسي ماري ليماتاينين - فنلندا
5- كابرى التى تحبها من اخراج ألكسندر أوبرسد - ألمانيا
6- تحت نفس القمر من اخراج كارلو لوجليو- يطاليا
7- أعرف أنه كان عندى عنواناً أفضل ولكنى نسيته من اخراج أربين آى. كاستراتى - كوسوفو
8- الموجة البيضاء من اخراج محمد على بالمجبود - المغرب
9- القيادة فى بلد "زيجزى" من اخراج نيكول باليفيان - فلسطين/أمريكا
10- كل شيء من اخراج ريتشارد هاوكينس- بريطانيا
.
.
.
.
.
النجوم الاجانب

ــــــــــــــــــــــــــــــــ
" ضيوف شرف المهرجان "

ــــــــــــــــــــــــــــــــــــــــــــــــــ
.
- عازف البيانو راؤول دى بلاسيو من الارجنتين
- الممثلة مانويللا اركورى من ايطاليا
- الممثلة كاترينا فيرتوفا من ايطاليا
- الممثلة السمراء جابرييل يونيون من امريكا
- الممثل سيرجى مايتو من اسبانيا
- الممثلة ميا مايسترو من الارجنتين
الممثلة مارتينا جوسمان من الارجنتين
الممثل نيكولاس مايتو من الارجنتين
النجمة مايا ويل ديل مونت من المكسيك
الممثلة ميلانيا اربينا من امريكا
الممثل سيزار باديللو من امريكا
الممثلة ماريا بياتريس
الممثلة الينا زاخاروفا من روسيا
الممثلة ميريام ميزيير من المكسيك
.
.
.
سقطات حفل الافتتاح

ــــــــــــــــــــــــــــــــــــ
كعادة مهرجان القاهرة السينمائى فالاخطاء كالخاتم الذى انحبس باصبعه و ظهر ذلك خلال خلل اكثر من موقف حدث فى حفل الافتتاح بداية من التناثر الامنى على البوابات و اختفاء اى عنصر امنى داخل بلكونات المسرح و قاعته مما كان سببا فى فوضى كبيرة و هرج و مرج من بعض الضيوف لدرجة ان اصوات التليفونات المحمولة التى رنت خلال الحفل كانت اكثر من عدد الحاضرين الذين تجرأ بعضهم على ازعاج البقية بصوتهم العالى فى الرد على الهاتف وسط تكريم النجوم و تركيز الحضور .
- اما ثانى اكبر خطأ فادح بحفل التكريم و حق المهرجان كان اختيار الممثل محمد عادل امام ابن النجم عادل امام ليقدم الضيوف و المكرمين فجاء اختياره نابعا من "واسطة " و ليس عن استحقاق و هو ما اثبته محمد فى اسلوب تقديمه البارد و افتقاده للحضور فى اداءه و ضعف القاءه المفتقد لادنى انواع فن التقديم الخاص بالمهرجانات فجعل الحاضرين يشعرون انهم فى حصة أملاء بمدرسة ابتدائية نظرا لجمود ملامحه و اسلوبه الخشن الجاف فى نطق الاسماء التى بدا كأنه مجبر على نطقها بينما تألقت المقدمة يسرا اللوزى باتقانها للغة الانجليزية و روحها الحماسية المصاحبة لنبرات صوتها الجميلة فى ترجمة تقديم محمد عادل امام .
- اما ثالث سقطة بالمهرجان كانت بمثابة صدمة الى الكثيرين من الحضور الذين لاحظ و بشدة افتقاد النجمة ميا مايسترو لاى نوع من انواع الذوقيات العامة فكان دخولها هجوميا مستهينا بتصفيق الحضور فقاطعتهم باتجاهها الحاد نحو المنصة لتأخذ الميكرفون و تتكلم عن ظروف زيارتها للقاهرة و حضورها و تكريمها كضيفة شرف و بعدما انتهت من كلمتها وقفت مكانها تنظر لوزير الثقافة فنظر هو الاخر لها فو صمت تعدى النصف دقيقة و عندما وجدها لم تتحرك لتأخذ جائزتها و تسلم على الواقفين على المسرح تنازل فى ابتسامة باهتة و اخذ الجايزة و ذهب بها اليها عند المنصة و اعطاها لها و مد يده ليصافحها فتأخرت فى مصافحته فكان اسلوبها عبارة عن علامات و اضحة للاستهزاء بنجوم المهرجان و من كانوا بجانبها على المسرح كأنها تقول بوجه صريح
" جائزتكم و تكريمكم لا يعنى لى شئ ، انما زيارتى لبلادكم تكريما لكم "
فحصدت العشرات من نظرات الاستهجان و النقد القاسى بينما كان مفترض ان تدخل اولا لتصافح الواقفين على المسرح كما فعل من قبلها ثم تصافح الوزير و تأخذ الجائزة و اخيرا توجه كلمة على المنصة و ما فعلته كان العكس بالاضافة لغرورها و موقفها مع الوزير .
.
بالنهاية ليس بايدينا المقاييس الحقيقية للحكم على المهرجان بالفشل او النجاح و لكننا نرصد الاحداث لنعرف العالم العربى تفاصيل مهرجان مازال اصحابه يعبثون او يجتهدون سعيا وراء لفت انظار العالم لتواجدهم و نجاحهم و رؤيتهم المختلفة لفن التمثيل و هو مابدا واضحا خلال العشرة سنوات الفارطة .
.

إصطدت نبيلة عبيد فى الحمام 2

لمن لم يقرأ الجزء الاول من القصة اضغط

هــــنا

هنرجع نحكى بقية تفاصيل قصتنا عن اصطياد نبيلة عبيد
ذهبت يوم 2 ديسمبر للفندق الذى سيعرض به الفيلم و سيقام به المؤتمر الصحفى
تاخرت دقائق
دخلت اجرى ابحث عن مقعد
حاولت الاستمتاع باكبر قدر ممكن
رايت ان القاعة ممتلئة على غير عادتها
فسالت من بجوارى
" هو فيه حد من الفيلم هنا "
فرد بان كل ابطال الفيلم جالسين فى المقدمة
ففهمت بالتالى اذن ان نبيلة موجودة
قلت فى بالى
" هييييييييييه "
الفيلم اسمه مفيش غير كده
و اللى عاوز يعرف قصته يبقى يطلبها منى
فيلم استعراضى جدا جدا
الاستعراض فيه عامل زى الاعلانات فى التلفزيون المصرى
المهم
من الاحداث شعرت انه متبقى 3 دقائق على الانتهاء فقط
فتركت مقعدى لاتوجه لمؤخرة القاعة حتى عندما يتم اضاءة الانوار فاكون اول صاروخ يتجه اليها هههههه
توجهت لاخر القاعة بينما الفيلم مازال شغال و الدنيا ظالمة كالكحل
وجدت بنتين واقفين فى الظلام و ظهرهم لحائط القاعة
وقفت بجانبهم
بعد دقيقة
اضيئت الانوار
نظرت امامى لابحث بعينى عن نبيلة
فوجدت ناس كثيرة تجرى من كل الاتجاهات نحوى
رباااااااه
ماذا فعلت
! يا للصدمة
نبيلة كانت تقف بجانبى
هههههههه
انها فرصة العمر
شتمت نفسى فى بالى لانى لم اتعرف عليها بالظلام و زعلت لانه فاتنى دقيقة معها محادثة فردية بالظلام
كان بجانبها نجمة صغيرة اسمها اروى
تركت اروى و التصقت بذراع نبيلة بأوهو
من منكم لا يعرف الاوهو ؟
اقوى صمغ بالعالم
لم اتركها
الحرس التف مع امن القاعة و لم اتركها
ظللت بجانبها و ورائها لمدة تزيد عن ثلاث ساعات فى ذلك اليوم
ظللت بجانبها لا املك الحروف
لا اعرف ماذ اقول
هل اتعامل كمعجبة ام كصحافة
يا الله
من حيرتى صمتت تماما
ظللت فقط بجانبها
كنت اتركها ليصوروا معها للقنوات الفضائية و اعود لانحشر بجانبها فى الزحام
لم اتكلم معها و لم ارغب و لكنها كانت تنظر لى كثيرا و لربما تعجبا من التصاقى بها و لربما من رغبتها فى السؤال لماذا التصق بها و لم اتعامل معها كالصحافة مع ان البادج المعلق برقبتى كان يقول انى صحافة
لم اتركها لدهشتها و لكن هناك من قاموا بانتشالها من الدهشة
المئات كانوا يلتفون حولها
صحافة و فضائيات
و اخرين لتوفير الحماية لها
و مع ذلك الكل دفعها بالزحام
كانت يومها تبدو لطيفة كعادتها
تضحك ضحكتها الشهيرة و لكن بدون نفس
تبتسم و لكن ابتسامه باهتة
اخيرا اخفت عينها بالنظارة
شعرت انها بالفعل حزينة
حزينة من اجل الفيلم
حزينة بسبب الجمهور الذى اختفى
الكل يلتف بها ليسالها عن فشل الفيم و ليس ليبارك لها
و من يبارك فهو فقط من باب المجاملة لينال نظرة اهتمام منها حين يحاورها وسط الزحام
كنت اراقب و انا ملتصقة بها كالأوهو
كنت استمتع برفقتها و لكنى حزينة من اجلها
بدت كالتائهة
و اخيراااااااااااااااااااا
سالت ممثل بجانبها هو فين الحمام ؟
فاشار اليها
فقام ثلاثة من حرسها بايجاد مسار لها حتى الحمام و انا وراءها
وجدت كل المئات الذين يبحثون عنها توقفوا عند باب الحمام و تركوها تدخل فقط
ذُهلت و رفعت حاجبى فى حيرة فوجدت الرد عند لوحة صغيرة على باب الحمام مكتوب عليها
for women
نياهاهاهاهاهاهاهاهاها
طبعا دخلت وراها
مكانش فيه كائن حى جوه غيرى معاها
وجدتها تفتح شنطتها و تنسق شعرها
حادثتها قليلا و شعرت بالحزن فى صوتها اكثر
اخذت رقمها و اتفقت معها على محاورتها
وجدتها لطيفة ... جميلة .... نجمة ... و لكنها ضعيفة
مصادر الضعف متعددة
و لكن ما يهمنى نظرة الضعف التى تقتنع هى بها
و ساعرف حينما احاورها
و لكن الملخص من قصتى
انى من بعد عناء فى محاربة الزحام و تشتت نظرات و افكار نبيلة و ردودها البطيئة القليلة الهامسة
بعد كل ذلك
وقفت معها وحدها احادثها و اواسيها و ابارك لها و اراقبها وحدى مع المرآة
و فين ؟
فى الحمام
- تمت -

صورة لنبيلة من حفل الافتتاح

http://img179.imageshack.us/img179/3006/nnyc9.jpg

إصطدت نبيلة عبيد فى الحمام 1

دايما صحابى عارفين عنى انى محبش الفكر الملوث و لكنى اشجع عليه بشكل غير مباشر
و ده اللى انا عملته فيكم كلكم يا اللى قريتوا العنوان و بتقروا دلوقتى كلامى عشان تفهموا و تشبعوا فضولكم
كلكم لما قريتوا العنوان اتجه مخكم لمعنى معين و لكن اللى يعرفنى منكم شخصيا اكيد كان عنده شك كبير فى مصداقية عنوانى
طيب ... عموما ... الشرح كالاتى
المفروض انى كصحفية فنية انى الفترة دى بتابع و اغطى فعاليات مهرجان القاهرة السينمائى رقم 30
و معروف ان المهرجان بنعرف نشوف فيه احنا كصحافة كل المشاهير تقريبا
و ده اللى حصل يوم الافتتاح 28 نوفمبر
و لكم من الاعداد المهولة للنجوم لم يكن الوقت كافيا لان احادثهم جميعهم او اسجل رايهم عن افلامهم المشاركة بالمهرجان
و لكن من المعروف عنى عشقى الغير طبيعى لنبيلة عبيد
ست غريبة اوى
ليها تأثير كبير جدا عليا
بحبها معرفش ليه
بس شايفاها علطول بشكل محدش مقتنع بيه غيرى
و مع ذلك بموت فيها
انا شفتها يوم افتتاح المهرجان بس كانت الدنيا زحمة و الوضع صعب وصفه بالكتابة
و لكن لاسهل عليكم عملية التخيل يمكننى اعلامكم بانى اذا حبيت استدير و انا واقفة بمكانى فعلى الاحتكاك باكثر من 15 شخص
ده لو بس حبيت الف و انا فى مكانى
متخيلين التكدسات البشرية الراقية ؟
كل البشر فن او صحافة او تلفزيون
و كلهم بيدفعوا فى بعض من اجل عدة رغبات
- الهروب من الصحافة -
- الجرى وراء نجمة قبل مغادرتها -
- رغبة قناة فضائية فى التصوير معها قبل قناة اخرى -
او رغبات اخرى
و حينما كنت اتابع عملى وسط الزحام و المنافسة الباردة بين كل مئات الصحفيين على كيفية التعامل مع النجوم الحاضرين
بينما كنت احاور احداهن .... التفت 3 سنتى متر ناحية اليمين لارى نبيلة عبيد على بعد متر منى و يفصلنى عنها جبال من البشر
و لو كنت تركت النجمة التى اقف امامها لاذهب لنبيلة ما كنت لحقت بنبيلة و لا كنت عدت لاجد الاولى
و ذلك لشدة الزحام التى تجعل من على بعد متر عنك غير منال
لذلك قلت فى بالى
" اكيد هى مش هتمشى دلوقتى ... لما اخلص مع اللى فى ايدى دى و اروح ادور عليها "
انتهيت من النجمة الاولى فمشيت ثلاث خطوات لاجد نجم اخر فحادثته و ما ان انتهيت حتى لمحت نبيلة مرة اخرى فى مكان اخر
فانحشرت كالفأر " المستهبل" و دفعت الناس بلطف حتى لا ادوس على طرف فستان او اكسر كوية بدلة
و مع ذلك مجرد وصلى للنقطة التى رايتها فيها اختفت
نظرت حولى و قفزت قليلا لاعلى كى ابحث
و لا حياة لمن تنادى
و انا واقفة فى حيرة و شبه غضب وجدت يدا تتحسس كتفى و صوت يخرج من صاحبتها قائلا : هاى
فاستدرت لاجدها مطربة اعرفها جيدا و فرحت جدا لانها وسط كل البشر دول تعرفت على و منحتنى تلك الهاى مع انها يجرى وراءها عشرات دون ان ترد عليهم بتلك الهاى
فقلت فى بالى
" طب كويس و الله ... طلعت بيتمر فيها اهو "
فيما معناه انى ساعدتها يوما باكثر من وسيلة
و مجرد اهتمامها بى وسط الاف الحاضرين من فن و اعلام و صحافة فذلك يعنى تقديرها لمساعدتى القديمة و تدعيمى لها
فظللت بجانبها فترة نتحادث و نضحك على بعض الحاضرين
و انا احادثها لمحت ظل شعر نبيلة عبيد
و مجرد ان استدرت وجدتها و يفصل بينى و بينها 3 اجساد فقط
فاستاذنت و جريت
فاختفت نبيلة
الى اين ... لا ادرى
الزحام كالوحش الهوائى الذى ياكل الناس دون اكتشافك او اكتشافهم لانهم اصبحوا طُعم الوحش عن طريق اخفاءهم
قاسى ذلك الزحام
وجدت نفسى ازداد حيرة
لقد حادثت العشرات و اكتفيت الان بالتقرير الذى جهزته
اين نبيلة ؟
قررت ان اصعد 5 درجات على سلم فى نفس المكان حتى ارى من اعلى
مجرد ما صعدت رايتها على بعد 11 متر هههههههههههه
على بال ما اوصل لها تكون هى روحت نامت
هههههههه
فقدت الامل مرة اخرى
نزلت ابحث عن اصدقائى الصحفيين فوجدت كل منهم مشغول بالرغى مع مشاهير اخرين
فقررت ابحث عن اصدقائى من المصورين
لم اجد احد
اين ذهبوا ؟
كنت انحشر مرة اخرى كالفأر و لكم مش المستهبل بل القرفان المرة دى
و احاول فى الزحام ان اجد ن اعرفه
فضغطت على طرف فستان امراة
فاذا بمراسل تلفزيون جانبى شهق و قاللى بهمس
دى نادية الجندى
طبعا شيلت رجلى من الفزعة بس
و مع ذلك هى تناولت الامر بهدوء
استدارت فى برود لتسحب ذيلها من تحت قدمى دون ان تنظر لى
فصرفت نظر تماما عن ان احادثها بعدما ضغطت على ذيل فستانها
و لكنى قلت ببالى
" ما تشيلى ديلك فوق ايدك يا اختى .... منتيش شايفة الزحمة ؟ ولا ايه "
ناس بتتدلع
بعد ذلك الموقف كنت تعبت فقررت اخرج من المسرح الكبير
فخرجت وجدت مسرحا اكبر من حجم الناس
وجدت الكثيرين ممن لم اجدهم بالداخل فاستعدت نشاطى الى حد ما و تناولت جهاز تسجيلى و توجهت اليهن الواحدة تلو الاخرى لادعم تقريرى بكلمات من مشاهير اخرين عن افتتاح المهرجان و حفل التكريم
و بعدما انتهيت تقريبا و اكتفيت وجدت بجانبى زميلى فوقفنا نتحادث لانه كان ينتظر زوجته و هى معنا بنفس المهنة
بينما نتحادث وجدت نبيلة عبيد تدخل القاعة
اااااااااااااه
" سيبنى يا ناصر "
" من الصبح مش عارفة اكلمها "
و لكن صراخى لم يجعله يفلت شنطة ورقى التى كنا نتجاذبها
كنت سالقيها له و اجرى وراء نبيلة و لكنى تذكرت ان دخول الحمام مش زى خروجه
و ان مجرد رغبتى فى العودة لقاعة المسرح اذن فعلى ان ابرز الدعوة الخاصة بالدخول و الدعوة بداخل الشنطة
فترجانى ناصر ان انتظر معه زوجته و قاللى
" سيبك من نبيلة دلوقتى ... بكرة نشوفها كتير "
فسالته فى لهفة يشوبها قلق
" فيه مؤتمر صحفى للفيلم بتاعها ؟ "
فاجابنى بالموافقة
فاطمئنيت قليلا الى ان الفرصة لم تضيع
و بصراحة كسلت ادخل ادور عليها تانى وسط الملايين اللى جوه
شعرت بارهاق
فاخذت شنطتى و استاذنت لاغادر دون حتى ان اصافح اى من اصدقائى الحاضرين
و من يوم الافتتاح حتى مساء اليوم و انا كل ما يشغل بالى هو الا يفوتنى عرض فيلمها و مؤتمرها الصحفى
و اليوم جاءت الفرصة
و بصراحة كانت ذهبية جدا جدا جدا
هحكيلكم فى جزء تانى عشان ايدى تعبت
ههههههههههه

بتدخن ليه يا بنى ادم

بتدخن ليه يا بنى ادم

ــــــــــــــــــــــــــــــــ

بستغرب اوى من البشر اللى بيدخنوا دول

هم بيعملوا كده ليه ؟

ليه بيروح الغبى منهم يدفع 7 جنيه و نص فى علبة سجاير مكتوب عليها بخط يقرأه الاعمى

" التدخين يسبب الوفاة "

ايه حالة الاستهبال اللى بقت الناس فيها دى ؟

و الله ساعات بقعد افكر بينى و بين نفسى ، هو اللى بيدخن بيدخن ليه

طب ايه هو التدخين ؟

واحد ماسك ورقة فيها تراب و مولع طرف الورقة و شغال بيشفط هوا و يطلعه تانى فى الهوا

ايه الهبل ده

الناس بقت هبلة كده ليه بجد ؟

انا لما بقول على اللى بيدخن اهبل بلاقيه بشكل تلقائى بيدافع عن نفسه

اللى يقول : ده مزاج

و اللى يقول : ماهيش فارقة

و اللى يقول : انا اتعودت

و اللى يهز راسه او دقنه فى بلاهة بدون رد

لازم يدافع لانه معندوش وقت يفكر بوعى فى حجم خطأه

و فيه مثل يقول" حجة البليد مسح الدكة "

و حجج المدخنين هبلة زى افعالهم و لكنهم اولا و اخيرا مخطئون

اى حد مش مدخن و بيقرا البلوج بتاعى دلوقتى يتخيل كده الفيلم اللى انا حكيته ده عن ايه هو التدخين اصلا
واحد ماسك ورقة فيها تراب و مولع طرف الورقة و شغال بيشفط هوا و يطلعه تانى فى الهوا

ايه ده ؟

ليه طيب كده ؟

انا مستغربة بجد

معقول فيه ناس بالعدد ده غير واعيين و مش مصحصحين لنفسهم ؟

معقول كل المدخنين اللى حواليا اللى بلاقيهم عباقرة فى حاجات كتير هبل اوى كده فى التدخين ؟

سبحان الله

رجل يبقى عبقرى فى شغله و اهبل مع نفسه

بيشفط الهوا و يطلعه تانى و يقول ده مزاج

بيموت نفسه فى لامبالاة و يقول اصل انا اتعودت

لا حول و لا قوة الا بالله على حالة الهبل الجماعى اللى اصابت البشر

-
امبارح كنت راكبة الميكروباص و سرحت شوية جاه فى بالى حاجات كتير منها انى كنت من يومين دايخة و مش مركزة و أنسبت ضعف تركيزى الى انى قضيت يومى وسط سجاير غيرى

ربنا يهدهم و يبطلوا بقى

المهم انى فى الميكروباص سرحت فى تصنيف و تقسيم نوعية الناس اللى بتدخن لان اكيد مش كلهم ناس هبلة يعنى

مع ان الهبل طالهم كلهم لكن اكتشفت و لله الحمد ان الهبل انواع

------------
النوع الاول : المراهقين

ـــــــــــــــــــــــــــــــــــ

.

و طبعا كلنا عارفين و قرينا الف مرة عن ان الشباب فى فترة المراهقة بيدخنوا ليثبتوا رجولتهم

اينعم ده الهبل بعينه و السذاجة ذاتها و الضعف بكل انواعه

و شئ مفروغ من الحديث عنه

لان السابقة للاكبر منهم و عشان كده بيقلدوا

بس هنخرج بنتيجة واضحة و هى ان المراهق بيدخن عشان فى سن المراهقة بيقلد اى شئ بيعمله الاكبر منه ، مش عاوزة اتكلم فى وجهة نظر المراهق للرجولة و لا عاوزة اتكلم عن مواصفات الرجولة الحقيقية لكن خرجت بجملة و هى ان

المراهق بيدخن لانه بيقلد

.
النوع التانى : الناس الفاقدة

ــــــــــــــــــــــــــــــــــــــــــــ

.

و دول بيدخنوا لانهم موهومين ان الحياة متستهلش نضيعها فى الحفاظ على نفسنا و حرمان انفسنا من هبل التدخين

لذلك لا يرضوا ابدا لانفسهم الا يدخنوا

او تقريبا بيستخسروا

الواحد منهم بيقول فى باله هو انا هحافظ على نفسى ليه ؟ ما انا ضايع فى كل حاجة ما الحياة ملوثة و المياة و الاكل و الهوا ملوث ... هى جات يعنى على السجاير

هى جات يعنى عليا انا .... ما هو كل الناس بتدخن

" فى افتراض غبى منه الى ان كل البشر هبلة زيه و بالتالى شكله مش غريب فى هيصة الهبل اللى عمت على الناس "

......

طبعا كلام ناس حشاشة و معندهاش اى وعى بقيمة الحياة و الزمن و نعمة الصحة

ناس فقدت المعنى الحقيقى لكلمة تفكير و تدقيق و استيعاب

ناس عايشة فى غيبوبة و مش هيفوقوا الا لما يروحوا يتفسحوا مرة عند دكتور و يقولوهم مبروك نتيجة الهبل كانت سرطان الرئة

يمكن ساعتها يبدأوا يستوعبوا من حجم الصدمة و الالم الجسدى اللى هيقابلوه

دول مش هندعى لهم لان سرطان الرئة مالوش علاج اصلا

يبقى ندعى عليهم يموتوا و يرتاحوا و يريحوا عنينا المُشفقة عليهم

...........
النوع التالت :الكسل عن التفكير

ــــــــــــــــــــــــــــــــــــــــــــ

.

كنت من يومين قاعدة فى سيلانترو كافيه فى الزمالك فى الدور التانى اللى هو مسموح فيه بالتدخين

مع واحدة صاحبتى اسمها دينا

دينا مش مدخنة و بس

دى حشاشة اذا صح التعبير

الحياة عندها مش فارقة

المهم انها تعيش اللحظة حتى و لو كان مع سيجارة

دينا كانت معايا تحت فى الشارع و بصت فى علبة سجايرها لقت 13 سيجارة بس يا حرام فاضلين

فاتخضت و بصت للشنطة و العلبة فى دهشة و قالت: ايه ده ؟ دول بس ؟ لا ده انا لازم اشترى واحدة تانية و بدون حتى ما تشاور لى راحت منحرفة عن مسارنا و دخلت على بقال قالت له عندك مارلبورو لايت ؟ هات واحدة ، اداها واحدة و روحنا قعدنا و خلصت تقريبا 15 سيجارة خلال ساعتين

بعد الساعتين اتصلت بصاحبها و قالت له تعالى و بعدها بعشر دقايق واحدة صاحبتها اتصلت بيها فقالت لها تعالى ههههههه

كلهم جم و الحمد لله

و انا قعدت معاهم ساعتين و نص غير الساعتين اللى فاتوا

عاوزة اقولكم انى عديت عدد السجاير اللى اتطفت قصادى و عدد الطفايات اللى جاه الوايتر بدلها

تقريبا كده عدى قصادى فى حدود 40 سيجارة و 13 طقطوقة اتغيرت

فى ساعتين و نص بس

!ايه رايكم ؟

و كل ده و انا قاعدة بدون ما احط فى شفايفى فلتر واحد لاى سجارة ملعونة منهم

ياما عزموا بس خلاص تاكدوا انى ماليش فى الهبل عشان كده وفروا سجايرهم

فهمتوا انا بتكلم عن اى نوع من المدخنين؟

نوع الناس التى لا تكترث باى شئ

مفيش نظام فى حياتهم

مفيش شئ يمنعهم عن الاضرار بنفسهم

السجاير موجودة و الطفايات موجودة و الصحبة موجودة و الاماكن اللى فيها تدخين موجودة

الحاجة الوحيدة اللى متواجدة بشدة فى امخاخهم هى الكسل

مكسلين يبطلوا..... مكسلين يفكروا فى عواقب اللى بيعملوه .... مكسلين يفوقوا من غيبوبة الهبل ....

الكسل يقتل ...

. ! انتبهوا

----------------------------------------------------------------

روابط قد تكون محبطة

.. المدخن يفقد 11 دقيقة من عمره مع كل سيجارة ..

.

.. تدخين 19 سيجارة يومياً يرفع نسبة فشل الإخصاب إلى 82 ..

.

.. اسكتلندا "لا تدخين بعد اليوم"..عقبالنا ..

.

نزوة

مغلق لحين تحسن الصحة النفسية و تعافى المزاج الذى يكتب

دروس فى الصحافة للمبتدئين 1

اولا يعنى ايه مبتدئ ؟

من وجهة نظرى مبتدئ يعنى واحد لسه بادئ فى شئ من فترة قليلة

و من تقييمى

المبتدئ يظل مبتدئ حتى مرور عام على بداية ممارسته للشئ اللى هو مبتدئ فيه

و الصحافة مهنة او هواية او اى مسمى تانى و لكنها شئ فيه مبتدئين كتير

انا مؤمنة ان التدريب الصحفى بيبقى بالشغل و بالممارسة و كثرة التجارب و لكن من حق المبتدئين انهم كمان يلاقوا نصايح جاهزة تلفت نظرهم من اول الخط لكزا حاجة ممكن ميفهموهاش كويس غير بعد سنين من الشغل فى الصحافة

و تبعاً لخبرتى المتواضعية و المُرضية فى الصحافة

حبيت افيد غيرى من نقط اتعلمتها و لسه بتعلم فى تفاصيل كتير فيها

نقط ممكن تفيد اى مبتدئ لو بس قراها و فكر فيها كويس

و ايماناً منى بالمثل القائل

" عامل ...تُعامل "

فانا هعلم غيرى عشان الاقى اللى يعلمنى حاجات تانية

و اجرنا عند الله فى كل الاحوال

-

الدروس اللى هكتبها فى البلوج هنا هتبقى حلقات

كل حلقة هتبقى خمس نصايح

دى الحلـــقة الاولــى

.

-1-

لما تروح تشتغل فى جورنال ضعيف و مش مشهور فتاكد ان اى حد من جوه الجورنال هيبص لك على انك صحفى ضعيف

.

-2-
لما تحاور حد و تلاقيه هو اللى بيسالك عن اى حاجة اعرف انه عاوز يتسأل نفس السؤال و نفسه يحكى عن الحاجة دى فى الحوار بس مش عارف ازاى فقال يسالك عنها عشان تقوله و انت كمان بقى ايه رايك فيها ؟ و بالطريقة دى هتخليه يتفتح نفسه اكتر و يطلع حوارك معاه افضل ... حاور المشاهير كما يرغبون و قم باعداد الحوار كما ترغب فى النهاية

.

-3-
حاول تنصب على عين و مخ القارئ بنزاهة .. يعنى ايه ؟

يعنى مثلا اعمل عنوان عن حاجة الناس نفسها تقراها و اكتب فى الموضوع عن حاجة نفسك انت ان الناس تلتفت ليها و تقراها بس بشرط ان يكون فيه ربط بين الحاجتين عشان متخسرش ثقة القارئ و تخليه يشتمك فى سره عشان ضحكت عليه و خليته يقرا موضوع مالوش علاقة بالعنوان

احترم طاقة عين القارئ المحدودة و مع كثرة تجارب النصب ستستطيع ترويض عينه ليقرأ ما انت راغب فى ان يقرأه

.

-4-
مش معنى انك صحفى مبتدئ يبقى كل الناس اللى شغالين قبلك عباقرة ... بالعكس فيه اغبيا و كلاب كتير فى الوسط الصحفى .. ممكن يبقى رئيسك بيغير من موهبتك مع انه اكبر منك ... يعنى متثقش فى كل اللى اكبر منك عشان مجرد هم اكبر منك .. اللى فى القلب فى القلب

.

- 5 -
اوعى تزعل فى يوم لو لقيت شغل ليك منشور و محذوف منه .. متفتكرش انك علطول هتكتب صح .. اكيد كان فيه سبب للحذف و متشغلش بالك كتير بان الدسك المركزى بتاع الجرنان بيكرهك و لالا و لكن ركز على الفايدة

هتسألنى فى بلاهة : طب ايه هى الفايدة من ان شغلى ينحذف منه قبل النشر ؟

هقولك فايدته انك ممكن تعيد صياغته و تطور ما تم حذفه و تكتبه من اول و جديد و تنشره فى مكان تانى و اهو كله زيادة فى ارشيفك هيفيدك فى المستقبل و هيحسسك ان مفيش حرف كتبته اترمى فى الزبالة لازم تعرف ان كل حرف فيه فايدة بس المهم ازاى تعرف تبرزها بترتيبه وسط الحروف اللى حواليه

شغل دماغك تكسب

.

يا رب تكونوا استفدتم يا كتاكيت

الإنتقام بتهذيب

الإنتقــــام بتهـــذيب

ــــــــــــــــــــــــــــــــــــــ

.

تلك احد مهارتى الجديدة فى التعامل مع من احب
اكتسبتها بسبب احساسى بالاسف الذى كان سببه تجاهل و عدم اكتراث واحدة بحبها
عليه العوض و منه العوض
يمهل ولا يهمل
طب كفاية بقى نكد و نخش فى الموضوع علطول
V
V
V
V
الإنتقام بتهذيب هو ان ترد على من اساء إليك بدون ان يعرف
**
الإنتقام بتهذيب هو ان ترد و تعبر عن استيائك بسببه دون ان تضره مهما بلغ حجم إضراره لك
**
الإنتقام بتهذيب هو ان تصرخ عالياً تشكوه و لكن فى صحراء جرداء لا يسمعك فيها من يتأثر بك
**
الإنتقام بتهذيب هو ان تشكو ألمك او أسفك فى صمت دون ان تزعج من اساء اليك
**
الإنتقام بتهذيب هو ان توهم نفسك انك تنتقم و لكنك مجرد تفرغ شحن عواطفك التى تم إيذائها
**
الإنتقام بتهذيب هو ان تخرس نفسك عن وصف من اذاك بضجر و لو حتى بورقة و قلم
**
الإنتقام بتهذيب هو ان تمنع عقلك عن تخيل من اذاك انه قطعة مرقة مجمدة ستلقيها فى صلصة تطعمها لكلب جار لا تحبه
**
الإنتقام بتهذيب هو ان تقابل من اذاك فتصمت و لا تنظر لوجهه

إنتقامك كان فى تهذيبك
إنتقامك كان فى تميزك
إنتقامك كان فى عدم ردك
إنتقامك كان فى إمتناعك عن رد الاذى
إنتقامك كان فى اكتشافك انك افضل ممن اذاك
إنتقامك كان طريقة للسيطرة على نفسك
إنتقامك كان وسيلة مجدية لاقناع نفسك انك مهذب
إنتقامك كان إسلوباً فريداً توضح به لمن اذاك إنه فعلا اذاك لذلك لن تنظر بعينه و لن تتكلم معه
---------------
إنتقامك يكون فى ان تعرف قيمة نفسك و تمتنع عن اعطاءها لمن لا يستطيع الحفاظ عليها
------
كُن نفسك
..... كُن وحيداً
.......... و لكن لا تضطر الاخرين لإيذائك ... حتى تعود لتنتقم فى تهذيب
...........................................
.........................
...........
...
" .... كلمات كتبها قلمى و الدموع تترقرق فى عينى حزناً بسبب من آذت مشاعرى يوماً "
و لكن هيهات ان تنسال دموعى من اجلها مرة اخرى
.....
. خســــــــــــــــــــــــــــــــــــــــــارة

هناك فرق

كتير الناس بتفهمنى غلط و ده راجع لانهم بيفهموا بطريقتهم او يمكن عشان مبيبقاش فيه فرصة انى اعمل صفقة تفاهم بين طريقتى و طريقتهم

لكن ياما تعبت بسبب ان الناس مبتفهمش الفرق بين شئ و شئ

ياما اتعاملت مع ناس الفوضى تحتل اغلفة امخاخهم

انا المرة دى حبيت اقول ان هناك فرق

و هحكى مواقف من حياتى

هناك فرق بين ان اكون انانية و ان اكون على وعى بحقوقى و واجباتى

موقف : بابا ساعات بيتهمنى انى انانية عشان لم احفظ الاطباق الفضية بالنيش فى السفرة بعد عزومة معينة مع ان ده واجب ماما لتلات اسباب اولهم انها هى اللى طلعتهم من النيش ثانيا انها هى اللى منظمة النيش لانه بتاعها هى و هى اللى تعرف ترتبهم بطريقتها و ثالثا لان البيت ده اصلا مش بيتى ده بيتها هى و ده معناه انى مش صح انى اتدخل و العب فى ممتلكات صاحبة البيت يبقى انا لما تجاهلت تنظيم الاطباق ده كان وعى بواجباتى و حقوقى مش انانية منى و تمنع عن المساعدة

__________________________________________

هناك فرق بين الود العام و المحبة الخاصة

موقف : كتير بتورط فى علاقات بسبب ان الناس بتفتكرنى بحبها بشكل خاص مع انى كده مع كل الناس يعنى لما ارحب بيك و اكون متعاونة و لذيذة و بشوشة و كريمة و صادقة و جدعة و مرحة و غيره ... فده مش معناه انى معاك انت بس كده عشان انت مثلا مميز

لا ، انا مع كل الناس كده يبقى بلاش تظلم نفسك معايا و تفتكر ان المعاملة خاصة فى حين انها عامة

______________________________________

هناك فرق بين الخوف عليا و التسلط على حياتى و الاعتراض على تصرفاتى

موقف : مرة حكيت لواحدة عن حاجة بعملها بس بحبها مع انها غريبة شوية و كان طابع كلامى معاها طابع خاص يعنى مش معقول الاقى الجيران عارفين تفاصيل الحوار مثلا و لكن لان الواحدة دى شافت تصرفى غريب و لم تقبله من ناحيتها او ربما حست انها متقدرش تعمله عشان كده مهانش عليها اعمله و هى لا

المهم اكتشفت بعد الحوار ده ب 4 اشهر و نصف ان ماما بتعاتبنى فى حوار مشترك امام بابا على التصرف الغريب ده

فجادلتها فى محاولة للاحتيال عليها لاعرف مصدر معرفتها فلمحت بشئ ساعدنى فى اكتشاف ان الواحدة اللى حكت لها التصرف ده اشتكت لماما مرة فى التليفون بدافع انها خايفة عليا

و كانت النتيجة كالتالى

ليس من حق اى مخلوق ان يتسلط على حياتى و يفرض رايه عليها لمجرد ان احد تصرفاتى لا تروق له -

قطعت علاقتى بنسبة 75 % بالواحدة دى -

بطلت اثق فى الناس و عمرى ما هتكلم عن شئ بحبه قصاد حد -

داومت على فعل ما احب لانى الوحيدة التى تعرف تفاصيل عيوب و مزايا افعالى و بالتالى مسئولة بشكل كامل عنى -

بدات احذر كل من اعرفهم بان يا وليه يا سواد ليله اللى يروح يشتكينى لماما بدافع الخوف عليا -

_

بالرغم من انى وضحت الفرق فى تلات حاجات بس لكن اكيد هفتكر حاجات تانية و اضيفها فى اى لحظة طول ما الناس بتفهمنى غلط

ابحث عن

احيانا يستحى البعض بالتصريح عن مواصفات شئ او شخص او مكان يبحث عنه

كلنا نبحث

و لكن المواصفات و محركات البحث مختلفة

قد يعتقد البعض ان بحثى فيه شيئا من الجرأة و لكن من حقى ان ابحث حتى و لو فى صفحة املكها

ابحث عن مكان

مكان هادئ مظلم لا يشاركنى فيه من لا يستحق

قد يكون بيتا او شاطئ او بلكونة حتى او ممكن يكون مكتب او مقعد فى ميكروباص لكن المهم انه يكون بالتلات مواصفات اللى فى السطر الاول

ــــــــــــــ+ــــــــــــــــــ+ــــــــــــــــــ+ــــــــــــــــ+ــــــــــــــــ+ــــــــــــــــــ+ــــــ

ابحث عن وطن

وطن يكون امن .. عادل .. متعاون .. صادق .. بلا مشاكل .. بلا افتراء .. بلا مغالاة .. بلا خداع

ابحث عن وطن استقر به بقية حياتى

من يجد لى وطنا يحتضننى فعليه فورا اخبارى حتى لا افوت لحظة من عمرى مدفونة فى مصر

ـــــــــــــــــ+ـــــــــــــ+ـــــــــــــــــ+ـــــــــــــ+ـــــــــــــــ+ــــــــــــــــ+ــــــــــ

ابحث عن عمل

عمل يستوعب مواهبى و يستغلها باتقان

عمل يصدق محبتى و براعتى فى عدة اشياء

عمل يقدر مجهودى و رايى و يحترمه مهما كان ضئيلا

اعتذر

خلطة حسية من الالم الغير مؤكد و الدهشة المباغتة و الاحساس بالذنب المهزوز و التقدير الذى تخيطه رعشتى حين اكتشف ان احدا ما ترك لى رسالة مفعمة بالتقدير و الاهتمام و لكنى قرأتها متاخرة جدا

اعتذر لكل من تأخر ردى عليه

اعتذر لكل من انتظر كلمة منى لمواساته و لكنها لم تصل

اعتذر لكل من احبنى فى غيابى و بدون علمى

اعتذر عن لحظات كنت لا ارى فيها جيدا من حولى

فضيحة اسمها سعيدة سلطانة

فضيحة اسمها سعيدة سلطانة

ــــــــــــــــــــــــــــــــــــــــــــــــــــــــــــــ

كارثة بس محدش حاسس بيها ... الكارثة دى اسمها سعيدة سلطانة او زى ما بتقول على نفسها

dana international
.. الست دى بتغنى اغانى غريبة اوى ... مفيش افادة منها و لا فيها حاجة مفهومة غير إنها بس ممنوعة فى مصر ، و هقولكم اتمنعت ليه بس لازم تعرفوا انها اتمنعت بتصريح من رقابة المصنفات الفنية بتصريح مباشر و بالتحديد فى يوم 18 اغسطس 2001 مع ان الشركة اللى بتنتج لها عرفت تاخد تصريح قبل كده بتداول البومات سعيدة فى مصر عام 91 ... و اغانيها اتمنعت بسبب انها بتحمل معانى جنسية جريئة و بتوصف افعال لا تُحكى . يعنى سعيدة او دانا دى م الاخر مطربة سكمونص و لكن المدهش فى الموضوع ده كله انها اساسا مطلعتش ست .. لأ كمان كانت اساسا راجل و عملت عملية تحويل جنس و اتحولت لست .. يعنى مطربة تاريخها كمان مشبوه م الاخر .

- الست سعيدة دى بقى قصدى قبل ما تكون سعيدة كان اسمها " يارون كوهين " و اتولدت فى فبراير عام 72 و عملت عملية التحويل فى سن 18 ، و سنة 93 ظهرت فى اسرائيل و كانت راقصة ديسكو مشهورة فى تل ابيب و البوماتها- اللى هم عددهم بالضبط عدد صوابع ايدينا- كانت مجننة الناس و هاوساهم هنا فى مصر سنة 95 و خصوصا فى شهر سبتمبر و بعدها علطول بسنة خدت جايزة احسن مطربة فى اسرائيل ، مع ان الحاخامات اليهود فى اسرائيل كانوا عايزين يهدروا دمها لما اتحولت لست و لكن قاهرة المعز ساعتها فتحت لها صدرها و قالت لها اهلا يا حبيبتى و ده كان سبب فى شهرتها هنا من عشر سنين تقريبا .
و اول اغنية غنتها دانا هنا كانت اسمها " انا مش سعيدة سلطانة " يعنى كمان بتنكر نفسها ... مطربة مضحكة جداً .
- اغرب كلمات اغانيها بقى كانت بتقول " انا مش سعيدة سلطانة .. انا جوزى طردنى م البيت .. و تهت و دخلت فى شجرة ... اه يا لهووووووووووى ... انا سعيدة سلطانة ... لأ انا مش سعيدة سلطانة "
" انا اسمى سولى سعدود " ، و بتقعد تنقنق فى الاغنية كده " نوق نوق نوق نق " و مقطع كمان بالانجليزى بيقول

my name is not saaida .

- حبيت ادور على تاريخ الست الغريبة دى و اعرف نظامها ايه ، فدخلت الموقع الرسمى بتاعها اللى مش هديكو عنوانه عشان فيه صور وحشة و لقيت فيه قسم اسمه حقائق عن دانا إنترناشيونال ، و لقيت فيه حاجات مكتوبة عنها و عن شخصيتها و اغرب ما قريته انها بتفرح لما تشوف الحوامل فى الشارع ماشيين و انها عمرها ما عملت دايت و كمان انها حبت لاول مرة فى سن 22 سنة و مقالتش للى بحبه بحبك .. مش بقولكم ست مضحكة ، و قال ايه كمان انها راضية عن شكل جسمها بعد التعديل لكن يا حبة عينى كان نفسها عينيها تبقى اكبر من كده شوية ، و من حقائق حياتها كمان انها لو مكانتش مطربة كانت هتشتغل محامى و طبعا بقية الحقايق المكتوبة كانت عن تفاصيل الجنس فى حياتها ...
- حبينا فى الاخر نكتب لكم ايميلها الخاص لو حبيتوا تبعتوا تشتموها :

maganuna@aol.com
magnuna_72@yahoo.com

- و اخيرا اعزائى القراء هنعمل لكم عرض ذهبى جداً جداً .. اللى عايز اغانى سعيدة سلطانة و فوقيها تلات فِرد شبشب هدية يجيب نفسه و معاه اتنين جنيه و ربع و ييجى مقر البلوج .

!! إمتى سميرة سعيد بتقول انا خدت عين

إمتى سميرة سعيد بتقول " أنا خدت عين ..!"ا

ـــــــــــــــــــــــــــــــــــــــــــــــــــــــــــــــــــــــــــــــــــــــ

لما شريطها بيعمل مبيعات خيالية و يقولوا لها مبروك

لما بتاخد جايزة عالمية

لما بيجيلها زكام

لما يسلم عليها واحد من عشاقها و يقولها ما شاء الله عليكى

لما تعمل حفلة ناجحة

لما تغير عربيتها

لما تسافر متنكرة و يعرفها صحفى فى المطار

لما تكتشف ان واحدة من اغانيها لحنها مسروق من اغنية اجنبية

لما اتخانقت مع عمرو مصطفى بعد سلسلة نجاحات

لما يسألوها حفلاتك قليلة ليه ؟

لما يقولولها ابنك كبر بسرعة يا سميرة

لما تروح تعمل ندوة فى مجلة الشباب و يقولوا لها غنى تقول احنا متفقناش على كده

لما تسجل الاغنيه الواحدة فى 4 شهور اكتر من 14 مرة و امير محروس (مهندس الصوت )يفقد وعيه بسببها

لما وقعت فى حوض زرع قبل حفلة شيراتون مراقش و فستانها غرق فى المياه و اتاخرت على الحفلة

لما دخلت المسرح فى حفلة فى امريكا و يا دوب هتبدا لقت صوتها اتحشر و بح و خرجت جرى و اعتذرت عن الحفلة عشان صوتها تعب

لما تسألها صاحبتها نجية العوضى .. انتى خاسة ليه اليومين دول ؟

سميرة دلوقتى مبقتش بتخاف من الحسد زى زمان

و يا رب اللى اداها المناعة دى يدينا احنا كمان

حوار بين مستمع و ناقد

حوار بين مستمـــع و ناقـــد

ـــــــــــــــــــــــــــــــــــــــــــــــــــــــ

المستمع : إيه رأيك في تامر؟
الناقد : معلش .. معلش الأطفال أحباب الله و مهما عملوا برضه لازم نغفر لهم
المستمع : يا عم لأ .. بقولك إيه رأيك في تامر
الناقد : ما قلت لك الأطفال أحباب الله
المستمع : لكن قولي صحيح انت بتسمع نوع إيه م الأغاني ، يعنى الشبابي و لا القديم ؟
الناقد : مابسمعش
المستمع : ليه؟
الناقد :الأغاني حرام
المستمع : طيب ليه مش عاجبك تامر؟
الناقد : يا ابني انت مش فاهم دى نظرة
المستمع : نطرة إيه ما الجو كويس
الناقد : مطرة إيه بس ، عرفت بقى ليه مبحبش تامر؟
المستمع : ليه ؟
الناقد : يوووه ، يا عم انت دوختنى معاك و مش عاوز تفهم أبدا
المستمع : طب فهمنى
الناقد : لازم اى واحد يطلع جديد يغنى ننقده و نقرفه فى عيشته و نطفشه من الوسط الفني
المستمع : طب ليه ده ممكن يكون موهبته كويسه
الناقد : لا يا عم شكرا كفايه اللي عندنا
المستمع : قصدك النجوم ؟

الناقد : أيوة
المستمع : بس لكل اجل كتاب
الناقد : يا عم كتاب و لا كراسه مش مهم ، إحنا بنقبض منهم و نطرد منافسيهم
المستمع : دى نظرية الطمع و الجشع ، طيب افرض قرروا فى يوم ميدفعوش
الناقد : أكيد هنتبنى المواهب الجديدة
المستمع : لكن مقولتليش انت بتشتغل إيه ؟
الناقد : خريج معهد تجفيف رنجة
المستمع : يعنى بتشتغل إيه و تبع مين
الناقد : أنا تبع كل الناس و بشتغل مدير امن العمارة دى
المستمع : يعنى بواب
الناقد : لأ ، مدير أمن
المستمع : طب و ايه علاقتك بالنقد الفنى؟
الناقد : يا عم كل حاجة فى البلد دى بالفهلوة
المستمع : طب تشغلنى معاك؟
الناقد : ماشى
المستمع : و هشتغل ايه؟
الناقد : هاتكتب لى مقالاتي و انا أمليك
المستمع : طب ما تكتبها انت
الناقد : يا عم ما انا مبعرفش أكتب و لا أقرا
المستمع : طيب هنكتب عن مين؟
الناقد : عن تامر
المستمع : برضه تامر؟
الناقد : ايوة ما هو مفيش غيره
المستمع : ليييييه ؟ ده فيه نجلا و بوسى سمير و جاد شويرى و ناس متخلفة كتير
الناقد : لأ ، تامر فنان و بيعرف يغنى و عشان كده هنكتب عنه
المستمع : هنكتب ايه ؟
الناقد : هنكتب الأطفال أحباب الله و رزق الهبل على المجانين و الفاضى يعمل قاضى

" و عساكم فهمتم بقى "

نصايح .... ممكن تكون مملة

جانى ايميل بعنوان تعلمت ان و عجبنى محتواه و لذلك استاذن المجهول اللى بعته انى اضيف محتواه هنا

و حتى لو رفض خلاص انا ضفته اهو

قد تكن بعض المقولات التالية غير مجدية او نالتها اذنك كثيرا و لكن بالتاكيد العودة الى قراءتها لن يضر حتى و لو كانت مملة فى نظر البعض

تعلمت انه فى المدرسه او الجامعه نتعلم الدروس ثم نواجه الامتحانات ،اما فى الحياه فاننا نواجه الامتحانات وبعدها نتعلم الدروس .

· تعلمت انه محادثه بسيطه او حوار قصير مع انسان حكيم يساوى شهر دراسه .

· تعلمت انه لايهم اين انت الان... ولكن المهم الى اين تتجه فى هذه اللحظه .

· تعلمت انه خير للانسان ان يكون كالسلحفاه فى الطريق الصحيح ... على ان يكون غزالا فى الطريق الخطأ .

· تعلمت ان مفتاح الفشل هو محاولة ارضاء كل شخص تعرفه .

· تعلمت انه خير للانسان ان يندم على مافعل ... من ان يتحسر على ما لم يفعل .

· تعلمت ان العمل الجيد افضل بكثير من الكلام الجيد .

· تعلمت انه يوجد كثير يحصلون على النصيحه ... القله فقط يستفيدون منها .

· تعلمت ان المتسلق الجيد يركز على هدفه ولا ينظر الى الاسفل ... حيث المخاطر التى تشتت الذهن .

· تعلمت ان الفشل لا يعتبر اسوأ مافى الحياه ...بل الفشل هو الا نجرب .

· تعلمت ان هناك اناس يسبحون فى اتجاه السفينه ... وهناك اناس يضيعون وقتهم بانتظارها .

· تعلمت انه لا ينتهى المرء عندما يخسر ... انما عندما ينسحب .

· تعلمت انه من اكثر الاسلحه الفعاله التى يملكها الانسان... هى الوقت والصبر .

· تعلمت انه عندما تضحك ....يضحك لك العالم وعندما تبكى ... تبكى وحدك .

· تعلمت ان هناك فرق كبير بين التراجع ... والهروب .

· تعلمت انه من اجمل الاحاسيس هو الشعور من داخلك بانك قمت بالعمل الصحيح حتى لو عاداك العالم اجمع

· تعلمت انه اذا لم يجد الانسان شىء يموت من اجله ... فانه فى اغلب الظن لن يجد شيئا يعيش من اجله .

· تعلمت ان كل مانراه عظيما فى الحياه بدأ بفكره ومن بدايه صغيره .

. تعلمت ان الابتسامه لا تكلف شيئا ...ولكنها تعنى الكثير .

سرقة النجاح بسرقة الاغلفة

أصـــالة من سمـــيرة

و

هيثـــم من نجـــوى

ــــــــــــــــــــــــــــــــــــــــــــ

طالما سمعنا عن تشابه الالحان او موضوعات اغنية لدى اكثر من مطرب ... و تقبل الجمهور اقتباس مطربينا العرب من المطربين الغربيين حتى صار كل شئ منسوخ و لكن ما اكتشفته مؤخراً كان اكثر عجباً لانى اكتشفت ان المطربين العرب الان يحاكون و يقلدون انفسهم ... فهل انتهت التقاليع الغربية حتى نقلد انفسنا ؟؟

اولا: غلاف اخر البوم للمطربة اصالة .. البوم " حياتى " صورة غلافه هى نسخة من صورة اخرى للمطربة سميرة سعيد ملتقطة من الاعلان التجارى الذى صورته سميرة من شهور لصالح منتج تجارى مغربى ، صورة سميرة كانت من الاعلان التجارى الذى تم تصويره فى الدار البيضاء بالمغرب فى يوم 18 مايو 2006 بينما تم التقاط صورة اصالة يوم 25 يوليو 2006 و اكتشفنا ان الصورتان تتشابهان فى عدة نقاط لولا ابتسامة سميرة التى اختفت عن غلاف البوم اصالة

اما الاكتشاف الثانى كان صورة من غلاف المطرب الصاعد هيثم سعيد البوم " مش بس كلام " الذى تم تدواله باسواق الكاسيت فى شهر اغسطس السابق و اكتشفنا ان صورته التى يحتضن فيها الهواء مجرد نسخة من صورة اخرى فى غلاف اخر البوم للمطربة

نجوى كرم الذى صدر منذ سنة و نصف بعنوان " كبر الحب " ... الاقتباس الان الى اين ... من سنقلد فى المرة القادمة ؟

حكمة اليوم و كل يوم ...دائماً قيد الإضافة

* كنزك هو ثقتك لذا لا تعطيها لأحد *

و ان اعطيتها فعليك تقييم من يستحق عطائك

و ان وجدت فعليك تحديد قدر الثقة التى ستعطيه اياها

و ان حددت فعليك التأكد من انك اعطيتها لمن لا يخونها

و ان خان لا تكتئب ... و لكنى لا انصحك بالبحث عن غيره

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

* كُن حريصاً دقيقاً فى صياغتك لوعودك للآخرين *

وعدك قد يؤثر فى مسار حياة الاخرين

مفهوم وعدك قد يجعل الاخرين يحلمون على حساب خطأك فى صياغته

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

* كُن كبيراً حتى تستطيع تجنب استفزاز من هم اكبر منك *

لا تجعل من يساعدك فى مراحل نموك الاجتماعى حتى لا يتمرد عليك يوماً او يعايرك

ابنى نفسك بنفسك لان محدش هينفعك

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

* اللى يسمع كلام الناس يروح فى داهية *

محدش بيشيل ذنب حد

و محدش فاضى لحد

ــــــــــــــــــــــــــــــــــــــــــــــــــــــــــــــــــــــــــــــــــــــ

* إطلاع الناس على رغباتك و أمنياتك يؤذى شعورك .. إحتفظ بها لنفسك *

! و التجربة دليل .. جرب

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

* لا تكُن ودوداً مع الغرباء حتى لا تورط نفسك بعلاقات لم تكن ترغب فيها *

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

* فى الهدوء راحة .. و فى الوحدة تأمل .. و فى الظلام تركيز *

إحرص على ان تكون تلك مكونات لحظة تحتاجها بين حين و آخر

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مسلسلات رمضان 2006

مسلسلات رمضان 2006

ـــــــــــــــــــــــــــــــــــــــــــــــــــــ

شهر رمضان الان لم يصبح مجرد شهر العبادة او شهر سلسلة الشياطين بل اصبح بمثابة المحطة الاخيرة للتنافس الدرامى كل عام .. الكل يعمل و يجتهد الان من اجل ان يحظى بعرض عمله على شاشات التلفاز فى رمضان . و قد جمعت لكم معلومات حول 18 مسلسل يتم العمل عليهم حتى الان للانتهاء منهم سريعا قبل 24 سبتمبر المقبل اى قبل اول يوم فى رمضان هذا العام .و شهر رمضان هو من سيحدد ايهم الفائز باكبر مساحة مشاهدة و اقبال على متابعته

:: مسلسل ولاد الشوراع ::

بدأت الفنانة حنان ترك منذ شهور تصويرالمسلسل التليفزيونى الجديد " ولاد الشوراع" . وتجسد فيه لأول مرة دور فتاة من أطفال الشوراع التى تتعرض لكثير من الاحداث الشاقة وترحب الممثلة الشابة بهذا الدور لأنها ترغب فى القيام بمثل هذه الادوار لتساعد فى رفع الظلم عن هؤلاء الاطفال ومن المعروف انها ارتدت الحجاب مؤخرا و تقوم باداء دورها بالحجاب، ويشاركها في البطولة النجم خالد أبو النجا وهو من انتاج كامل أبو على وهشام سليمان وتأليف شهير سلام . ويقوم بالاخراج عمر زهران ويعتبر أول عمل درامى يقوم باخراجه.

:: مسلسل حضرة المتهم أبي ::
بدأت المخرجة رباب حسين خلال شهر ابريل السابق تصوير المسلسل الجديد "حضرة المتهم ابى" الذى انتهى المؤلف محمد جلال عبد القوى من كتابة 22 حلقة حتى الان منه ، المسلسل بطولة النجم نور الشريف الذى يجسد شخصية وكيل مدرسة ومتزوج ويعرض المسلسل مشاكل الاسرة المصرية اليومية والمعاناة فى المعيشة والمسكن والدروس الخصوصية ومشاكل التعليم فى مصر.

:: مسلسل مواطن بدرجة وزير ::

نخبة كبيرة من الوجوه الشابة يشاركون في مسلسل "مواطن بدرجة وزير " فى أدوار جديدة منهم نيرمين الفقى ومنى هلال وسهام جلال ومنة فضالى وسارة وأحمد مراد وتامر سرى ، المسلسل قصة وسياريو وحوار يسرى السيوى وبطولة حسين فهمي ونجوى إبراهيم كضيفة شرف وإبراهيم يسرى وليلى طاهر وإيمان سريان ويوسف فوزى وجمال إسماعيل وهيثم محمد وأحمد عبد الحليم وانتصار عبد الباسط وسهير الباروني وأمال رمزي وجلال عبد القادر ومحمود طوبار وفاروق نجيب ، وإخراج عادل الأعصر ، وتدور أحداثه فى إطار اجتماعي حول كاتب صحفي يتدرج فى المناصب حتى يصل لدرجة وزير ، ويجرى حاليا تصوير المشاهد الداخلية للمسلسل باستديو مدينة السينما .

:: مسلسل احلام امرأة مطلقة ::

أحلام" هى الشخصية الجديدة التى تلعبها الفنانة إلهام شاهين من خلال أحداث المسلسل العربى الجديد "قلب امرأة" وهو من تأليف مجدى صابر. وتعتبر قصة حياة أحلام قصة كفاح المرأة المصرية المتكررة، فأحلام هى امرأة مطلقة تعيش في حي شعبي وتعاني من تربية ابنها في سن المراهقة. تتنقل أحلام بين أكثر من عمل وتواجه العديد من الصعاب ولكنها تتجاوزها وتنجح في أن تصبح سيدة أعمال مشهورة وتقرر ترشيح نفسها لعضوية مجلس الشعب ضد أحد رموز الفساد وتنجح في الفوز بمقعد في البرلمان

:: مسلسل حنان وحنين ::

التقي الفنان عمر الشريف مع سيد حلمي رئيس مدينة الانتاج للاتفاق علي التفاصيل النهائية لتصوير حلقات مسلسل 'حنان وحنين' ويجري حاليا الانتهاء من كتابه حلقات. المسلسل تأليف ايناس بكير.. كما تم الاتفاق علي ترشيح مخرج سينمائي سيتم الاتفاق عليه خلال الأسبوع القادم لاختيار باقي الأبطال وقد وافق الفنان أحمد رمزي علي المشاركة في البطولة و بالفعل بدأ التصوير في النصف الثاني من شهر مارس السابق في الولايات المتحدة الأمريكية حيث تدور معظم أحداثه بين أمريكا والاسكندرية والقاهرة.. يعتبر هذا هو أول مسلسل يلعب بطولته النجم العالمي عمر الشريف ورشح للعرض في شهر رمضان القادم.

:: مسلسل حياتى انت ::

اكد ابراهيم العقباوي رئيس شركة صوت القاهرة أن مسلسل 'حياتي إنت' سيتم اعداده للعرض في شهر رمضان القادم خاصة ان احداثه اجتماعية كوميدية وتناقش مشاكل الأسرة المصرية منها العلاقات الزوجية وتربية الابناء والغيرة بين الزوجين والزواج العرفي والزواج القائم علي المصالح الشخصية والادمان بين الشباب ومشاكل المراهقين. المسلسل قصة حسن شاه وسيناريو وحوار بسيوني عثمان واخراج محمد عبدالعزيز وبطولة احمد آدم ودلال عبدالعزيز وروجينا ومحمود الجندي ودينا ونشوي مصطفي وعماد رشاد ومنة فضالي وانتصار واحمد صيام وهيثم محمد.

:: مسلسل الشيطان لا يعرف الحب ::

ابلغت شركة صوت القاهرة المخرج أحمد النحاس باختيار مسلسل 'الشيطان لا يعرف الحب' لت